1 سَمَٰعِيلَ 2
2
أَدُّعَرْ هَنَّةُ
1سَيْ هَنَّةُ تَيِ أَدُّعَ تَثٜىٰ،#لُكْ 1.46-55
«ذُوثِيَاتَ تَثِكَ دَ ڢَضٍ ثِكِ سَبُواْدَ يَهْوٜىٰهْ؞
يَهْوٜىٰهْ يَاسَا إِنَجِ دَڧَرْڢِے سُواْسَيْ؞
نَبُوطٜىٰ بَاكِنَ نَيِ وَ أَبُواْكَنْ غَابَنَ دَارِيَا؞
كَيْ! إِنَمُرْنَ دُواْمِنْ كَثٜىٰثٜىٰنِ!
2«بَابُوَنِ مَيْ ڟَرْكِے إِرِنْ نَ يَهْوٜىٰهْ؞
أَيْ، بَنْدَشِ، بَبُوَنِ؞
بَابُوَنِ دُوڟٜىٰنْ ٻُيَ كَمَرْ اللَّهْ نْمُ؞
3«كُدَيْنَ مَغَنْغَنُنْكُ نَغِرْمَنْ كَيْ،
كُكُمَ دَيْنَ ڢَطِنْ كَلْمُواْمِنْ طَغَ كَيْ،
غَمَا يَهْوٜىٰهْ نٜىٰ اللَّهْ وَنْدَ يَسَنْ دُكَنْ كُواْمٜىٰ،
شِينٜىٰ يَكَنْ عَوْنَ دُكَنْ أَيُّكَنْ مُتَنٜىٰ؞
4«أَنْكَكَّرْيَ بَكَنْ سُواْجُواْجِ مَڢِيَ عِيَ يَاڧِ،
عَمَّا مَرَسَ ڧَرْڢِے سُنْسَنْيَ ڧَرْڢِے كَمَرْ كَايَنْ يَاڧِ؞
5وَطَنْدَ أَدَا سُنَدَ عَبِنْثِ سُواْسَيْ،
يَنْذُ سُنَيِنْ عَيْكِ نَنٜىٰمَنْ عَبِنْثِ؞
عَمَّا وَطَنْدَ أَدَا سُكٜىٰجِنْ يُنْوَ،
يَنْذُ سُنْڧُواْشِ؞
مَثٜىٰنْ دَ دَا بَاتَدَ یَیَ،
يَنْذُ تَنَدَ یَیَ بَݣَويْ؞
عَمَّا عِتَ دَ تَكٜىٰدَ یَیَ دَيَوَ،
تَبُوشٜىٰ؞
6 يَهْوٜىٰهْ يَكَنْ طَوْكِ رَيْ،
شِينٜىٰ كُمَ يَكَنْ رَايَرْ؞
يَكَنْ كَيْ مُتَنٜىٰ ذُوَا كَبَرِ،
يَكَنْ كُمَ تَادَسُو؞
7 يَهْوٜىٰهْ يَكَنْسَا وَطَنْسُ سُذَمَ مَتَلَوْتَ،
وَطَنْسُ كُمَ سُذَمَ مَاسُ أَرْزِڧِ؞
يَكَنْ ڧَسْڧَنْتَرْدَ وَطَنْسُ مُتَنٜىٰ،
يَكَنْ غِرْمَمَ وَطَنْسُ كُمَ؞
8يَكَنْ تَادَ تَلَكَاوَا دَغَ ڧُورَا،
مَاسُثِ دَغَ بُواْلَ، يَكَنْ تَادَسُو،
يَسَا سُثِ تَرٜىٰدَ یَیَنْ سَرْكِے،
سُكُمَ غَاجِ كُجٜىٰرَرْ طَوْكَكَ؞
غَمَا غِنْشِڧَنْ تُوشٜىٰنْ دُونِيَا تَ يَهْوٜىٰهْ نٜىٰ،
عَكَنْ تُوشٜىٰنْ يَكَڢَ دُونِيَا؞
9يَكَنْ كُوَ كِيَايٜىٰ تَڢِيَرْ مُتَنٜىٰنْسَ مَاسُ أَمِنْثِ؞
عَمَّا مَاسُ مُغُنْتَا ذَاعَ سَا سُيِ شِضُ ثِكِنْ دُهُ؞
غَمَا بَتَوُرِنْ ڧَرْڢِبَ مُتُمْ يَكَنْ ذَمَ مَڢِے ڧَرْڢِے؞
10 يَهْوٜىٰهْ يَكَنْ كَكَّرْيَ أَبُواْكَنْ غَابَنْسَ،
يَكَنْيِ ڟَاوَ دَغَ سَمَ يَنُونَ إِيكُوانْسَ؞
يَهْوٜىٰهْ يَكَنْيِ وَدُكَنْ دُونِيَا شَرِيعَ؞
يَكَنْسَا ڧَرْڢِنْ سَرْكِنْدَ يَذَاٻَا يَسَامِ طَوْكَكَ،
يَكَنْسَا وَنْدَ يَكٜىٰٻٜىٰ يَيِ نَصَرَا؞»
11سَعَنً عٜىٰلْكَنَ دَ عِيَلِنْسَ سُنْ كُواْمَ غِدَنْسُ أَ رَمَ؞ يَرُوانْ كُوَ يَثِيغَبَ دَ حِدِمَرْ يَهْوٜىٰهْ أَ حَنُّنْ عٜىٰلِ ڢِرِسْتِ؞
یَیَنْ عٜىٰلِ مَظَا
12یَیَنْ عٜىٰلِ مَظَا كُوَ یَنْ إِسْكَنٜىٰ، بَسُ كُمَ كُلَ دَ يَهْوٜىٰهْ بَ؞ 13غَا يَدَّ ڢِرِسْتُواْثِے سُكَنْيِ عِدَنْ عَكَ كَٰوُاْ هَدَايَ؞ سَعَدَّ مُتُمْ يَكَٰوُاْ هَدَايَ، يَايِنْ دَ نَامَنْ يَكٜىٰ تَڢَسَ عَتُكُنْيَ، يَرُواْ مَيْيِ وَڢِرِسْتِ حِدِمَ يَكَنْ ذُواْ دَ بَبَّنْ ثُواْكَلِ مَيْ يَڟُ عُكُ، 14يَسَا ثُواْكَلِنْ ثِكِنْ تُكُنْيَرْ نَامَنْ؞ إِيَاكَرْ أَبِنْدَ يَ عِيَ طٜىٰبُواْوَ نَڢِرِسْتِنٜىٰ؞ عَمَّا غَا يَدَّ سُكَيِتَيِ وَدُكَنْ مُتَنٜىٰنْ إِسْرَٰٓءِيلَ وَطَنْدَ سُكٜىٰ كَٰوُاْ هَدَايُ أَ شِلُواْ؞ 15تُنْ كَاڢِنْ عَڧُواْنٜىٰ كِڟٜىٰ، مَيْيِ وَڢِرِسْتِ حِدِمَ يَكَنْذُواْ وُرِنْ وَنْدَ يَكَٰوُاْ هَدَايَرْ يَثٜىٰ، «كَبَا ڢِرِسْتِ نَامَ يَغَسَ؞ غَمَا بَذَيْ كَرْٻِ دَڢَڢّٜىٰنْ نَامَ دَغَ غَرٜىٰكَبَ، سَيْدَيْ طَنْيٜىٰ؞»
16عِدَنْ كُوَ مَيْ هَدَايَرْ يَأَمْسَ مَسَ يَثٜىٰ، «بَرِ عَڧُواْنٜىٰ كِڟٜىٰنْ تُكُنَ، سَعَنً سَيْ كَطِبَ يَدَّ كَكٜىٰسُواْ،» سَيْ مَيْيِ وَڢِرِسْتِ حِدِمَ طِنْ يَأَمْسَ يَثٜىٰ «أَعَ، كَبَانِ يَنْذُ، كُواْ كُوَ إِنْطِبَ دَ ڧَرْڢِے؞»
17ذُنُوبِنْ یَیَنْ عٜىٰلِ نَنْ يَيِمُونِ سُواْسَيْ أَغَبَنْ يَهْوٜىٰهْ غَمَا سُنْ رٜىٰنَ هَدَايَرْ يَهْوٜىٰهْ ڨُورَيْ دَ غَسْكٜىٰ؞
سَمَٰعِيلَ أَ شِلُواْ
18عَمَّا يَرُواْنَّنْ سَمَٰعِيلَ يَثِيغَبَدَ حِدِمَرْ يَهْوٜىٰهْ يَنَ سَنْيٜىٰ دَ رِغَرْ لِيلِنْ نَ عٜىٰڢُوادْ؞
19كُواْوَثٜىٰ شٜىٰكَرَا كُوَ مَامَرْسَ تَكَنْ طِنْكَ مَسَ ڧَرَمَرْ رِغَا؞ تَكَنْ كَيْ مَسَ سَعَدَّ عِتَ دَ مِجِنْتَ سُكَ تَڢِے شِلُواْ دُواْمِنْ مِيڧَ هَدَايَرْسُ تَشٜىٰكَرَا شٜىٰكَرَا؞ 20عٜىٰلِ كُمَ يَكَنْ أَلْبَرْكَثِ عٜىٰلْكَنَ دَ مَاتَرْسَ، يَثٜىٰ «بَرِ يَهْوٜىٰهْ يَ أَلْبَرْكَثٜىٰكَ دَ وَطَنْسُ یَیَ دَغَ مَثٜىٰنَّنْ، أَمَيْمَكُوانْ وَنَّنْ يَرُوانْ دَ كُكَ بَا يَهْوٜىٰهْ؞» بَايَنْ وَنَّنْ عٜىٰلْكَنَ دَ هَنَّةُ سُكَنْ كُواْمَ غِدَا؞
21 يَهْوٜىٰهْ كُوَ يَظِيَرْثِ هَنَّةُ حَرْ تَحَيْڢِ یَنْ مَظَا عُكُ دَ یَنْ مَاتَا بِيُ؞ يَرُواْنَّنْ سَمَٰعِيلَ كُوَ يَيِ تَغِرْمَ يَنَيِ وَ يَهْوٜىٰهْ حِدِمَ؞
عٜىٰلِ دَ یَیَنْسَ
22عٜىٰلِ كُوَ يَڟُوڢَ سُواْسَيْ؞ يَنَ كُمَ جِنْ دُكَنْ أَبُبُوَنْ دَ یَیَنْسَ مَظَا سُكٜىٰيِ وَمُتَنٜىٰنْ إِسْرَٰٓءِيلَ دَ كُمَ يَدَّ سُكٜىٰ ݣُونَ دَ مَاتَا مَاسُيِنْ حِدِمَ عَڧُواْڢَرْ تٜىٰنْتِنْ سَدُوَ؞ 23عٜىٰلِ يَيِ وَیَیَنْسَ مَغَنَ يَثٜىٰ «دُوانْمٜىٰ كُكٜىٰيِنْ وَطَنَّنْ أَبُبُوَ؟ إِنَسَامُنْ رَهُواْتُوانْ مُوغَيٜىٰنْ أَيُّكَنْكُ دَغَ مُتَنٜىٰ دَبَمْ دَبَمْ؞ 24حَبَ یَیَنَ! كَدَ كُيِ حَكَ غَمَا بَرَهُواْتُواْ مَيْݣَوْ نَكٜىٰ جِنْ مُتَنٜىٰنْ يَهْوٜىٰهْ سُكٜىٰ بَظَوَبَ؞ 25عِدَنْ مُتُمْ يَيِ وَوَنِ مُتُمْ لَيْڢِے، مَيْيِوُوَ اللَّهْ ذَيْ ڟَيَ أَمَدَدِنْسَ، عَمَّا عِدَنْ مُتُمْ يَيِ وَ يَهْوٜىٰهْ ذُنُوبِ، وَ ذَيْ ضُواْڧِ غَاڢَرَ أَمَدَدِنْسَ؟» عَمَّا سُكَيِ بَنْظَ دَ مَغَنَرْ بَابَنْسُ، غَمَا يَهْوٜىٰهْ يَا رِغَا يَا شِرْيَ ذَيْ كَشٜىٰسُ؞
أَنَّبْثِ عَكَنْ عِيَلِنْ عٜىٰلِ
26أَنَانً يَرُواْنَّنْ سَمَٰعِيلَ يَيِ تَغِرْمَ يَنَ سَامُنْ ڢَضٍ جِنِ دَغَ وُرِنْ يَهْوٜىٰهْ دَ كُمَ دَغَ وُرِنْ مُتَنٜىٰ؞#لُكْ 2.52
27وَتَرَانَ وَنِ أَنَّبِے يَذُواْ وُرِنْ عٜىٰلِ يَثٜىٰمَسَ «إِنْجِ يَهْوٜىٰهْ، ‹غَاشِ نَا بَيَّنَ كَيْنَ غَ كَكَنْكَ هَٰرُونَ دَ عِيَلِنْسَ عَڧَسَرْ مَصَرْ سَعَدَّ سُكٜىٰ ثِكِنْ بَوْتَرْ سَرْكِنْ مَصَرْ؞ 28نَا كُمَ ذَاٻِ عِيَلِنْسَ دَغَ ثِكِنْ دُكَنْ ڧَبِيلُنْ إِسْرَٰٓءِيلَ سُذَمَ ڢِرِسْتُواْثِنَ، سُكُمَيِ حِدِمَ عَبَغَدٜىٰ، سُڧُواْنَ تُرَارٜىٰ، سُطَوْكِ عٜىٰڢُوادْ نَنٜىٰمَنْ نُڢِينَ؞ نَا كُمَبَا كَكَنْكَ دَ عِيَلِنْسَ رَبُوانْسُ دَغَ دُكَنْ هَدَايُ نَڧُواْنَاوَا نَ إِسْرَٰٓءِيلَ؞#ڢِتْ 28.1-4؛ لِـ ڢِرْ 7.35-36 29دُوانْمٜىٰ بَكُ طَوْكِ هَدَايُ دَ بَيٜىٰ بَيٜىٰ وَطَنْدَ نَعُمَرْثِ مُتَنٜىٰنَ سُكَٰوُاْ دَ دَرَجَبَ؟ كَيْ عٜىٰلِ، دُوانْمٜىٰ كَكٜىٰ غِرْمَمَ یَیَنْكَ ڢِيٜىٰ دَنِے؟ أَيْ، كُنَ تَيِنْ ڧِبَنٜىٰ غَمَا كُنَ ثِنْ رَبُواْ مَڢِے ݣَوْ نَدُكَنْ هَدَايُ دَ بَيٜىٰ بَيٜىٰ وَطَنْدَ مُتَنٜىٰنَ سُكٜىٰ كَٰوُاْ غَرٜىٰنِ؞›
30«سَبُواْدَ حَكَ، يَهْوٜىٰهْ اللَّهْ نَ إِسْرَٰٓءِيلَ يَثٜىٰ، ‹كُواْدَيَكٜىٰ نَيِ أَلْڧَوَرِ دَكَيْ دَ غِدَنْ مَحَيْڢِنْكَ ثٜىٰوَ ذَاكُيِ مِنِ حِدِمَ حَرْ أَبَدَا، عَمَّا يَنْذُ، إِنْجِ يَهْوٜىٰهْ، كُواْ كَطَنْ وَنَّنْ بَذَيْ يِوُ كُمَ بَ! غَمَا نَكَنْ غِرْمَمَ وَطَنْدَ سُكٜىٰ غِرْمَمَ نِے، عَمَّا وَطَنْدَ سُكٜىٰ رٜىٰنَ نِے ذَاسُ شَا وُلَڧَنْثِ؞ 31غَاشِ لُواْكَثِ يَنَ ذُوَا دَ ذَنْ كَشٜىٰ دُكَنْ سَمَارِنْ غِدَنْكَ دَ دَنْغِنْكَ؞ بَابُ مُتُمِنْ دَ ذَيْ رَايُ حَرْ يَڟُوڢَ عَثِكِنْ غِدَنْكَ؞ 32ذَاكَ كَسَنْثٜىٰ ثِكِنْ دَامُوَ دَ جِنْ كِيشِ سُواْسَيْ يَايِنْدَ كَدُوبَ دُكَنْ أَلْبَرْكُنْ دَ ذَنْ ظُبَ عَيَلْوَثٜىٰ عَكَنْ مُتَنٜىٰنْ إِسْرَٰٓءِيلَ؞ عَمَّا أَغِدَنْكَ بَذَاعَ تَٻَ سَامُنْ وَنْدَ ذَيْ رَايُ حَرْ يَڟُوڢَبَ؞ 33بَذَنْ كَشٜىٰ دُكَنْ دَنْغِنْكَبَ، عَمَّا مُتُمِنْ دَ ذَنْ بَرِ يَيِ مِنِ حِدِمَ تَڢِرِسْتِ عِدَنُونْسَ ذَاسُ كَاسَ كَلُّواْ سَبُواْدَ يَوَنْ هَوَيٜىٰ؞ ذَيْ كُمَ كَٰوُاْ مَكَ بَڧِنْ ثِكِ سُواْسَيْ؞ دُكَنْ سَوْرَنْ ذُرِيَرْكَ ذَاسُ مُتُ كَاڢِنْ سُڟُوڢَ؞ 34غَا أَبِنْدَ ذَيْ ذَمَ مَكَ عَلَمَ، یَیَنْكَ مَظَا بِيُ، هُواڢْنِ دَ ڢِنٜىٰهَسْ ذَاسُ مُتُ أَ رَانَ طَيَ؞#1 سَمْ 4.11 35ذَنْ تَادَ وَ كَيْنَ ڢِرِسْتِ مَيْ أَمِنْثِ وَنْدَ ذَيْ يِ عَيْكِ بِسَغَ نُڢِنْ ذُوثِيَاتَ؞ ذَنْ بَاشِ ذُرِيَ وَدَّ ذَاتَ دِنْغَيِ وَسَرْكِنْدَ نَكٜىٰٻٜىٰ حِدِمَ؞ 36دُكْ وَنْدَ يَرَغُ دَغَ ذُرِيَرْكَ كُوَ ذَيْذُواْ غَبَنْسَ يَدُرْڧُسَ يَضُواْڧِ كُطِ دَ عَبِنْثِ؞ ذَيْ كُمَ ضُواْڧَا عَيَرْدَ مَسَ يَيِ عَيْكِنْ ڢِرِسْتِ دُواْمِنْ يَسَامِ طَنْ عَبِنْثِنْدَ ذَيْثِ؞› »
Currently Selected:
1 سَمَٰعِيلَ 2: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
