1 سَمَٰعِيلَ 8
8
إِسْرَٰٓءِيلَاوَا سُنْ ضُواْڧَا عَبَاسُ سَرْكِے
1دَ سَمَٰعِيلَ يَڟُوڢَ سَيْ يَسَا یَیَنْسَ مَظَا شُوغَبَنِّ عَ إِسْرَٰٓءِيلَ؞ 2سُونَنْ طَنْ ڢَارِنْسَ يُواْوٜىٰلْ، سُونَنْ نَبِيُنْ كُمَ أَبِيَ؞ سُنْيِ عَيْكِنْ شَرِيعَ أَ بٜىٰيٜىٰرْشٜىٰبَ؞ 3عَمَّا یَیَنْسَ بَسُ بِے غُرْبِنْسَبَ؞ سُنْ جُويَا غَ نٜىٰمَنْ كُطِ، سُنَ ثِنْ حَنْثِ، سُنَ جُجُّويٜىٰ غَسْكِيَ ثِكِنْ شَرِيعَ؞
4سَبُواْدَ حَكَ دُكَنْ دَتَّاوَنْ إِسْرَٰٓءِيلَ سُكَ حَطُ سُكَذُواْ وُرِنْ سَمَٰعِيلَ أَغَرِنْ رَمَ؞ 5سُكَثٜىٰ وَ سَمَٰعِيلَ «يَنْذُ كَا ڟُوڢَ، كُمَ یَیَنْكَ بَاسَبِنْ غُرْبِنْكَ؞ سَبُواْدَ حَكَ كَذَاٻَا مَنَ سَرْكِنْ دَ ذَيْ يِمَنَ شَرِيعَ كَمَرْ سَوْرَنْ أَلْعُمَّيْ؞»#مَيْ شَـ 17.14 6عَمَّا سَمَٰعِيلَ بَيْجِ دَاطِنْ مَغَنَرْسُ نَنٜىٰمَنْ سَرْكِنْ دَ ذَيْ يِمُسُ شَرِيعَبَ؞ سَيْ يَيِ أَدُّعَ غَ يَهْوٜىٰهْ؞ 7يَهْوٜىٰهْ يَأَمْسَ مَسَ يَثٜىٰ «كَيِ دُكَنْ أَبِنْدَ جَمَعَ سُكَ ڢَطَا مَكَ؞ غَمَا بَكَيْ سُكَڧِيبَ، نِنٜىٰ سُكَڧِ دَ ذَمَ سَرْكِنْسُ؞ 8تُنْ لُواْكَثِنْدَ نَكَٰوُاْسُ دَغَ ڧَسَرْ مَصَرْ، حَرْ ذُوَا يَوْ، سُنْ جُويَا مِنِ بَايَ سُنْ كُواْمَ سُنَ بِنْ وَطَنْسُ أَلُّواْلِ؞ يَنْذُ كُمَ حَكَ سُكٜىٰيِ مَكَ؞ 9تُواْ، سَيْ كَسَوْرَرٜىٰسُ، عَمَّا كَغَرْغَطٜىٰسُ سُواْسَيْ غَمٜىٰدَ يَدَّ سَرْكِنْ ذَيْ دِنْغَيِ دَسُو؞»
10سَيْ سَمَٰعِيلَ يَڢَطَا وَجَمَعَرْ دَسُكٜىٰ ضُواْڧُواْ عَبَاسُ سَرْكِے دُكَنْ مَغَنَرْ دَ يَهْوٜىٰهْ يَيِ؞ 11سَمَٰعِيلَ يَثٜىٰ مُسُ «غَا يَدَّ كُواْوَنٜىٰ سَرْكِے ذَيْ دِنْغَيِ دَكُو؞ ذَيْ ݣُوشِ یَیَنْكُ سُذَمَ سُواْجُواْجِنْسَ، وَطَنْسُنْسُ ذَاسُيِ عَيْكِ دَ كٜىٰكُنَنْ يَاڧِنْسَ، وَطَنْسُ كُمَ ذَاسُهَوْ دَوَكِنْسَ، وَطَنْسُ كُمَ ذَاسُ ذَمَ مَاسُ جَا غَبَنْ كٜىٰكُنَنْ دُواْكِنْ يَاڧِ؞ 12ذَيْ تِلَسْتَ وَطَنْسُ سُذَمَ شُوغَبَنِّ عَكَنْ سُواْجُواْجِ دُبُو دُبُو دَ سُواْجُواْجِ حَمْسِنْ حَمْسِنْ؞ یَیَنْكُ مَظَا ذَاسُ نُواْمٜىٰ غُواْنَكِنْسَ، سُغِرْبٜىٰ حَڟِنْسَ، سُڧٜىٰرَ مَسَ كَايَنْ يَاڧِنْسَ دَ نَكٜىٰكُنَنْ دُواْكِنْ يَاڧِنْسَ؞ 13سَرْكِنْ كُمَ ذَيْ ݣُوشِ یَنْ مَاتَنْكُ سُدِنْغَ شِرْيَ مَسَ تُرَارٜىٰ، سُيِمَسَ دَڢٜىٰ دَڢٜىٰ دَ غَشٜىٰ غَشٜىٰ؞ 14ذَيْ ڨُوثٜىٰ ڢِيلَيٜىٰنْ غُواْنَكِنْكُ وَطَنْدَ سُكَڢِݣَوْ دَ غُواْنَكِنْكُ نَ عِتَتُوَنْ إِنَبِے دَ نَ عِتَتُوَنْ ظَيْتُنْ يَبَا مَعَيْكَتَنْسَ؞ 15ذَيْ كَرْٻِ زَكَّ تَهَڟِنْكُ دَ تَ إِنَبِنْكُ سَبُواْدَ مَاسُ عَيْكِ أَغِدَنْسَ دَ سَوْرَنْ شُوغَبَنِّ؞ 16ذَيْ كُمَ ڨُوثٜىٰ مَڢِے ݣَوْ دَغَ بَايِنْكُ مَظَا دَ مَاتَادَ شَانُنْكُ دَ جَاكُنَنْكُ دُواْمِنْ سُيِمَسَ عَيْكِ؞ 17ذَيْ كَرْٻِ زَكَّ تَدَبُّواْبِنْكُ؞ سَعَنً كُو دَ كَنْكُ ذَاكُ ذَمَ بَايِنْسَ؞ 18أَ لُواْكَثِنْ ذَاكُيِ كُوكَا سَبُواْدَ كُو كُكَثٜىٰ كُنَ سُوانْ سَرْكِے، عَمَّا يَهْوٜىٰهْ بَذَيْجِ كُبَ؞»
19عَمَّا دُكْدَهَكَ مُتَنٜىٰنْ بَسُجِ غَرْغَطِنْ سَمَٰعِيلَ بَ؞ سُكَثٜىٰ «أَعَ، مُو دَيْ سَرْكِے مُكٜىٰسُواْ، 20دُواْمِنْ مُو مَا مُذَمَ كَمَرْ سَوْرَنْ أَلْعُمَّيْ؞ بَرِ سَرْكِنْمُ يَيِ مَنَ شَرِيعَ يَكُمَيِ مَنَ جَغُواْرَ عَيَاڧٜىٰ يَاڧٜىٰنْمُ؞»
21بَايَنْ سَمَٰعِيلَ يَسَوْرَرِ دُكَنْ أَبِنْدَ سُكَ ڢَطَا، سَيْ يَمَيَرْوَ يَهْوٜىٰهْ؞ 22سَعَنً يَهْوٜىٰهْ يَثٜىٰ مَسَ «كَجِ بُڧَاتَرْسُ، كَنَطَ مُسُ سَرْكِے؞»
سَيْ سَمَٰعِيلَ يَثٜىٰ وَ إِسْرَٰٓءِيلَاوَا «تُواْ، أَنْجِ، كُواْوَ يَكُواْمَ غَرِنْسَ؞»
Currently Selected:
1 سَمَٰعِيلَ 8: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
