Yililu 21
21
Pawulu hakuya kuYerusalema
1Chitunaambuki nawu, hitukutachika kwenda muwatu, hitukwimakana nikuKosi nzwa-a; chikunachi tushika nikuRodi, kufuma oku tuya nikuPatara.
2Hitukuwana watu wacheŋi wudi nakuzambukila kuFwenisiya, hitukwiŋilamu, tutachika nikwenda muwatu owu.
3Chitunashiki kwela chitutu chaKipirosi hichikumwekana, hitukuchibakila kuchikasa chachimunswa, hitukuyaŋa tuhu muwatu kuSiriya. Hitukushika kuTira, tufuma nimuwatu; muloŋa kwenoku diku kwakeŋeli kuloŋololawu yuma yadiŋi muwatu.
4Chitunawani atumbanji, hitukulabila kwenoku mafuku atanu nayedi. Wenawa hiyakumwila Pawulu mudi Spiritu nawu bayi akadata mwendu muYerusalemaku.
5Chinamani mafuku owu, hitukunyamuka nakuya munjila yetu; akwetu ejima, niaŋodijawu nianyanawu, hiyakututwalaku munjila yetu. Chitunafumi muŋandoyu, hitukufukama kuchikumu chakaluŋalwiji nakulombela.
6Chitunadishaliki chachiwahi, hitukuya cheŋi muwatu owu, wena afunta nikumatalawu.
7Chitunakumishi njila yetu yamuwatu yakufuma kuTira, tushika nikuTolemayi. Hitukuyimusha anakwetu, tujiŋilaku niifuku dimu.
8Chikunachi hitukunyamuka, tushika nikuKesareya. Kwenoku hitukwiŋila mwitala damukwakushimuna nsaŋu yayiwahi, Fwilipu, diyi wadiŋi wanawa ankwashi atanu nayedi atondeluwu; hitukushakama nindi.
9Yenowu iyala wadiŋi nawanyanindi awambanda ajiki awana, aprofwetelaŋa.
10Chitunalabili kwenoku mafuku amavulu, kuYudeya hikukufuma kaprofwetu wumu, ijina dindi Agabusi.
11Hakwinza kudetu, hakutambula muya waPawulu, hakudikasawu kunyendu nikumakasa; hakwila nindi, Spiritu Wajila nindi, Dichi chakakasawu muntu wukweti muyiwu kudi aYudeya akuYerusalema; akamulubula kudi aJentili.
12Chitunatiyi mwenimu, etu nawakwetu akwenoku hitukumulembelela Pawulu, netu bayi akanduka kuYerusalemaku.
13Pawulu hakwakula nindi, Aka! Mudi nakudiladi? Mukumbalula muchima? Neteji kwami hela kunkasa, hela kukumina dakufwa kuYerusalema, #5:41; 9:16; 20:24kukoola ijina daMwanta Yesu.
14Chaneliyi kumulekesha kwonti kwindi, hitukumwena netu, Eli muchima waMwanta.
15Mafuku alondelumu, hitukuloŋeja yuma yetu, tukanduka nikuYerusalema.
16Hitukuya nawakwetu atumbanji akuKesareya, nimuntu wumu wakuKipirosi, ijina dindi Manasoni, kambanji wamukulu itukukeŋa kushakama nindi.
Pawulu hakushika kuYerusalema
17Chitunashiki kuYerusalema, anakwetu hiyakutiya kuwaha kututambula.
18Chikunachi hitukuya naPawulu kwaYakoba; kwadiŋuwu niakulumpi ejima.
19Chanayimushiyi, hakuyishimwinamu mwejima mwakoŋeliyi Nzambi mukachi kawaJentili kumudimu windi, hachuma hachuma.
20Wena chanachitiyuwu, hiyakulemesha Nzambi. Hiyakumwila nawu, Eyi manakwetu, wunamoni chanakuhweleluwu aYudeya makombakaji namakombakaji; wejima wawu asweja ŋovu yakudijilika nanshimbi jawu.
21Nsaŋu yeyi yatiyakana dehi, anatiyi nawu wataŋishaŋa aYudeya ejima ekala mukachi kawaJentili, neyi ambuki naMosi. Nawu wayitaŋishaŋa neyi bayi aalamishaŋa anyanawu, hela kwenda mwaya yijila yaMosuku.
22Tukwila ŋahi dinu? Chalala izaza keŋa ditiyi nawu wenza dehi.
23Dichi ilaku mutukukuleja. Tukweti amayala awana anadishiilumu dehi;
24twalaku wenawa wudijiliki nawu hamu, wuyikwashuku kufweta kulonda atewuli nyitu yawu. Mwenomu antu ejima eluki nawu nsaŋu yeyi yanayilejuwu yakutwamba; komana eyi aweni wendaŋa chachiwahi mwaya nshimbi.
25Hakwila hansaŋu yawaJentili akuhwelela dehi, #15:19-20, 29twasonekeli dehi. Twaketwili dehi netu aleki yuma yakupesha nachu ankishi, nimashi, nianyama akushotomona, niwujila.
26Pawulu hakutambula wenowu amayala; chikunachi hakudijilika nawu hamu, hakwiŋila muTembeli kulonda aleji mwakamanina mafuku akudijilikila; hakayikwashayi namulambu wawu wejima wawu.
Kumukasa Pawulu
27Chaneluwu mafuku atanu nayedi hiyakuya nakumana, aYudeya afumini kuAsiya, chanamonuwu Pawulu muTembeli, hiyakusaŋumuna izaza dawantu dejima, amukwata nikumukwata.
28Hiyakubilela nawu, Enu akwetu amayala aIsarela, tukwashenuku! #6:13Yeniwu diyi iyala wataŋishaŋa antu ejima kwejima, nakutuŋula niaIsarela ninshimbi niTembeli iyi. Nabombeluku chuma chikwawu nawa, neŋiji aGriki muTembeli; najiloli dehi munu mwajila.
29Muloŋa henohu amumona dehi muŋanda hamu nakaEfwesesa, Trofwimusa; anatoŋojoki nawu Pawulu namwiŋiji muTembeli.
30Ŋanda yejima yivwakuka niipumba; antu hiyakupompa lufuchi, hiyakumukwata Pawulu, hiyakumukokela hanzi yaTembeli. Enzela niyenzelu hohenohu.
31Heliluwu hiyakukeŋa kumujaha, nsaŋu oyu yishika nikudi mukulumpi wamashidika ikombakaji (1,000), nawu Yerusalema yejima yavwakuka dehi kwepumba hohu.
32Hakusenda mashidika niakulumpi jawu hohenohu. Hiyakukunkumukila lufuchi kudi wena; chanamonuwu mukulumpi muneni wamashidika nimashidika, aleka nikumweta Pawulu.
33Mukulumpi muneni wamashidika hakwinza kwakwihi, hakumukwata, hakuyila nindi #v11; 20:23mukasenu #Efw 6:20; 2 Tim 1:16; 2:9namaleŋi ayedi. Hakwihula nindi, Yeniwu hinyi? Neli ŋahi?
34Ámwizaza amakwawu hiyakubideka chuma chimu, amakwawu nawa chuma chikwawu. Chanabuliyi kwiluka chakashinshi nepumba dadiŋuku, hakuyileja nindi mutwalenu mwitala damashidika.
35Chanashikuwu kuwukandaminu, hiyakumweleka Pawulu kudi mashidika, nanochu chaswejeluwu antu kuzuwa.
36Muloŋa izaza dawantu hidikuyilondela nakubideka nawu, #Luk 23:18; Yow 19:5Waadi! Waadi!
Pawulu hakuhosha namukulumpi wawamashidika
(9:1-22; 26:9-18)
37Hakeŋeluwu kumwiŋija mwitala damashidika, Pawulu hakumwila owu mukulumpi muneni, nindi, Wukuŋiteja chuma chimu? Yena nindi, Komana wahoshaŋa idimi daGriki?
38Ami nami kwiji yeyi kaEjipitu wafumbili njita mafuku awa adiŋuku, watweli atupondu makombakaji awana (4,000) muchinkalampata.
39Pawulu hakwakula nindi, Ami yami kaYudeya wakuTarusa muSilisiya, nimwiniŋanda yalema. Nakulembeleli nami aŋiteji mwani nihoshi nawantu.
40Chanamwitejiyi, Pawulu hakwimana hawukandaminu, hakuyolwela antu chikasa kwiwulu; chanamwenuwu chacheni nzo-o, hakuhosha nawena mwidimi daHeberu.
Currently Selected:
Yililu 21: MWW04
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
