1 سَمَٰعِيلَ 7
7
1مُتَنٜىٰنْ كِرِيَتْ يٜىٰيَرِمْ سُكَجٜىٰ سُكَ طَوْكِ عَݣُوتِنْ يَرْجٜىٰجٜىٰنِيَ نَ يَهْوٜىٰهْ سُكَ كَيْ شِ غِدَنْ أَبِينَدَبْ وَنْدَ يَكٜىٰ عَكَنْ تُدُ؞ سُكَ كٜىٰٻٜىٰ طَنْسَ عٜىٰلٜىٰيَظَرْ يَلُورَ دَ عَݣُوتِنْ يَرْجٜىٰجٜىٰنِيَ نَ يَهْوٜىٰهْ؞#2 سَمْ 6.2-4؛ 1 تَارْ 13.5-7
شُوغَبَنْثِنْ سَمَٰعِيلَ عَ إِسْرَٰٓءِيلَ
2عَكَ طَوْكِ لُواْكَثِ مَيْ ڟَوُاْ، وَجٜىٰنْ شٜىٰكَرُ عَشِرِنْ عَݣُوتِنْ يَرْجٜىٰجٜىٰنِيَ يَنَ ذَمَ أَ كِرِيَتْ يٜىٰيَرِمْ؞ أَ لُواْكَثِنَّنْ، دُكَنْ مُتَنٜىٰنْ غِدَنْ إِسْرَٰٓءِيلَ سُكَيِ كُوكَا سُنَ نٜىٰمَنْ يَهْوٜىٰهْ؞
3سَيْ سَمَٰعِيلَ يَيِ مَغَنَ دَ دُكَنْ غِدَنْ إِسْرَٰٓءِيلَ يَثٜىٰ «عِدَنْ دَ غَسْكٜىٰ كُكٜىٰسُواْ كُكُواْمَ غَ يَهْوٜىٰهْ، سَيْ كُواْوَ يَذُواْ دَ دُكَنْ ذُوثِيَارْسَ؞ تُواْ، سَيْ كُرَبُ دَ دُكَنْ غُمَكَنْ أَلُّواْلِنْ ڧَبِيلُ دَ كُمَ غُمَكَنَّنْ عَشْتُواْرٜىٰتْ؞ كُمِيڧَ كَنْكُ دُكَ غَ يَهْوٜىٰهْ كُيِ مَسَ سُجَّدَ شِ كَطَيْ، سَعَنً ذَيْثٜىٰثٜىٰكُ دَغَ حَنُّنْ ڢِلِسْتِيَاوَا؞» 4سَيْ إِسْرَٰٓءِيلَاوَنْ سُكَ ظُبَرْدَ غُمَكَنَّنْ بَعَلْ دَ عَشْتُواْرٜىٰتْ سُكَيِ وَ يَهْوٜىٰهْ كَطَيْ سُجَّدَ؞
5سَيْ سَمَٰعِيلَ يَثٜىٰ «عَتَارَ إِسْرَٰٓءِيلَاوَا دُكَ أَ مِظْڢَ، نِے كُوَ ذَنْيِ أَدُّعَ غَ يَهْوٜىٰهْ دُواْمِنْكُ؞» 6سُكَ تَارُ أَ مِظْڢَ دُكَنْسُ؞ سُكَ جَٰوُاْ ضُوَ سُكَ ظُبَ يَذَمَ كَمَرْ هَدَايَ أَغَبَنْ يَهْوٜىٰهْ، سُكَ كُمَيِ أَظُمِ دُكَنْ رَانَرْ؞ سُكَ تُوبَ سُنَ ثٜىٰوَ «مُنْيِ وَ يَهْوٜىٰهْ ذُنُوبِ؞» أَ مِظْڢَ نٜىٰ سَمَٰعِيلَ يَڢَارَ يِنْ عَيْكِنْ شَرِيعَ عَثِكِنْ إِسْرَٰٓءِيلَ؞ 7دَ ڢِلِسْتِيَاوَا سُكَجِ ثٜىٰوَ إِسْرَٰٓءِيلَاوَا سُنْ تَارُ أَ مِظْڢَ، سَيْ سَرَاكُنَنْ ڢِلِسْتِيَاوَا سُكَ تَتَّارُ ذَاسُ ڢَاطَوَ إِسْرَٰٓءِيلَ دَ يَاڧِ؞ دَ إِسْرَٰٓءِيلَاوَا سُكَجِ وَنَّنْ سَيْ سُكَ ڢِرْغِتَ سُواْسَيْ غَمٜىٰدَ ڢِلِسْتِيَاوَنْ؞ 8سَيْ إِسْرَٰٓءِيلَاوَا سُكَثٜىٰ وَ سَمَٰعِيلَ «كَدَ كَدَيْنَ ضُواْڧُوانْ يَهْوٜىٰهْ اللَّهْ نْمُ يَڢِتَرْ دَمُو دَغَ حَنُّنْ ڢِلِسْتِيَاوَا»؞ 9سَيْ سَمَٰعِيلَ يَطَوْكِ طَنْ ضَغُواْ يَمِيڧَ شِ طُنْغُمْ هَدَايَ تَڧُواْنَاوَا غَ يَهْوٜىٰهْ؞ سَعَنً سَمَٰعِيلَ يَيِ ضُواْڧُواْ غَ يَهْوٜىٰهْ أَمَدَدِنْ إِسْرَٰٓءِيلَاوَا، يَهْوٜىٰهْ كُمَ يَأَمْسَ مَسَ؞ 10عَيَيِنْ دَ سَمَٰعِيلَ يَكٜىٰ مِيڧَ هَدَايَ تَڧُواْنَاوَا، سَيْ ڢِلِسْتِيَاوَا سُكَ مَڟُواْ ذَاسُ ڢَاطَ مُسُ دَ يَاڧِ؞ عَمَّا أَ رَانَرْ نَنْ سَيْ يَهْوٜىٰهْ يَسَكِ ڟَاوَ مَيْ ڧَرْڢِے دَغَ سَمَ عَكَنْ ڢِلِسْتِيَاوَا؞ يَهْوٜىٰهْ يَسَا سُكَ ضِكِثِے غَبَاطَيَ، سُكَ جُويَا سُكَ غُدُ دَغَ غَبَنْ إِسْرَٰٓءِيلَاوَا؞ 11سُواْجُواْجِنْ إِسْرَٰٓءِيلَ سُكَ ڢِتَ دَغَ مِظْڢَ سُكَبِے ڢِلِسْتِيَاوَنْ، سُكَيِ تَكَكَّشٜىٰسُ حَرْ ذُوَا ݣُورِنْ بٜىٰتْكَرْ؞
12سَيْ سَمَٰعِيلَ يَطَوْكِ ڧَتُوانْ دُوڟٜىٰ يَكَڢَ شِ ڟَكَانِنْ مِظْڢَ دَ شٜىٰنْ؞ يَكُمَسَا مَسَ سُونَ عٜىٰبٜىٰنٜىٰظٜىٰرْ، وَتُواْ «دُوڟٜىٰنْ تَيْمَكُواْ،» يَنَ ثٜىٰوَ «يَهْوٜىٰهْ نٜىٰ يَتَيْمَكٜىٰمُ حَرْ ذُوَا يَنْذُ؞» 13تَهَكَ عَكَيِ نَصَرَا عَكَنْ ڢِلِسْتِيَاوَا؞ بَسُ كُمَ سَاكٜىٰ شِغَ يَنْكِنْ إِسْرَٰٓءِيلَ بَ، غَمَا يَهْوٜىٰهْ يَا يِتَيِنْ غَابَادَ ڢِلِسْتِيَاوَا دُكَنْ ݣُونَكِنْ رَايُوَرْ سَمَٰعِيلَ؞ 14عَكَ مَيَرْوَ إِسْرَٰٓءِيلَاوَا دُكَنْ غَرُضُوً دَ ڢِلِسْتِيَاوَا سُكَ ڨُوثٜىٰ، وَتُواْ غَرُضُوً دَسُكٜىٰ دَغَ عٜىٰكْرُوانْ ذُوَا غَتْ؞ تَهَكَ إِسْرَٰٓءِيلَاوَا سُكَ مَيْدَ دُكَنْ يَنْكِنْ ڧَسَرْسُ ڧَرْڧَشِنْ مُلْكِنْسُ؞ حَكَكُمَ عَكَسَامِ سَلَمَ ڟَكَانِنْ إِسْرَٰٓءِيلَاوَا دَ أَمُواْرِيَاوَا؞
15سَمَٰعِيلَ كُوَ يَيِ عَيْكِنْ شَرِيعَ عَثِكِنْ إِسْرَٰٓءِيلَ دُكَنْ ݣُونَكِنْ رَنْسَ؞ 16كُواْوَثٜىٰ شٜىٰكَرَا يَكَنْ كٜىٰوَيَ دَغَ بٜىٰتٜىٰلْ، ذُوَا غِلْغَلْ، ذُوَا مِظْڢَ، أَوُرَارٜىٰنَّنْ يَكَنْيِ وَ إِسْرَٰٓءِيلَاوَا شَرِيعَ؞ 17سَعَنً يَكَنْ كُواْمَ غِدَنْسَ أَ رَمَ، عِنْدَ يَكَنْ ذَوْنَ يَنَيِ وَمُتَنٜىٰنْ إِسْرَٰٓءِيلَ شَرِيعَ؞ يَكُمَ غِنَاوَا يَهْوٜىٰهْ بَغَدٜىٰنْ هَدَايَ أَ رَمَ؞
Currently Selected:
1 سَمَٰعِيلَ 7: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
