Kutachika 5
5
Kufuma kudi Adama nakushika kudi Nowa
1Weniwu diwu mukanda wansaŋu jaAdama mwavwalikilili yisaka yindi.
Hefuku daleŋeluwu muntu kudi Nzambi, wamwilili wakudifwana naNzambi;
2wayileŋeli niiyala nimumbanda; wayikiswilili nkisu, wayitumbili ijina dawu mwifuku dayileŋeliyi, nindi, Muntu.
3Adama washakamini nyaka nkulakaji nanyaka makumi asatu (130), yovwala nimwana wamufwana, neyi chekalayi yomweni; yomutumba niijina dindi nindi Seta.
4Chavweliyi Seta, Adama wanuŋiluku nyaka nkulakaji jitanu najisatu (800); wavweli anyana amayala nawambanda.
5Kubomba nyaka yejima yahandiliyi Adama yashikili munyaka nkulakaji jitanu najiwana nanyaka makumi asatu (930); yofwa nikufwa.
6Seta washakamini nyaka nkulakaji nayitanu (105), hakuvwala Enoshi;
7Seta chavweliyi Enoshi wanuŋiluku nyaka nkulakaji jitanu najisatu nanyaka yitanu nayiyedi (807), wavweli anyana amayala nawambanda.
8Kubomba nyaka yejima yaSeta yashikili munyaka nkulakaji jitanu najiwana nanyaka ikumi nayiyedi (912); yofwa nikufwa.
9Enoshi washakamini nyaka makumi atanu nawana (90), hakuvwala Kenani;
10Enoshi chavweliyi Kenani wanuŋiluku nyaka nkulakaji jitanu najisatu nanyaka ikumi nayitanu (815), wavweli anyana amayala nawambanda.
11Kubomba nyaka yejima yaEnoshi yashikili munyaka nkulakaji jitanu najiwana nanyaka yitanu (905); yofwa nikufwa.
12Kenani washakamini nyaka makumi atanu nayedi (70), hakuvwala Mahalaleli;
13Kenani chavweliyi Mahalaleli wanuŋiluku nyaka nkulakaji jitanu najisatu nanyaka makumi awana (840), wavweli anyana amayala nawambanda.
14Kubomba nyaka yejima yaKenani yashikili munyaka nkulakaji jitanu najiwana nanyaka ikumi (910); yofwa nikufwa.
15Mahalaleli washakamini nyaka makumi atanu nadimu nanyaka yitanu (65), hakuvwala Yaredi;
16Mahalaleli chavweliyi Yaredi wanuŋiluku nyaka nkulakaji jitanu najisatu nanyaka makumi asatu (830), wavweli anyana amayala nawambanda.
17Kubomba nyaka yejima yaMahalaleli yashikili munyaka nkulakaji jitanu najisatu nanyaka makumi atanu namakumi awana nanyaka yitanu (895); yofwa nikufwa.
18Yaredi washakamini nyaka nkulakaji nanyaka makumi atanu nadimu nanyaka yiyedi (162), hakuvwala Enoki;
19Yaredi chavweliyi Enoki wanuŋiluku nyaka nkulakaji jitanu najisatu (800), wavweli anyana amayala nawambanda.
20Kubomba nyaka yejima yaYaredi yashikili munyaka nkulakaji jitanu najiwana namakumi atanu nadimu nanyaka yiyedi (962); yofwa nikufwa.
21Enoki washakamini nyaka makumi atanu nadimu nanyaka yitanu (65), hakuvwala Metusela;
22Enoki chavweliyi Metusela #6:9; 17:1; 24:40; 48:15; Mika 6:8; Mal 2:6; Efw 5:2wendeli naNzambi nyaka nkulakaji jisatu (300), wavweli anyana amayala nawambanda.
23Kubomba nyaka yejima yaEnoki yashikili munyaka nkulakaji jisatu namakumi atanu nadimu nanyaka yitanu (365)
24Enoki wendeli naNzambi, kumukasumuka hikwosi, Nzambi diyi #Heb 11:5wamutambwili.
25Metusela washakamini nyaka nkulakaji namakumi atanu nasatu nanyaka yitanu nayiyedi (187), hakuvwala Lameki.
26Metusela chavweliyi Lameki wanuŋiluku nyaka nkulakaji jitanu najiyedi namakumi atanu nasatu nanyaka yiyedi (782), wavweli anyana amayala nawambanda.
27Kubomba nyaka yejima yaMetusela yashikili munyaka nkulakaji jitanu najiwana namakumi atanu nadimu nanyaka yitanu nayiwana (969); yofwa nikufwa.
28Lameki washakamini nyaka nkulakaji namakumi atanu nasatu nanyaka yiyedi (182), hakuvwala nimwana weyala,
29yomutumba niijina dindi nindi Nowa, nindi, Yeniwu diyi wakatukundeja namudimu wetu nakukabakana kutukukabakana namakasetu, neseki dashiŋiliyi Yehova.
30Lameki chavweliyi Nowa wanuŋiluku nyaka nkulakaji jitanu namakumi atanu nawana nanyaka yitanu (595), wavweli anyana amayala nawambanda.
31Kubomba nyaka yejima yaLameki yashikili munyaka nkulakaji jitanu najiyedi namakumi atanu nayedi nanyaka yitanu nayiyedi (777); yofwa nikufwa.
32Nowa washikili munyaka nkulakaji jitanu (500) Nowa wavweli niShemi niHami niYafweta.
Currently Selected:
Kutachika 5: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.