Yililu 2

Kwinza kwaSpiritu Wajila

1Chelili ifuku #Lev 23:15-16daPentekosta dinashiki dehi chikupu, wejima wawu adiŋi hamu mwomumu.

2Kukasumuka mwiwulu himukufuma lushindu ludi neyi lwampepela yikukunka naŋovu yasweja nankashi, hilukwinzesha itala dejima mwadiŋi nakushakamawu.

3Hikukuyimwekena nyizuzu yakesi yidi neyi madimi; yambukili nakushakama hadi wena wejima wawu, hamuntu hamuntu.

4Wejima wawu #4:8, 31; 6:3, 5; 7:55; 9:17; 13:9, 52; Luk 1:17hiyakwinzala naSpiritu Wajila, hiyakutachika kuhosha #Mak 16:17; 1 Kor 12:10-11; 14:21madimi acheŋi, mwomwayinkeleluwu kudi Spiritu kuhosha.

5Henohu kuYerusalema kunashakami aYudeya, amayala akweti kalemesha kakulemesha Nzambi, anafumafumi kwahita nyunza yamunu mwishina yejima.

6Chinatiyakani olu lushindu, izaza dawantu hidikupompa, hiyakukumina dakuhayama nikutiya woma, nanichi chadiŋi nakuyitiyawu nakuhosha wejima wawu, iwu mwidimi dindi, iwu mwidimi dindi.

7Wejima wawu hiyakukasumuka nikuhayama chikupu nawu, Talenu, awa akuhosha, wejima wawu hiyaŊaliliyaku?

8Indi tudi nakutiya ŋahi, wejima wetu hamuntu hamuntu, iwu mwidimi dindi dachisemwa, iwu mwidimi dindi dachisemwa?

9AParatiya nawaMediya, niaElamiti nawantu ashakama muMesopotamiya, nimuYudeya, nimuKapadosiya, nimuPontu, nimuAsiya,

10nimuFwirijiya, nimuPamfwiliya, nimuEjipitu, nikumutamba waLibiya kwakwihi naKireni; nawantu anafumi kuRoma, aYudeya nawánabalumuki kwikala aYudeya;

11niaKereta niaArabiya; hitukuyitiya nakuhosha mumadimi etwetu aweni nakutena nyidimu yaNzambi yaŋovu.

12Hiyakukasumuka wejima wawu nikujinoka chikupu; hiyakudihula muntu namukwawu nawu, Ichi chaya mudihi?

13Ilaŋa amakwawu hiyakuseha nawu, Anasheti dehi vinyu yayiha.

Petulu hakuhosha nezaza

14Petulu hakwimana chimu nekumi nawumu (11), hakubidika nakuyileja nindi, Enu akwetu aYudeya, ninenu ejima mwashakama muYerusalema, leka niyileji chachiwahi mwiluki; ntiyililenu munukuyileja.

15Nami wenawa hiyanasheti neyi chimudi nakutoŋojokaku; kutoŋa ifuku dichidi mpinji yamuchisatu (09:00 hrs) hohu.

16Chuma chimunamoni, chochuma chateneni kaprofwetu Yoweli,

17nindi,

# Yoweli 2:28-32 Nzambi nindi, Chakela hamafuku akukuminina,

# 10:45; Isa 44:3; Yow 7:37-39 Nakechila yaSpiritu wami hadi antu ejima;

Nianyanenu amayala nawambanda akaprofweta,

Anyikwenzi enu akamona yimwenu,

Mapalenu amayala akalota yilota.

18Mwamweni, nihadi anduŋu jami amayala nawambanda nakechila Spiritu wami

Hamafuku akalondelamu, akaprofweta.

19Nakamwekesha yuma yakuhayamisha mwiwulu haluzwizu,

Niyinjikijilu hamaseki mwishina;

Mashi nikesi nikufwinda wishi.

20Itaŋwa dakabalumuka mwidima,

Nikakweji kakabalumuka neyi mashi,

Hamba kakeŋa kwinza ifuku daMWANTA datiyakana deneni.

21Chakela, #Rom 10:13muntu wakatambika ijina daMWANTA wakamwinewa.

22Enu akwetu amayala aIsarela, tiyenu niyileji, nami Yesu wakuNazareta, iyala alemesheluwu kudi Nzambi nanyidimu yaŋovu, niyihayamisha, #Yow 3:2niyinjikijilu yeliliyi Nzambi nayena mukachi kenu, neyi chimuneluki dehi enu aweni;

23Nzambi wayinkeliyi mwaya mpúŋa yindi, #1 Pet 1:20chakwilukaŋahu dehi, ilaŋa enu mwamupopeleli hakulusu namakasa awantu atama, nakumujaha.

24Nzambi chanamusubuliyi mumakabi akufwa, hakumusaŋula; muloŋa kufwa hikwadiŋi naŋovu jakumukakelaku.

25Muloŋa anamuteni dehi kudi Davidi nindi,

# Mas 16:8-11 Namweni MWANTA kumesu ami mafuku ejima;

Wudi kuchikasa chami chachidiilu, kulonda jibuli kunkuma.

26Dichi muchima wami hiwukutiya kuwaha,

Niidimi dami hidikutena nsaŋu yakuluŋa,

Eŋa, mujimba wami hiwukushakama nakuchiŋeja.

27Muloŋa hiwakanshiya mukaluŋaku,

Hela kumwiteja weyi wajila kumona kutokaku.

28Wakanleja njila jawumi;

Hakushakama kumesu eyi wukunzaŋalesha chacheni.

29Enu anakwami, leka niyileji nsaŋu yankakulula Davidi, nami wafwili dehi, amujiikili dehi, ijamu dindi twekala nadu nilelu.

30Dichi chadiŋiyi kaprofwetu, nichelukiliyi nindi Nzambi nasanyiki dehi nakukana, nindi kudi anyana akavwalayi wakashakamisha wumu hetanda dindi #2 Sam 7:12-13; Mas 132:11dawanta;

31chumichi yena wachimwenaŋahu dehi, hakutena nsaŋu yakusaŋuka kwaKristu kwamudi afu, nindi hiyamushiyili mukaluŋaku, hela mujimba windi hiwamweni kutokaku.

32Yeniwu Yesu Nzambi wamusaŋwili mukufwa, wejima wetu tunachimoni namesu.

33Dichi chanamutúmbakeshuwu dehi nakumusha kuchikasa chaNzambi chachidiilu, chanatambuliyi dehi kudi Tata Spiritu Wajila #1:4; Yow 7:39; Ŋal 3:14akaniniyi, yena nechili yumiyi yimunamoni nikutiya.

34Muloŋa Davidi hakandamini mumawuluku; ilaŋa yomweni nahoshi nindi,

# Mas 110:1; Mat 22:41-46 MWANTA wamwilili Mwanta wami,

35nindi, Shakamaku kuchikasa chami chachidiilu

Nichinakayilisha akwankunyi neyi itanda dakunyendu yeyi.

36Dichi enu akwamutaŋa waIsarela ejima, ilukenu kwenu chalala, iwu Yesu mwápopeleli hakulusu, Nzambi namubalumuni dehi kwikala niMwanta diyi, niKristu diyi.

37Chanatiyuwu mwenimu, atapika nimunyichima yawu. Hiyakuyila aPetulu nawapostolu amakwawu nawu, Enu anakwetu, tukwila ŋahi?

38Kuchinka Petulu nindi, #3:19; 5:31; 20:21; Luk 24:47Balumukenu munyichima yenu, #8:12, 16; 22:16ayijimiki wejima wenu mwijina daYesu Kristu, kulonda kuyanakena nshidi jenu; mutambuli chamukunkulu chaSpiritu Wajila.

39Muloŋa diyi #Isa 44:3; 54:13; Rom 9:4ayikanawu dehi ninenu nianyanenu, niantu ejima ekala #Efw 2:12-13, 17kwakulehi, ejima #Yoweli 2:32akatambikawu kudi MWANTA Nzambi yetu enzi kudi yena.

40Hakuyishimwina nakuyishinjila chikupu namazu amakwawu amavulu nindi, Pulukenu kudi antu #Fwi 2:15achisakichi chaheŋa.

41Dichi wena átambwili mazu indi namuzaŋalu, hiyakuyijimika; ifuku denodu hiyakubombelaku antu kafwampi neyi makombakaji asatu (3,000).

42Hiyakukakela mbe muntaŋishilu yawapostolu, nimukukundaŋana nimukuhumuna dinkendi, nimukulombela.

43Antu ejima atiya niwoma. Apostolu hiyakwila yihayamisha yayivulu niyinjikijilu.

44Owu ejima akuhweleli, hiyakudibomba hamu; niyuma yawu yiikala niyebomba.

45 # 4:34 Hiyakulandisha mahetawu niyuma yawu, hiyakwanjaŋena akwawu ejima mwabulililuwu.

46Hiyakukakela kupompa muTembeli hefuku hefuku, namuchima wawu wumu, nakuhumuna dinkendi mumatalawu, nakutiya kuwaha, nakudyaŋana.

47Hiyakuhameka Nzambi namuchima wawuwahi. Hiyakuyimona #5:13kuwaha kudi antu ejima. Mwanta #5:14hakubombelaku hefuku hefuku awa adiŋi #1 Kor 1:18nakwamwinewa.

Currently Selected:

Yililu 2: MWW04

Highlight

Copy

Compare