1 سَمَٰعِيلَ 3
3
يَهْوٜىٰهْ يَبَيَّنَ كَنْسَ غَ سَمَٰعِيلَ
1أَنَانً يَرُواْنَّنْ سَمَٰعِيلَ يَنَيِ وَ يَهْوٜىٰهْ حِدِمَ أَ حَنُّنْ عٜىٰلِ؞ عَݣُونَكِنْنَنْ يَهْوٜىٰهْ بَيْ ثِكَ يِنْ مَغَنَ دَ مُتَنٜىٰ بَ، كُمَ بَعَثِكَ غَنِنْ رُعُيُواْيِ؞ 2وَتَرَانَ دَ دَرٜىٰ عٜىٰلِ وَنْدَ أَ لُواْكَثِنْ عِدَنُونْسَ سُنْ ڢَارَ ڟُوڢَ كُمَ بَايَ غَنِ سُواْسَيْ، يَنَ ݣُونْثٜىٰ أَ عِنْدَ يَسَابَا؞ 3سَمَٰعِيلَ كُمَ يَنَ ݣُونْثٜىٰ ثِكِنْ غِدَنْ يَهْوٜىٰهْ عِنْدَ عَكَ أَجِيٜىٰ عَݣُوتِنْ يَرْجٜىٰجٜىٰنِيَ نَ اللَّهْ؞ كَاڢِنْ سَاڢِيَ تَايِ تُنْ ڢِتِلَرْ يَهْوٜىٰهْ بَتَمُتُبَ، 4سَيْ يَهْوٜىٰهْ يَكِرَا سَمَٰعِيلَ؞ شِے كُوَ يَأَمْسَ يَثٜىٰ «إِنَ ذُوَا؞» 5سَيْ يَغُدُ ذُوَا وُرِنْ عٜىٰلِ يَثٜىٰ «غَا نِے نَنْ، أَيْ، كَا كِرَنِ؞»
عَمَّا عٜىٰلِ يَثٜىٰ مَسَ «أَعَ، بَنْ كِرَاكَبَ؞ كُواْمَ كَݣُونْتَ!» سَيْ سَمَٰعِيلَ يَكُواْمَ يَݣُونْتَ؞
6سَيْ يَهْوٜىٰهْ يَسَاكٜىٰ كِرَنْسَ «سَمَٰعِيلَ!» سَمَٰعِيلَ يَتَاشِ يَتَڢِے وُرِنْ عٜىٰلِ يَثٜىٰ «غَا نِے نَنْ، أَيْ، كَا كِرَنِ؞»
سَيْ عٜىٰلِ يَأَمْسَ مَسَ يَثٜىٰ «بَنْ كِرَاكَبَ، طَانَ، كُواْمَ كَݣُونْتَ؞» 7سَمَٰعِيلَ كُوَ بَيْ رِغَا يَسَنْ ثٜىٰوَ يَهْوٜىٰهْ نٜىٰ يَكٜىٰ كِرَنْسَبَ، غَمَا بَعَبَيَّنَ مَغَنَرْ يَهْوٜىٰهْ غَ سَمَٰعِيلَ بَتُكُنَ؞
8 يَهْوٜىٰهْ يَا سَاكٜىٰ كِرَنْ سَمَٰعِيلَ سَوْ نَعُكُ، سَيْ سَمَٰعِيلَ يَتَاشِ يَتَڢِے وُرِنْ عٜىٰلِ يَثٜىٰ «غَا نِے، أَيْ، كَا كِرَنِ؞»
أَ نَنْ نٜىٰ عٜىٰلِ يَغَانٜىٰ ثٜىٰوَ يَهْوٜىٰهْ نٜىٰ يَكٜىٰ كِرَنْ يَرُوانْ؞ 9عٜىٰلِ يَثٜىٰ وَ سَمَٰعِيلَ يَجٜىٰ يَݣُونْتَ؞ عِدَنْ يَا سَاكٜىٰ جِنْ كِرَنْ سَيْيَثٜىٰ «يِمَغَنَ، يَهْوٜىٰهْ، غَمَا بَاوَنْكَ يَنَجِ؞»
سَيْ سَمَٰعِيلَ يَجٜىٰ يَݣُونْتَ وُرِنْ ݣُونْثِيَرْسَ؞
10 يَهْوٜىٰهْ كُوَ يَسَاكٜىٰ ذُوَا أَوُرِنْ يَڟَيَ يَيِ كِرَا يَثٜىٰ «سَمَٰعِيلَ! سَمَٰعِيلَ!» سَيْ سَمَٰعِيلَ يَأَمْسَ يَثٜىٰ «يِمَغَنَ غَمَا بَاوَنْكَ يَنَجِ؞»
11 يَهْوٜىٰهْ كُوَ يَثٜىٰ وَ سَمَٰعِيلَ «ذَنْيِ وَنِ أَبِنْدَ بَعَڟَمَّنِ بَعَ إِسْرَٰٓءِيلَ، حَرْ دُكْ مُتُمِنْدَ يَجِ كُنّٜىٰنْسَ ذَاسُ تَاشِ؞ 12أَ رَانَرْ نَنْ ذَنْ ثِكَ دُكَنْ مَغَنَرْدَ نَيِ غَمٜىٰدَ عٜىٰلِ دَ عِيَلِنْسَ دَغَ ڢَرْكُواْ حَرْ ڧَرْشٜىٰ؞ 13غَمَا نَا ڢَطَا مَسَ ذَنْ يَنْكٜىٰ حُكُنْثِ مَرَرْ ڧَارٜىٰوَ عَكَنْ عِيَلِنْسَ سَبُواْدَ ذُنُوبِنْ یَیَنْسَ دَ يَسَنِ؞ يَسَنْ يَدَّ سُكٜىٰ وُلَڧَنْتَ سُونَنَ عَمَّا بَيْ هَنَاسُبَ؞ 14سَبُواْدَ حَكَ غَمٜىٰدَ دَنْغِنْ عٜىٰلِ نَا ضَنْڟٜىٰ ثٜىٰوَ بَابُ هَدَايَ كُواْ بَايَرْوَرْ دَ ذَاتَ عِيَ طَوْكَرْ حَكِّنْ ذُنُبَنْسُ حَرْ أَبَدَا؞»
15سَمَٰعِيلَ كُوَ يَݣُونْتَ حَرْ وَايٜىٰوَرْ غَرِ؞ دَ يَتَاشِ سَيْ يَبُوطٜىٰ ڧُواْڢُواْڢِنْ غِدَنْ يَهْوٜىٰهْ؞ يَجِڟُواْرُواْ يَڢَطَا وَ عٜىٰلِ رُعُيَرْ، 16عَمَّا عٜىٰلِ يَكِرَا شِ يَثٜىٰ «سَمَٰعِيلَ طَانَ!»
سَيْ سَمَٰعِيلَ يَثٜىٰ «غَانِ؞»
17عٜىٰلِ يَتَمْبَيٜىٰشِ يَثٜىٰ «مٜىٰنٜىٰنٜىٰ يَثٜىٰ مَكَ؟ كَدَ ڢَا كَٻُواْيٜىٰ مِنِ كُواْمٜىٰ؞ بَرِ اللَّهْ يَيِ مَكَ حُكُنْثِ مَيْ ڟَنَنِ عِدَنْ بَكَڢَطَا مِنِ دُكَنْ أَبِنْدَ يَڢَطَا مَكَبَ؞» 18سَيْ سَمَٰعِيلَ يَڢَطَا مَسَ كُواْمٜىٰ دَكُواْمٜىٰ، بَيْ ٻُواْيٜىٰ مَسَ كُواْ أَبُ غُدَا بَ؞ سَعَنً عٜىٰلِ يَأَمْسَ يَثٜىٰ «أَيْ، يَهْوٜىٰهْ نٜىٰ شِ، بَرِ يَيِ دُكْ أَبِنْدَ يَيِمَسَ ݣَوْ؞»
19سَمَٰعِيلَ يَيِ غِرْمَ، يَهْوٜىٰهْ كُوَ يَنَ تَرٜىٰ دَشِ؞ يَهْوٜىٰهْ بَيْ يَرْدَ كُواْ طَيَ دَغَ ثِكِنْ مَغَنَرْ سَمَٰعِيلَ يَذَمَ بَنْظَبَ؞ 20دُكَنْ إِسْرَٰٓءِيلَ دَغَ يَنْكِنْ ذُرِيَرْ دَنْ عَ أَرٜىٰوَ ذُوَا يَنْكِنْ بٜىٰيٜىٰرْشٜىٰبَ عَكُدُ سُكَ غَانٜىٰ ثٜىٰوَ سَمَٰعِيلَ تَبَّتَاثّٜىٰنْ أَنَّبِے نٜىٰ نَ يَهْوٜىٰهْ؞ 21يَهْوٜىٰهْ كُوَ يَثِيغَبَدَ بَيَّنَ كَنْسَ أَ شِلُواْ؞ أَوُرِنْ نٜىٰ يَبَيَّنَ كَنْسَ غَ سَمَٰعِيلَ تَوُرِنْ مَغَنَرْسَ؞
Currently Selected:
1 سَمَٰعِيلَ 3: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
