1 سَرَاكُنَ 7
7
سُلَيْمَٰنُ يَغِنَ وَكَنْسَ غِدَنْ سَرْكِے
1يَطَوْكِ سُلَيْمَٰنُ شٜىٰكَرُ غُواْمَشَا عُكُ، كَاڢِنْ يَغَمَ غِنَاوَا كَنْسَ غِدَنْ سَرْكِے؞ 2يَغِنَ وَنِ بَبَّنْ طَاكِنْ تَارُواْ مَيْ سُونَ غِدَنْ كُرْمِنْ لٜىٰبَنُوانْ؞ ڟَوُانْسَ ڧَڢَا طَرِے دَ حَمْسِنْ نٜىٰ، ڢَاطِنْسَ ڧَڢَا سَبَعِنْ دَ بِيَرْ، سَعَنً ڟَيِنْسَ ڧَڢَا أَرْبَعِنْ دَ بِيَرْ نٜىٰ؞ بِمْ نَسِلِنْ غِدَنْ يَنَ عَكَنْ جٜىٰرِ حُطُ نَغِنْشِڧَنْ إِتَاثٜىٰنْ سٜىٰدَ؞ 3عَكَ رُڢٜىٰشِ دَ بِمْ نَسٜىٰدَ عَكَنْ غِنْشِڧَنَّنْ أَرْبَعِنْ دَ بِيَرْ دَسُكٜىٰ أَ جٜىٰرٜىٰ كُواْوَنٜىٰ لَيِ غُواْمَشَا بِيَرْ؞ 4عَبَنْغُوانْ غٜىٰڢٜىٰنْ حَنُّنْ هَغُ دَ نَدَمَ نَغِدَنْ، أَݣَويْ تَغُواْغِ جٜىٰرِ عُكُنْ دَسُكٜىٰ ڢُسْكَنْتَرْ جُونَ؞ 5دُكَنْ غٜىٰڢٜىٰ حُطُ نَڧُواْڢُواْڢِ دَ ڢِرَمْ نَاسُ، غِرْمَنْسُ دَيْدَيْ دَ سَوْرَنْ غٜىٰڢٜىٰنْ، سُنَ ڢُسْكَنْتَرْ جُونَ ثِكِنْ جٜىٰرِ عُكُنْ؞
6سُلَيْمَٰنُ يَكُمَ غِنَا ذَوْرٜىٰ مَيْ غِنْشِڧَيْ، ڟَوُانْسَ ڧَڢَا سَبَعِنْ دَ بِيَرْ، ڢَاطِنْسَ ڧَڢَا أَرْبَعِنْ دَ بِيَرْ؞ أَغَبَنْ ذَوْرٜىٰنْ أَݣَويْ ذَوْرٜىٰ مَيْ غِنْشِڧَيْ وَنْدَ أَنْرُڢٜىٰ سَمَنْسَ؞
7سُلَيْمَٰنُ يَغِنَ بَبَّنْ طَاكِنْ كُجٜىٰرَرْ مُلْكِ عِنْدَ يَكٜىٰيِ وَمُتَنٜىٰ شَرِيعَ، مَيْ سُونَ بَبَّنْ طَاكِنْ شَرِيعَ؞ وَنَّنْ طَاكِنْ كُوَ أَنْرُڢٜىٰ ثِكِنْسَ دَ كَتَكَنْ إِتَاثٜىٰنْ سٜىٰدَ دَغَ ڧَسَا حَرْ سَمَ؞ 8غِدَنْ دَ سُلَيْمَٰنُ يَكٜىٰ ذَمَ عَثِكِ، أَنْغِنَ شِ أَوَنِ ڢِيلِ عَبَايَنْ بَبَّنْ طَاكِنْ شَرِيعَرْ نٜىٰ؞ أَنْ كُوَ غِنَاشِ كَمَرْ يَدَّ عَكَ غِنَا بَبَّنْ طَاكِنْ شَرِيعَ؞ سُلَيْمَٰنُ يَكُمَ غِنَاوَا مَاتَرْسَ، یَرْ سَرْكِنْ مَصَرْ، غِدَا كَمَرْ بَبَّنْ طَاكِنْ شَرِيعَرْسَ؞#1 سَرْ 3.1
9دُكَنْ غِنٜىٰ غِنٜىٰنَّنْ دَغَ تُوشٜىٰ حَرْ رُڢِنْ أَنْيِسُ دَ دُوَڟُو مَاسُ ݣَوْ دَ كُمَ ڟَادَ؞ دَ ڢَارِ أَنْيَيَّنْكَ دُووَڟُنْ دَيْدَيْ كَمَرْ يَدَّ عَكَ عَوْنَ، سَعَنً عَكَ ڠَغْڠَرَسُ غَبَ دَ بَايَ دَ زَرْتُواْ؞ 10تُوشٜىٰنْ غِنِنْ أَنْغِنَاشِ دَ دُوَڟُو مَاسُ ݣَوْ دَ كُمَ ڟَادَ، مَنْيَ نٜىٰ سُواْسَيْ؞ وَطَنْسُ ڟَوُانْسُ يَكَيْ ڧَڢَا غُواْمَشَا بِيَرْ، وَطَنْسُ ڧَڢَا غُواْمَشَا بِيُ؞ 11عَكَنْ دُوَڟُو نَتُوشٜىٰنْ غِنِنْ، أَݣَويْ بِمْ نَسٜىٰدَ دَ كُمَ وَطَنْسُ دُوَڟُو مَاسُ ݣَوْ دَ كُمَ ڟَادَ، وَطَنْدَ عَكَ يَيَّنْكَ دَيْدَيْ كَمَرْ يَدَّ عَكَ عَوْنَ؞
12ڢِيلِنْ غِدَنْ سَرْكِے، أَنْغِنَ كَتَنْغَرْ يَدَّ أَݣَويْ جٜىٰرِنْ بِمْ نَكَتَكَنْ إِتَاثٜىٰنْ سٜىٰدَ بَايَنْ كُواْوَنٜىٰ جٜىٰرِ عُكُ نَدُووَڟُنْ دَ عَكَ سَسَّڧَ دَيْدَيْ كَمَرْ نَڢِيلِنْ ثِكِنْ غِدَنْ يَهْوٜىٰهْ دَ كُمَ نَذَوْرٜىٰنْ غِدَنْ يَهْوٜىٰهْ؞
عَيْكِنْ هُرَمْ
13سَرْكِے سُلَيْمَٰنُ كُوَ يَعَيْكَ عَكَٰوُاْ مَسَ هُرَمْ دَغَ بِرْنِنْ تَيَ؞ 14شِے طَنْ وَتَ مَتَا نٜىٰ دَغَ ذُرِيَرْ نَڢْتَلِ، وَدَّ مِجِنْتَ يَا رِغَا يَا مُتُ؞ بَابَنْسَ مُتُمِنْ تَيَ نٜىٰ، دَا بَبَّنْ ڠُونِنْ عَيْكِنْ ڧَرْڢٜىٰنْ تَغُلَّنٜىٰ؞ هُرَمْ شِے مَا مَيْ حِكِمَ نٜىٰ، مَيْ عِيَ عَيْكِنٜىٰ، مَيْ سَنِنْ سَنَعَرْسَ نَعَيْكِنْ ڧَرْڢٜىٰنْ تَغُلَّ؞ يَأَمْسَ كِرَنْ سُلَيْمَٰنُ دُواْمِنْ يَشُوغَبَنْثِ عَيْكِنْسَ نَڧَرْڢٜىٰنْ تَغُلَّ؞
غِنْشِڧَنْ ڧَرْڢٜىٰنْ تَغُلَّ بِيُ
﴿2 تَارْ 3.15-17﴾
15هُرَمْ يَيِ غِنْشِڧَيْ بِيُ نَڧَرْڢٜىٰنْ تَغُلَّ، كُواْوَنّٜىٰنْسُ ڟَيِنْسَ ڧَڢَا عَشِرِنْ دَ بَݣَويْ نٜىٰ؞ إِغِيَ مَيْ ڧَڢَا غُواْمَشَا تَݣُوسْ ذَيْ كٜىٰوَيٜىٰ كُواْوَنّٜىٰنْسُ؞ 16يَيِ كَوُنَ بِيُ نَڧَرْڢٜىٰنْ تَغُلَّ دُواْمِنْ أَسَاسُ عَكَنْ غِنْشِڧَنْ بِيُ طِنْ؞ ڟَيِنْ كُواْوَنّٜىٰنْسُ ڧَڢَا بَݣَويْ دَ رَبِنٜىٰ؞ 17يَيِ وَكُواْوَنٜىٰ كَنْ غِنْشِڧِ أَدُواْ دَ ذَانِ ذَانِنْ رَاغَرْ سَرْڧَ؞ أَجِكِنْ كُواْوَنٜىٰ كَنْ غِنْشِڧِ أَݣَويْ لَيِ بَݣَويْ نَأَدُوانْ؞ 18يَيِ لَيِ بِيُ نَظَانٜىٰ ذَانِنْ صِڢُّواْڢِنْ یَیَنْ رُمَّنْ نَڧَرْڢٜىٰنْ تَغُلَّ سُكٜىٰوَيٜىٰ أَدُوانْ رَاغَرْ سَرْڧَرْ؞ وَطَنَّنْ سُنَ سَمَ دَ لَيِ بَݣَويْ نَظَانٜىٰ ذَانِنْ رَاغَرْ سَرْڧَ أَجِكِنْ كَوُنَنْ غِنْشِڧَنَّنْ؞
19كَوُنَنْ غِنْشِڧَنْ دَسُكٜىٰ عَكَنْ كُواْوَنٜىٰ غِنْشِڧِ نَذَوْرٜىٰنْ، أَنْيِ مُسُ ذَانِ ذَانِنْ صِڢُّواْڢِنْ ڢُلَوَ، كُمَ ڟَيِنْسُ ڧَڢَا شِدَ نٜىٰ؞ 20أَوُرِنْ دَ كَنْ غِنْشِڧِ يَبُوطُ كَمَرْ ݣُونُواْ، سَمَ دَ ذَانِ ذَانِنْ سَرْڧَرْ، أَنْيِ ذَانِ ذَانِنْ یَیَنْ رُمَّنْ وَجٜىٰنْ طَرِے بِيُ، لَيِ لَيِ كٜىٰوَيٜىٰ دَ كَوُنَنْ غِنْشِڧَنَّنْ؞ 21هُرَمْ يَكَڢَ وَطَنَّنْ غِنْشِڧَنْ ڧَرْڢٜىٰ عَڧُواْڢَرْ ذَوْرٜىٰ نَغِدَنْ يَهْوٜىٰهْ؞ غِنْشِڧِنْ دَيَكٜىٰ عَكُدُ يَكِرَشِ يَكِنْ؞ غِنْشِڧِنْ دَيَكٜىٰ عَ أَرٜىٰوَ يَكِرَشِ بُواْوَظْ؞ 22وَطَنَّنْ كَوُنَنْ غِنْشِڧَنْ دَ عَكَيِمُسُ ذَانِ ذَانِنْ صِڢُّواْڢِنْ ڢُلَوَ سُنَ عَكَنْ غِنْشِڧَنْ؞ تَهَكَ عَكَ كَمَّلَ عَيْكِ عَكَنْ غِنْشِڧَنْ؞
ݣُونُوانْ تَغُلَّ دُواْمِنْ أَجِيٜىٰ ضُوَ
﴿2 تَارْ 4.2-5﴾
23سَيْ هُرَمْ يَيِ وَنِ ڧَتُوانْ ݣُونُواْ دُواْمِنْ عَ أَجِيٜىٰ ضُوَ نَڧَرْڢٜىٰنْ تَغُلَّ، وَنْدَ عَكٜىٰ كِرَنْسَ تٜىٰكُ؞ ظُرْڢِنْسَ ڧَڢَا بَݣَويْ دَ رَبِے، ڢَاطِنْسَ ڧَڢَا غُواْمَشَا بِيَرْ، إِغِيَ مَيْ ڧَڢَا أَرْبَعِنْ دَ بِيَرْ ذَاتَ كٜىٰوَيٜىٰ بَاكِنْ ݣُونُوانْ؞ 24عَكٜىٰوَيٜىٰنْ بَاكِنْ ڧَتُوانْ ݣُونُوانْ أَݣَويْ لَيِ بِيُ نَصِڢُّواْڢِنْ غُواْرَ نَڧَرْڢٜىٰنْ تَغُلَّ، أَݣَويْ غُواْرَ شِدَ ثِكِنْ كُواْوَنٜىٰ ڧَڢَا؞ أَنْ نَرْكٜىٰ ڧَرْڢٜىٰنْ تَغُلَّ، أَنْيِ ظُبِے نَصِڢُّواْڢِنْ غُواْرَنْ حَطٜىٰ دَ ڧَتُوانْ ݣُونُوانْ؞ 25أَنْسَا ڧَتُوانْ ݣُونُواْنَّنْ عَكَنْ صِڢُّواْڢِنْ بِجِمَنْ ڧَرْڢٜىٰ غُواْمَشَا بِيُ؞ ڢُسْكُواْكِنْ بِجِمَنْ سُنَ ڢُسْكَنْتَرْ وَجٜىٰ؞ صِڢُّواْڢِنْ بِجِمَيْ عُكُ سُنَ ڢُسْكَنْتَرْ غَبَسْ، عُكُ سُنَ ڢُسْكَنْتَرْ يَمَّ، عُكُ سُنَ ڢُسْكَنْتَرْ كُدُ، عُكُ سُنَ ڢُسْكَنْتَرْ أَرٜىٰوَ؞ 26غٜىٰڢٜىٰنْ ڧَتُوانْ ݣُونُوانْ، كَوْرِنْسَ إِنْثِ عُكُنٜىٰ، كُمَ ݣُونُوانْ يَنَ عِيَ طَوْكَرْ لِتَ دُبُو أَرْبَعِنْ نَضُوَ؞ بَاكِنْ ڧَتُوانْ ݣُونُوانْ كَمَرْ نَݣُوڢْ نٜىٰ كُواْ ڢُلَوَرْ دَ تَبُوطُ؞
هُرَمْ يَيِ أَمَلَنْكٜىٰ غُدَا غُواْمَ
27سَعَنً هُرَمْ يَيِ أَمَلَنْكٜىٰ نَڧَرْڢٜىٰنْ تَغُلَّ غُدَا غُواْمَ، ڟَوُانْ غٜىٰڢٜىٰنْسَ ڧَڢَا شِدَ، ڢَاطِنْسَ ڧَڢَا شِدَ، ڟَيِنْسَ كُمَ ڧَڢَا حُطُ دَ رَبِے؞ 28غَا يَدَّ عَكَيِ أَمَلَنْكٜىٰنْ، أَنْيِ ڢَلّٜىٰنْ غٜىٰڢٜىٰ حُطُنْ دَيْدَيْ دَ جُونَ، أَنْكَامَسُ دُكَ دَ ڢِرَمْ؞ 29أَجِكِنْ ڢَلّٜىٰنْ حُطُ أَݣَويْ ذَانِ ذَانِنْ صِڢُّواْڢِنْ ذَاكُواْكِ دَ نَبِجِمَيْ دَ نَحَلِتُّو مَاسُ ڢِكَڢِكَيْ؞ أَ سَمَ دَ ڧَسَا نَظَانٜىٰ ذَانِنْ ذَاكُواْكِ دَ نَبِجِمَيْ، أَݣَويْ أَدُوانْ ذَانِ ذَانِ نَڢُلَوَرْ دَ عَكَيِ عَكَنْ ڢَلّٜىٰنْ؞ 30كُواْوَنٜىٰ أَمَلَنْكٜىٰ يَنَدَ ڧَڢَرْ تَغُلَّ غُدَا حُطُ دَ سَنْدُنَنْ ڧَرْڢٜىٰ مَاسُ رِڧٜىٰسُ؞ أَوَجٜىٰنْ ݣُونَ حُطُ نَأَمَلَنْكٜىٰنْ، أَݣَويْ أَبُبُوَ غُدَا حُطُ وَطَنْدَ سُنَ رِڧٜىٰ ݣُونُواْ غُدَا؞ سُو مَا أَنْيِ مُسُ أَدُوانْ ذَانِ ذَانِنْ صِڢُّواْڢِ نَڢُلَوَ أَجِكِنْسُ؞ 31أَݣَويْ وَنِ ڢِرَمْ دَ يَيِ ذُواْبٜىٰ عَكَنْ أَمَلَنْكٜىٰ دُواْمِنْ ݣُونُواْ؞ ڟَيِنْسَ يَيِ ڧَڢَا طَيَ دَ رَبِے سَمَ دَ أَمَلَنْكٜىٰنْ، يَكُمَ كَيْ إِنْثِ عَشِرِنْ دَ بَݣَويْ ذُوَا ڧَسَا ثِكِنْ أَمَلَنْكٜىٰنْ؞ أَنْيِ ذَانِ ذَانِ أَجِكِنْ ڢِرَمْ طِنْ؞ كُواْوَنٜىٰ أَمَلَنْكٜىٰ يَنَدَ غٜىٰڢٜىٰ حُطُ دَ بَسُيِ ذُواْبٜىٰبَ؞ 32ڟَيِنْ ڧَڢَاڢُنْ أَمَلَنْكٜىٰنْ يَيِ إِنْثِ عَشِرِنْ دَ بَݣَويْ؞ ڧَڢَاڢُ غُدَا حُطُ سُنَ ڧَرْڧَشِنْ ڢَلّٜىٰنْ؞ ڧَرْڢٜىٰ مَيْ رِڧٜىٰ ڧَڢَاڢُنْ يَنَ حَطٜىٰ دَ أَمَلَنْكٜىٰنْ؞ 33أَنْيِ ڧَڢَاڢُنْ كَمَرْ نَكٜىٰكٜىٰنْ دُواْكِ؞ كُواْوَنٜىٰ أَبُ عَڧَڢَرْ، وَتُواْ ڧَرْڢٜىٰ مَيْ رِڧٜىٰ ڧَڢَاڢُنْ دَ غَرٜىٰغَرٜىٰنْ دَ وَيُواْيِنْ غَرٜىٰغَرٜىٰنْ دَ أَبِنْدَ يَرِڧٜىٰسُ، دُكَنْسُ أَنْيِسُ دَ ڧَرْڢٜىٰنْ تَغُلَّنٜىٰ؞
34عَكُواْوَثٜىٰ ݣُونَ تَغِنْدِنْ أَمَلَنْكٜىٰنْ، أَݣَويْ أَبُبُوَ حُطُ مَاسُ رِڧٜىٰ ݣُونُواْ؞ أَنْيِسُ حَطٜىٰ دَ أَمَلَنْكٜىٰنْ؞ 35أَݣَويْ طَنْ ڧَرْڢٜىٰنْ تَغُلَّرْ دَ يَيِ ذُواْبٜىٰ بِسَ كَنْ كُواْوَنٜىٰ أَمَلَنْكٜىٰ؞ إِغِيَ مَيْ إِنْثِ تَرَ ذَاتَ كٜىٰوَيٜىٰشِ؞ ڢِرَمْ دَ ڢَلّٜىٰنْ أَنْكُوَ يِسُ حَطٜىٰ دَ أَمَلَنْكٜىٰنْ؞ 36ڢَلّٜىٰنْ غٜىٰڢٜىٰنْ أَمَلَنْكٜىٰنْ دَ ڢِرَمْ أَنْثِكَسُ دَ ذَانِ ذَانِنْ صِڢُّواْڢِ نَحَلِتُّو مَاسُ ڢِكَڢِكَيْ دَ نَظَكُواْكِ دَ نَ عِتَتُوَنْ ڨُورَ؞ أَنْيِ ذَانِ ذَانِنْ ڢُلَوَ كٜىٰوَيٜىٰ دَسُو؞ 37تَهَكَنٜىٰ هُرَمْ يَيِ أَمَلَنْكٜىٰنَّنْ غُدَا غُواْمَ؞ ڧَرْڢٜىٰنْ تَغُلَّ نَكُواْوَنٜىٰ أَمَلَنْكٜىٰ أَنَّرْكٜىٰشِ أَنْظُبَ ثِكِنْ أَبِنْدَ عَكَ رِغَا عَكَ ڧٜىٰرَ دَ صِڢَّرْسَ؞ دُواْمِنْ حَكَ دُكَنْ أَمَلَنْكٜىٰنْ غِرْمَنْسُ دَ كَمَنِّنْسُ إِرِ طَيَنٜىٰ؞
38هُرَمْ كُمَ يَيِ مَنْيَنْ ݣُونُواْنِ نَڧَرْڢٜىٰنْ تَغُلَّ غُدَا غُواْمَ، كُواْوَنٜىٰ ݣُونُواْ عَكَنْ أَمَلَنْكٜىٰ غُدَا؞ كُواْوَنٜىٰ بَبَّنْ ݣُونُواْ ڢَاطِنْسَ ڧَڢَا شِدَ، يَنَ عِيَ طَوْكَرْ لِتَ طَرِے تَݣُوسْ؞#ڢِتْ 30.17-21 39هُرَمْ يَأَجِيٜىٰ أَمَلَنْكٜىٰ بِيَرْ تَكُدَنْثِنْ غِدَنْ يَهْوٜىٰهْ، بِيَرْ كُمَ تَأَرٜىٰوَثِنْ؞ يَسَا ڧَتُوانْ ݣُونُواْنَّنْ وَنْدَ عَكٜىٰ كِرَنْسَ تٜىٰكُ عَݣُونَرْ كُدُ مَسُواْ غَبَسْ نَغِدَنْ؞
عَيْكِنْ هُرَمْ عَتَڧَيْثٜىٰ
﴿2 تَارْ 4.11—5.1﴾
40هُرَمْ يَكُمَيِ وَطَنْسُ ݣُونُواْنِ دَ شٜىٰبُرْ دَ مَنْيَنْ ݣُونُواْنِ؞
تَهَكَ، هُرَمْ يَكَمَّلَ دُكَنْ عَيْكِنْ دَ يَيِ وَ سَرْكِے سُلَيْمَٰنُ أَ غِدَنْ يَهْوٜىٰهْ؞ 41غَا أَبُبُوَنْ دَ يَيِ:
غِنْشِڧَيْ بِيُ،
مَنْيَنْ كَوُنَنْ دَ سُكَ بُوطُ كَمَرْ ݣُونُواْ عَكَنْ غِنْشِڧَنْ،
لَيِ بِيُ نَأَدُوانْ رَاغَرْ سَرْڧَ أَجِكِنْ مَنْيَنْ كَوُنَنْ غِنْشِڧَنَّنْ،
42ذَانِ ذَانِنْ صِڢُّواْڢِنْ یَیَنْ رُمَّنْ طَرِے حُطُ، كُواْوَنٜىٰ لَيِ يَنَدَ غُدَا طَرِے، لَيِ بِيُ عَكَنْ كُواْوَنٜىٰ كَنْ غِنْشِڧِ،
43أَمَلَنْكٜىٰ غُواْمَ، كُواْوَنٜىٰ أَمَلَنْكٜىٰنْ يَنَ طَوْكٜىٰ دَ بَبَّنْ ݣُونُواْ طَيَ،
44ڧَتُوانْ ݣُونُواْ وَنْدَ عَكٜىٰ كِرَنْسَ تٜىٰكُ،
صِڢُّواْڢِنْ بِجِمَيْ غُواْمَشَا بِيُ مَاسُ رِڧٜىٰ ڧَتُوانْ ݣُونُواْ،
45وَطَنْسُ ݣُونُواْنِ،
دَ شٜىٰبُرْ،
دَ مَنْيَنْ ݣُونُواْنِ؞
دُكَنْ كَايَنْ عَيْكِنَّنْ نَغِدَنْ يَهْوٜىٰهْ وَطَنْدَ هُرَمْ يَيِ دُواْمِنْ سَرْكِے سُلَيْمَٰنُ، أَنْيِسُ دَ ڧَرْڢٜىٰنْ تَغُلَّرْ دَ عَكَ غُواْغٜىٰ؞ 46أَ ڢِيلَيٜىٰنْ دَسُكٜىٰ كُسَدَ كُواْغِنْ يُواْدَنْ، ڟَكَانِنْ سُكُّواتْ دَ ظَرٜىٰتَنْ، سَرْكِے سُلَيْمَٰنُ يَسَا أَ ظُبَ ڧَرْڢٜىٰنْ دَ عَكَ نَرْكَ ثِكِنْ رَامُكَنْ دَ عَكَ شِرْيَ عَڧَسَا دُواْمِنْ ڧٜىٰرَوَرْ كَايَنْ؞ 47سُلَيْمَٰنُ بَيْ عَوْنَ نَوْيِنْ كَايَيَّكِنْ دَ عَكَ ڧٜىٰرَ بَ، سَبُواْدَ سُنْيِيَوَ؞ بَعَكُمَ سَنْ يَوَنْ نَوْيِنْ ڧَرْڢٜىٰنْ تَغُلَّرْ بَ؞
48سُلَيْمَٰنُ يَكُمَيِ دُكَنْ كَايَنْ عَيْكِ نَغِدَنْ يَهْوٜىٰهْ،
بَغَدٜىٰنْ ظِينَارِيَ،
تٜىٰبُرِنْ ظِينَارِيَ دُواْمِنْ غُرَاسَرْ دَ عَكَ كٜىٰٻٜىٰ،#ڢِتْ 25.23-30؛ 30.1-3
49سَنْدُنَ غُدَا غُواْمَ نَظِينَارِيَ ظَلَّ مَاسُ رِڧٜىٰ ڢِتِلُ، وَطَنْدَ عَكَ أَجِيٜىٰ أَغَبَنْ وُرِے مَڢِے ڟَرْكِے، بِيَرْ أَغٜىٰڢٜىٰنْ هَغُ، بِيَرْ كُمَ أَغٜىٰڢٜىٰنْ دَامَ،
دُكَنْ ذَانِ ذَانِنْ صِڢُّواْڢِنْ ڢُلَوَ،
ڢِتِلُ،
مَنْيَنْ ثُواْكُلَ مَاسُ يَڟُ؞
دُكَنْسُ يَيِسُ دَ ظِينَارِيَ؞#ڢِتْ 25.31-40
50دُكَنْ ݣُوڢُنَ،
أَبُبُوَنْ كَشٜىٰ ڢِتِلُ،
مَنْيَنْ ݣُونُواْنِ،
تَاسُواْشِنْ رِڧٜىٰ تُرَارٜىٰ،
ݣُونُواْنِ نَݣُوشِ غَرْوَشِنْ وُتَا،
أَبُبُوَ مَاسُ رِڧٜىٰ ڧُواْڢُواْڢِنْ وُرِے مَڢِے ڟَرْكِے دَ كُمَ نَبَبَّنْ طَاكِنْ غِدَنْ يَهْوٜىٰهْ؞
يَيِسُ دَ ظِينَارِيَ؞
51عَڧَرْشٜىٰ، دُكَنْ عَيْكِنْ دَ سَرْكِے سُلَيْمَٰنُ يَيِ نَغِدَنْ يَهْوٜىٰهْ يَا كَمَّلَ؞ سُلَيْمَٰنُ يَشِغَرْدَ دُكْ أَبِنْدَ بَابَنْسَ دَاوُدَ يَكٜىٰٻٜىٰ دُواْمِنْ غِدَنْ يَهْوٜىٰهْ، وَتُواْ أَظُرْڢَا دَ ظِينَارِيَ دَ وَطَنْسُ كَايَيَّكِ؞ يَسَا كُواْمٜىٰ ثِكِنْ طَاكِنْ أَجِيَ نَغِدَنْ يَهْوٜىٰهْ؞#2 سَمْ 8.11؛ 1 تَارْ 18.11
Currently Selected:
1 سَرَاكُنَ 7: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
