2 سَرَاكُنَ 7
7
1أَلْيَسَعَ يَأَمْسَ يَثٜىٰ «كُجِ مَغَنَرْ يَهْوٜىٰهْ، ‹وَرْ حَكَ غُواْبٜىٰ ذَاعَ سَيَرْ دَ مُودُ طَيَ نَغَارِنْ حَڟِ مَڢِے ݣَوْ عَكَنْ أَظُرْڢَا غُدَا دَ كُمَ مُودُ بِيُ نَهَڟِنْ بَلٜىٰ عَكَنْ أَظُرْڢَا طَيَ عَڧُواْڢَرْ سَمَرِيَ؞› »
2شُوغَبَنْ سُواْجُواْجِ وَنْدَ سَرْكِے يَكٜىٰ دُواْغَضَ عَكَنْسَ يَثٜىٰ وَمُتُمِنْ اللَّهْ «كُواْ دَ يَهْوٜىٰهْ دَ كَنْسَ ذَيْبُوطٜىٰ ڧُواْڢُواْڢِنْ سَمَ، وَنَّنْ أَبُ بَذَيْ عِيَ ڢَرُوَ بَ سَمْ!»
أَلْيَسَعَ كُوَ يَثٜىٰ مَسَ «ذَاكَ غَنِ دَ عِدَنُونْكَ، عَمَّا بَذَاكَثِبَ؞»
مَاسُ ثُوتَرْ ڢَتَرْ جِكِے سُنْ جٜىٰ سَنْسَنِنْ سُرِيَاوَا
3أَݣَويْ مُتُمْ حُطُ، مَاسُ ثُوتَرْ ڢَتَرْ جِكِے، وَطَنْدَ سُكٜىٰ ذَمَ عَبَاكِنْ ڧُواْڢَرْ بِرْنِنْ سَمَرِيَ؞ سُكَثٜىٰ وَجُونَ «دُوانْمٜىٰ مُكٜىٰ ذَمَنْ جِرَا حَرْ مُمُتُ أَنَنْ؟ 4عِدَنْ مُنْثٜىٰ ذَامُ شِغَ ثِكِنْ بِرْنِنْ، يُنْوَ ذَيْ كَشٜىٰمُ أَوُرِنْ؞ عِدَنْ مُنْ ذَوْنَ أَنَنْ ذَامُ مُتُ؞ سَبُواْدَ حَكَ مُتَڢِے مُمِيڧَ كَنْمُ أَ سَنْسَنِنْ يَاڧِنْ سُرِيَاوَا؞ عِدَنْ سُنْبَرْمُ دَرَيْ، تُواْ مَادَلَّ؞ عِدَنْ كُمَ سُنْكَشٜىٰمُ، أَيْ، دَا مَا مُتُوَ ذَامُيِ؞» 5سَيْ سُكَتَاشِ بَايَنْ رَانَ تَڢَاطِ، سُكَ كَامَ حَنْيَ ذُوَا سَنْسَنِنْ يَاڧِنْ سُرِيَاوَا؞ عَمَّا دَ سُكَ كَيْ بَاكِنْ سَنْسَنِنْ، سُكَ تَرَرْ بَابُ كُواْوَ أَوُرِنْ؞ 6عُبَنْغِجِ كُوَ يَسَا سُورِيَاوَنْ سُكَجِ مُواْڟِ كَمَرْ نَتَڢِيَرْ بَبَّرْ ڧُنْغِيَرْ سُواْجَ تَرٜىٰدَ دَوَكِ دَ كٜىٰكُنَنْ دُواْكِنْ يَاڧِ؞ سَيْ سُكَثٜىٰ وَجُونَ «غَاشِ سَرْكِنْ إِسْرَٰٓءِيلَ يَطَوْكُواْ هَيَرْ مُتَنٜىٰنْ هِتِّ دَ نَ مَصَرْ دُواْمِنْ سُيَاڧٜىٰمُ؞» 7دُواْمِنْ حَكَ سُكَ غُدُ بَايَنْ رَانَ تَڢَاطِ، سُكَ بَرْ تٜىٰنْتُنَنْسُ دَ دَوَكِنْسُ دَ جَاكُنَنْسُ، سُكَبَرْ سَنْسَنِنْ يَدَّ يَكٜىٰ، سُكَ غُدُ دُوانْ رَايُكَنْسُ؞
8دَ مَاسُ ثُوتَرْ ڢَتَرْ نَنْ حُطُ سُكَ كَيْ بَاكِنْ سَنْسَنِنْ، سَيْ سُكَ شِغَ وَنِ تٜىٰنْتِ سُكَثِ سُكَشَا، سُكَ ݣُوشِ أَظُرْڢَا دَ ظِينَارِيَ دَ رِيغُنَ، سُكَ تَڢِے سُكَ ٻُواْيٜىٰسُ؞ سَعَنً سُكَ كُواْمَ سُكَ شِغَ وَنِ تٜىٰنْتِ، سَيْ سُكَ ݣُوشِ كَايَ دَغَ ثِكِ، سُكَ كُمَ ٻُواْيٜىٰسُ؞ 9دَغَ نَنْ سُكَثٜىٰ وَجُونَ «بَمُيِ دَيْدَيْبَ؞ يَوْ رَانَرْ لَابَرِ مَيْ دَاطِثٜىٰ، عِدَنْ مُكَيِ شِضُ مُكَ جِرَا حَرْ سَڢٜىٰ، وَنِ حُكُنْثِ ذَيْ عِيَ ڢَاطِ عَكَنْمُ؞ دُواْمِنْ حَكَ كُذُواْ مُتَڢِے مُڢَطَا أَغِدَنْ سَرْكِے؞»
10سَيْ سُكَذُواْ بَاكِنْ ڧُواْڢَرْ بِرْنِنْ سُكَتَادَ مُرْيَ سُكَثٜىٰ وَمَاسُ غَادِ «مُنْجٜىٰ سَنْسَنِنْ يَاڧِنْ سُرِيَاوَا مُكَ تَرَرْ بَابُ كُواْوَ، بَا كُواْ مُواْڟِنْ مُتُمْ، سَيْدَيْ دَوَكِ دَ جَاكُنَ أَطَطَّوْرٜىٰ، تٜىٰنْتُنَنْ كُمَ سُنَانَنْ يَدَّ سُورِيَاوَنْ سُكَ بَرْسُ؞»
11سَيْ مَاسُ غَادِنْ سُكَتَادَ مُرْيَ سُكَيِ شٜىٰلَ، شٜىٰلَرْ كُوَ تَبِے حَرْ غِدَنْ سَرْكِے؞ 12سَيْ سَرْكِے يَتَاشِ دَ دَرٜىٰنْ، يَثٜىٰوَ مَاسُ يِمَسَ حِدِمَ «نَسَنْ أَبِنْدَ سُورِيَاوَنْ سُكٜىٰ شِرِ! سُنْسَنْ غَمٜىٰدَ يُنْوَرْ دَمُكٜىٰ عَثِكِ أَنَنْ، دُواْمِنْ حَكَ سُنْبَرْ سَنْسَنِنْسُ سُكَ شِغَ دَاجِ سُكَ ٻُيَ؞ سُنَ تُنَانِ ثٜىٰوَ عِدَنْ مُنْ بَرْ بِرْنِ مُكَ ڢِتَ نٜىٰمَنْ عَبِنْثِ، سَيْ سُڢَاطُواْ مَنَ، سُكَكَّامَمُ دَرَيْ، سُڨُوثٜىٰ بِرْنِنْمُ؞»
13طَيَ دَغَ ثِكِنْ دَتَّاوَنْ سَرْكِنْ يَثٜىٰ «مُعَيْكَ مُتَنٜىٰ سُطَوْكِ دَوَكِ بِيَرْ وَطَنْدَ سُكَ رَغُ، سُتَڢِے سُدُوبِے أَبِنْدَ مُكَجِ؞ غَمَا عِدَنْ وَنِ أَبُ يَڢَرُ دَسُو، بَذَيْ ذَمَ بَبَّرْ هَسَرَبَ ڢِيٜىٰدَ عِدَنْ سُنْ ذَوْنَ تَرٜىٰدَمُو عَبِرْنِنْ، سَبُواْدَ دُكَنْمُ ذَمَنْ مُتُوَانٜىٰ مُكٜىٰ عَثِكِ؞» 14سَيْ عَكَ ذَاٻِ وَطَنْسُ مُتَنٜىٰ، سَيْ سَرْكِے يَعَيْكٜىٰسُ دَ كٜىٰكُنَنْ دُواْكِ بِيُ سُتَڢِے سُدُوبَ أَبِنْدَ يَڢَرُ دَ سُواْجُواْجِنْ سُورِيَ؞ 15مُتَنٜىٰنَّنْ سُكَبِيسُ حَرْ بَاكِنْ كُواْغِنْ يُواْدَنْ؞ كُواْعِنَ عَكَنْ حَنْيَ سُكَغَ رِيغُنَ دَ كَايَنْ يَاڧِ أَ ظُبٜىٰ، وَطَنْدَ سُورِيَاوَنْ سُكَ يَرْ أَ لُواْكَثِنْ دَسُكٜىٰيِنْ سَوْرِ سُغُدُ؞ مُتَنٜىٰنْ سُكَ كُواْمَ سُبَادَ لَابَرِ غَ سَرْكِے؞ 16سَيْ مُتَنٜىٰنْ بِرْنِنْ سَمَرِيَ سُكَ ڢِتَ أَغُجٜىٰ سُكَ تَڢِے سَنْسَنِنْ يَاڧِنْ سُرِيَاوَا سُكَ ݣُوشِ كَايَ؞ سَيْ عَكَ سَيَرْ دَ مُودُ طَيَ نَغَارِنْ حَڟِ عَكَنْ أَظُرْڢَا غُدَا، سَعَنً مُودُ بِيُ نَهَڟِنْ بَلٜىٰ عَكَنْ أَظُرْڢَا غُدَا، بِسَغَ مَغَنَرْ يَهْوٜىٰهْ؞
17يَكَسَنْثٜىٰ ثٜىٰوَ شُوغَبَنْ سُواْجُواْجِ وَنْدَ سَرْكِے يَكٜىٰ دُواْغَضَ عَكَنْسَ سَعَدَّ سُكٜىٰيِنْ مَغَنَ دَ أَلْيَسَعَ، شِينٜىٰ عَكَسَا غَادِنْ ڧُواْڢَرْ بِرْنِنْ؞ سَبُواْدَ يَوَنْ مُتَنٜىٰنْ دَ سُكَ تَارُ عَڧُواْڢَرْ بِرْنِ، عَكَ تُورَشِ ڧَسَا عَكَ تَتَّاكٜىٰشِ حَرْ يَمُتُ، كَمَرْ يَدَّ أَلْيَسَعَ مُتُمِنْ اللَّهْ يَڢَطَا سَعَدَّ سَرْكِے يَتَڢِے دُواْمِنْ يَغَنْشِ؞ 18يَكُوَ كَسَنْثٜىٰ كَمَرْ يَدَّ مُتُمِنْ اللَّهْ يَڢَطَا وَسَرْكِے ثٜىٰوَ كَاڢِنْ وَرْهَكَ غُواْبٜىٰ، ذَاعَ سَيَرْ دَ مُودُ بِيُ نَهَڟِنْ بَلٜىٰ عَكَنْ أَظُرْڢَا غُدَا، حَكَمَا مُودُ طَيَ نَغَارِنْ حَڟِ عَكَنْ أَظُرْڢَا غُدَا عَڧُواْڢَرْ بِرْنِنْ سَمَرِيَ؞ 19أَ لُواْكَثِنْ، شُوغَبَنْ سُواْجُواْجِنْ يَأَمْسَ وَمُتُمِنْ اللَّهْ ثٜىٰوَ «كُواْ دَ يَهْوٜىٰهْ دَ كَنْسَ يَبُوطٜىٰ ڧُواْڢُواْڢِنْ سَمَ، وَنَّنْ أَبُ بَذَيْ عِيَ ڢَرُوَبَ سَمْ!» أَلْيَسَعَ كُوَ يَثٜىٰ «ذَاكَ غَنِ دَ عِدَنُونْكَ، عَمَّا بَذَاكَ ثِبَ؞» 20حَكَ كُوَ أَبِنْ يَڢَرُ دَشِ؞ مُتَنٜىٰ سُكَ تَتَّاكٜىٰشِ أَوُرِنْ تَارُوَ عَڧُواْڢَرْ بِرْنِ حَرْ يَمُتُ؞
Currently Selected:
2 سَرَاكُنَ 7: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
