Kutachika 6
6
Dibaji
1Cheliluwu antu anatachiki dehi kuvula mwahita iseki, hiyakuvwala nianyana awambanda,
2anyana kaNzambi amayala amweni anyana kawantu awambanda nawu akweti lubanji, asumbula niaŋodijawu, ejima akeŋeluwu.
3Yehova welili nindi, Spiritu Wami hakakabakanaŋa namuntu nyaka yejimaku, muloŋa kwindi himuntu hohu, ilaŋa nyaka yindi yakashika munyaka nkulakaji namakumi ayedi (120).
4Hanyaka yina hamaseki hadiŋi antu ataluka, nkumininaku anyana kaNzambi amayala cheŋililuwu mudi anyana kawantu awambanda, hiyakuyivwela anyana; wenowu antu ahashankulu adiŋi ayilobu, amayala atiyakana mpuhu.
5Yehova wamweni kutama kwawantu kunatohi hamaseki, nimwafuukwiluwu mwejima nakutoŋojoka #Mas 14:1-3; Yer 17:9munyichima yawu munatami hohu bweŋi mafuku ejima.
6Yehova #1 Sam 15:11chamufutwili kumuchima nanochu chaleŋeliyi muntu hamaseki, chamutiyishili kumuchima bwi-i.
7Yehova welili nindi, Antu naleŋeli nukuyijilumuna mwahita iseki; niantu, nianyama, niyuma yazalalaŋa, niatuda amuluzwizu; muloŋa chinamfutuli kumuchima chinayileŋeli.
8Ilaŋa Nowa amutoŋeli kudi Yehova.
9Yeniyi diyi nsaŋu yaNowa. Nowa wadiŋi muntu waloŋa, muntu walala hadi akwawu antu; Nowa wendeli naNzambi.
10Nowa wavweli anyana amayala asatu, iwu Shemi, iwu Hami, iwu Yafweta.
11Iseki datokeli kumesu aNzambi, iseki dawaninini kwamadombu hohu.
12Nzambi wamweni iseki dinatoki dehi kwadu; muloŋa antu ejima aditokesheli mwendeluwu hamaseki bu-lu-lu.
13Nzambi hakumwila Nowa, nindi, Namoni antu ejima kunayikumi dehi; muloŋa iseki adiwanisha dehi madombu kudi wena; dichi nakayijilumwina kumu neseki.
14Katuŋi watu namutondu wagofu, muwatu wakaketolumu tupeka, wakawujikajiki naweŋi wamupachi nimukachi nihanzi.
15Tiya chiwakawutuŋa; mukuleha kwawatu wakashika mujimita 140, mukutoha kwawu jimita 23, mukuleha kwawu kwiwulu jimita 13.5.
16Watu wakawisha njanina, yakashali kwiwulu nakweseka mwomunkotweli yimu yachikasa; chisu chawatu wakachishila mumbavu yawu; wakatuŋa matala amakwawu mwishina, amakwawu hakachi, amakwawu hewulu.
17Ninami, chalala ami aweni kwaamu, hinukuleta dibaji damenji hamaseki, kulonda #2 Pet 2:5kujilumuna mwishina dewulu akwanyijimba ejima ahandaŋa nakwona; niyuma yejima yekala hamaseki yakafwa.
18Ilaŋa dinu munatiyaŋani naneyi nukukoleshamu; wakeŋila muwatu, nineyi, niŋodeyi, nianyaneyi, niaŋodijawu hamu naneyi.
19Wakeŋija muwatu yuma yayumi yejima yikweti nyijimba, kulonda kuyihandisha ayedi ayedi kunyichidi yejima, hamu naneyi; akekala niweyala niwamumbanda.
20Nihadi atuda hamuchidi, hamuchidi, nihadi ayimuna hamuchidi, hamuchidi, nihadi yuma yazalalaŋa hamaseki hamuchidi, hamuchidi, hakanyamuka ayedi ayedi ahanyichidi yejima akenza kudeyi, kulonda kuyihandisha.
21Yakudya yejima yadyaŋawu, kayipompeshi nakuyisweka, yakeli yakudya niyeyi niyawu.
22Dichi cheliliyi Nowa; mwejima #Kwi 7:6; 40:16mwamulejeliyi Nzambi dimu mweliliyi.
Currently Selected:
Kutachika 6: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.