2 سَرَاكُنَ 2
2
أَنْ طَوْكِ إِلْيَاسُ ذُوَا سَمَ
1أَ لُواْكَثِنْ دَ يَهْوٜىٰهْ ذَيْ طَوْكِ إِلْيَاسُ ذُوَا سَمَ عَثِكِنْ إِسْكَرْ غُوغُوَ، إِلْيَاسُ دَ أَلْيَسَعَ سُنَ عَكَنْ حَنْيَ دَغَ غِلْغَلْ؞ 2سَيْ إِلْيَاسُ يَثٜىٰ وَ أَلْيَسَعَ «إِنَ ضُواْڧُوانْكَ كَدَكَتَ أَنَنْ، غَمَا يَهْوٜىٰهْ يَثٜىٰمِنِ إِنْتَڢِے بٜىٰتٜىٰلْ؞»
عَمَّا أَلْيَسَعَ يَأَمْسَ «نَا ضَنْڟٜىٰ دَ سُونَنْ يَهْوٜىٰهْ مَيْ رَيْ دَ كُمَ رَنْكَ ثٜىٰوَ بَذَنْبَرْ كَبَ؞» سُكَ كُوَ تَڢِے بٜىٰتٜىٰلْ تَرٜىٰ؞
3سَيْ ڧُنْغِيَرْ أَنَّبَاوَا دَغَ بٜىٰتٜىٰلْ سُكَذُواْ وُرِنْ أَلْيَسَعَ سُكَثٜىٰ «كُواْ كَاسَنِ ثٜىٰوَ يَوْ نٜىٰ يَهْوٜىٰهْ ذَيْ طَوْكِ شُوغَبَنْكَ دَغَ غَرٜىٰكَ؟»
أَلْيَسَعَ يَأَمْسَ يَثٜىٰ «عِ، نَا سَنِ؞ كُواْوَ يَيِ شِضُ؞»
4سَيْ إِلْيَاسُ يَثٜىٰ وَ أَلْيَسَعَ «إِنَ ضُواْڧُوانْكَ كَدَكَتَ أَنَنْ، غَمَا يَهْوٜىٰهْ يَثٜىٰ إِنْ تَڢِے يٜىٰرِكُواْ؞»
عَمَّا أَلْيَسَعَ يَثٜىٰ «نَا ضَنْڟٜىٰ دَ سُونَنْ يَهْوٜىٰهْ مَيْ رَيْ دَ كُمَ رَنْكَ ثٜىٰوَ بَذَنْبَرْ كَبَ؞» سَيْ سُكَ تَڢِے يٜىٰرِكُواْ؞
5سَيْ وَتَ ڧُنْغِيَرْ أَنَّبَاوَنْ دَسُكٜىٰ دَ ذَمَ أَ يٜىٰرِكُواْ سُكَ تَڢِے وُرِنْ أَلْيَسَعَ سُكَ تَمْبَيٜىٰشِ سُكَثٜىٰ «كُواْ كَاسَنِ ثٜىٰوَ يَوْ نٜىٰ يَهْوٜىٰهْ ذَيْ طَوْكِ شُوغَبَنْكَ دَغَ غَرٜىٰكَ؟»
أَلْيَسَعَ يَأَمْسَ يَثٜىٰ «عِ، نَا سَنِ؞ كُواْوَ يَيِ شِضُ؞»
6سَيْ إِلْيَاسُ يَثٜىٰ مَسَ «إِنَ ضُواْڧُوانْكَ كَدَكَتَ أَنَنْ، غَمَا يَهْوٜىٰهْ يَثٜىٰ إِنْ تَڢِے كُواْغِنْ يُواْدَنْ؞»
عَمَّا أَلْيَسَعَ يَأَمْسَ يَثٜىٰ «نَا ضَنْڟٜىٰ دَ سُونَنْ يَهْوٜىٰهْ مَيْ رَيْ دَ كُمَ رَنْكَ ثٜىٰوَ بَذَنْبَرْ كَبَ؞» سَيْ سُكَ تَڢِے تَرٜىٰ؞ 7مُتَنٜىٰ حَمْسِنْ دَغَ ڧُنْغِيَرْ أَنَّبَاوَا سُكَبِيسُ ذُوَا وُرِنْ دَ إِلْيَاسُ دَ أَلْيَسَعَ سُكَ ڟَيَ عَبَاكِنْ كُواْغِنْ يُواْدَنْ؞ عَمَّا مُتَنٜىٰ حَمْسِنَّنْ سُكَ ڟَيَ دَ طَنْ نِيسَ دَغَ وُرِنْ دَ إِلْيَاسُ دَ أَلْيَسَعَ سُكٜىٰ؞ 8سَيْ إِلْيَاسُ يَثِرٜىٰ بَبَّرْ رِغَرْسَ يَنَنَّطٜىٰتَ يَبُغِ ضُوً كُواْغِنْ دَ عِتَ؞ سَيْ ضُوً يَرَبُ كَشِ بِيُ، سَيْ شِ دَ أَلْيَسَعَ سُكَ ڧٜىٰتَرٜىٰ كُواْغِنْ عَبُوسَشِّيَرْ ڧَسَا؞ 9بَايَنْدَ سُكَ ڧٜىٰتَرٜىٰ كُواْغِنْ، سَيْ إِلْيَاسُ يَثٜىٰ وَ أَلْيَسَعَ «ڢَطَا مِنِ أَبِنْدَ كَكٜىٰسُواْ إِنْيِ مَكَ كَاڢِنْ أَطَوْكٜىٰنِ عَبَرْكَ؞»
أَلْيَسَعَ يَأَمْسَ يَثٜىٰ «إِنَ ضُواْڧُوانْكَ بَرِ إِنْ غَاجِ كَشِ بِيُ نَ إِيكُوانْ رُوحُنْكَ؞»#2.9 غَاجِ كَشِ بِيُ: أَ نَنْ أَلْيَسَعَ يَنَ ضُواْڧُوانْ رَبُواْ نَطَنْ ڢَارِ بِسَغَ دُواْكَا؞ دُوبِے مَيْ شَـ 21.17؞
10إِلْيَاسُ يَثٜىٰ «وَنَّنْ ضُواْڧُواْ يَنَدَ وُيَ، عَمَّا عِدَنْ كَا غَنِّ لُواْكَثِنْ دَ ذَاعَ طَوْكٜىٰنِ، ذَاكَ كَرْٻِ رُوحٌ؞ عِدَنْ كُوَ بَكَغَنِّ أَ لُواْكَثِنْ بَ، تُواْ بَذَيْ يِوُبَ؞»
11سَعَدَّ سُكٜىٰ تَڢِيَ سُنَ مَغَنَ، بَا لَابَرِ كٜىٰكٜىٰنْ دُواْكِ مَيْ وُتَادَ دَوَكِنْ وُتَا سُكَ رَبَسُ؞ إِلْيَاسُ يَهَوْ سَمَ ثِكِنْ إِسْكَ مَيْ غُوغُوَ؞ 12أَلْيَسَعَ كُوَ يَغَنِ، سَيْ يَيِ تَ إِيهُ يَنَ ثٜىٰوَ «بَابَنَ، بَابَنَ! كَيْ مَيْ ڟَرٜىٰ إِسْرَٰٓءِيلَ ڢِيٜىٰدَ كٜىٰكُنَنْ دُواْكِنْتَ دَ سُواْجُواْجِنْتَ!» دَ بَيْ ڧَارَ غَنِنْسَبَ، سَيْ أَلْيَسَعَ يَيَاغٜىٰ رِغَرْسَ كَشِ بِيُ؞#2 سَرْ 13.14
13سَيْ يَطَوْكِ بَبَّرْ رِغَرْ إِلْيَاسُ وَدَّ تَڢَاطِ دَغَ جِكِنْسَ، يَكُواْمَ يَڟَيَ عَبَاكِنْ كُواْغِنْ يُواْدَنْ؞ 14سَيْ يَطَوْكِ بَبَّرْ رِغَرْ يَبُغِ ضُوً كُواْغِنْ يَنَ ثٜىٰوَ «إِنَا يَهْوٜىٰهْ اللَّهْ نَ إِلْيَاسُ يَكٜىٰ؟» سَيْ كُواْغِنْ يَرَبُ كَشِ بِيُ، أَلْيَسَعَ كُوَ يَوُثٜىٰ ڟَكَانِ، يَڧٜىٰتَرٜىٰ ذُوَا طَيَنْ غٜىٰڢٜىٰنْ كُواْغِنْ؞
15دَ ڧُنْغِيَرْ أَنَّبَاوَنَّنْ سُكَ غَنِ حَكَ سَيْ سُكَثٜىٰ «إِيكُوانْ رُوحٌ إِلْيَاسُ يَنَ عَكَنْ أَلْيَسَعَ!» سُكَ تَڢِے وُرِنْسَ سُكَ رُسُنَ سُنْ غَيْشٜىٰشِ؞ 16سُكَثٜىٰ مَسَ «غَاشِ، أَݣَويْ مَظَا حَمْسِنْ مَاسُ ڧَرْڢِے عَثِكِنْ بَايِنْكَ؞ كَيَرْدَ مُسُ سُتَڢِے سُنٜىٰمِ شُوغَبَنْكَ؞ وَتَڧِيلَ رُوحٌ يَهْوٜىٰهْ يَطَوْكٜىٰشِ يَكَيْشِ كَنْ وَنِ بَبَّنْ تُدُ كُواْ ثِكِنْ وَنِ ݣُورِ؞»
عَمَّا أَلْيَسَعَ يَأَمْسَ يَثٜىٰ «أَعَ، كَدَكُ عَيْكٜىٰسُ؞»
17عَمَّا دَ سُكَيِ تَدَامُنْسَ حَرْ يَرَسَ يَدَّ ذَيْثٜىٰ «أَعَ»، سَيْيَثٜىٰ «تُواْ، سَيْكُ عَيْكٜىٰسُ؞» سَيْ سُكَ عَيْكِ مُتَنٜىٰ حَمْسِنْ سُكَيِ تَنٜىٰمَنْسَ حَرْ ݣُونَ عُكُ، عَمَّا بَسُ سَامٜىٰشِيبَ؞ 18سُكَ كُواْمَ يٜىٰرِكُواْ، وُرِنْ دَ أَلْيَسَعَ يَطَنْ دَكَتَ؞ أَلْيَسَعَ يَثٜىٰ مُسُ «أَيْ، نَاثٜىٰمُكُ كَدَ كُتَڢِے؞»
أَلْيَسَعَ يَڢَارَ يِنْ أَبُبُوَنْ بَنْ مَامَاكِ
19مُتَنٜىٰنْ غَرِنْ يٜىٰرِكُواْ سُكَ تَڢِے وُرِنْ أَلْيَسَعَ سُكَثٜىٰ مَسَ «مَيْغِرْمَ، كَنَ عِيَ غَنِ يَدَّ غَرِنْ يَنَ أَوُرِے مَيْݣَوْ؞ عَمَّا ضُوً غَرِنْ بَاݣَوْ، يَنَسَا ڧَسَرْ بَاتَ بَادَ أَمْڢَانِنْ غُواْنَ؞»
20أَلْيَسَعَ يَثٜىٰ «عَكَٰوُاْ مِنِ سَابُوانْ ݣُونُواْ دَ غِشِرِ عَثِكِ؞» عَكَ كُوَ كَٰوُاْ مَسَ؞ 21سَيْ يَتَڢِے وُرِنْ مَٻُٻُّغَرْ ضُوً يَجُويٜىٰ غِشِرِنْ عَثِكِ، سَيْيَثٜىٰ «إِنْجِ يَهْوٜىٰهْ، ‹دَغَ يَوْ نَا ڟَبْتَثٜىٰ ضُوًنَنْ دُكَ؞ بَذَيْسَاكٜىٰ كَٰوُاْ مُتُوَ كُواْ ظُبَرْدَ ثِكِيبَ؞› » 22ضُوً كُوَ يَكَسَنْثٜىٰ مَيْݣَوْ تُنْدَغَ لُواْكَثِنْ حَرْ ذُوَا يَوْ بِسَغَ مَغَنَرْ دَ أَلْيَسَعَ يَيِ؞
23سَعَدَّ أَلْيَسَعَ يَبَرْ يٜىٰرِكُواْ ذَاشِ بٜىٰتٜىٰلْ، يَنَ عَكَنْ حَنْيَ سَيْ يَسَدُ دَ وَطَنْسُ يَارَا مَظَا وَطَنْدَ سُكَ ڢِتُواْ دَغَ وَنِ غَرِ؞ يَارَنْ سُكَ ڢَارَ مَسَ غُواْرِ سُنَ ثٜىٰوَ «تَڢِے! تَڢِے! كَيْ مَيْ كَنْ عُنْغُلُ!»
24أَلْيَسَعَ يَجُويَ يَكَلّٜىٰسُ سَيْ يَلَعَنْتَسُ دَ سُونَنْ يَهْوٜىٰهْ؞ سَيْ وَطَنْسُ بٜىٰيَرْ غُدَا بِيُ سُكَ ڢِتُواْ دَغَ كُرْمِ سُنْ يَيَّاغٜىٰ يَارَا أَرْبَعِنْ دَ بِيُ دَغَ ثِكِنْسُ؞
25دَغَ وُرِنْ أَلْيَسَعَ يَتَڢِے بَبَّنْ تُدُنْ كَرْمٜىٰلْ حَرْ يَكُواْمَ ذُوَا سَمَرِيَ؞
Currently Selected:
2 سَرَاكُنَ 2: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
