Popular Bible Verses from Yililu 2

Share

Kuchinka Petulu nindi, Balumukenu munyichima yenu, ayijimiki wejima wenu mwijina daYesu Kristu, kulonda kuyanakena nshidi jenu; mutambuli chamukunkulu chaSpiritu Wajila.

Hiyakukakela mbe muntaŋishilu yawapostolu, nimukukundaŋana nimukuhumuna dinkendi, nimukulombela.

Wejima wawu hiyakwinzala naSpiritu Wajila, hiyakutachika kuhosha madimi acheŋi, mwomwayinkeleluwu kudi Spiritu kuhosha.

Kukasumuka mwiwulu himukufuma lushindu ludi neyi lwampepela yikukunka naŋovu yasweja nankashi, hilukwinzesha itala dejima mwadiŋi nakushakamawu. Hikukuyimwekena nyizuzu yakesi yidi neyi madimi; yambukili nakushakama hadi wena wejima wawu, hamuntu hamuntu. Wejima wawu hiyakwinzala naSpiritu Wajila, hiyakutachika kuhosha madimi acheŋi, mwomwayinkeleluwu kudi Spiritu kuhosha.

Hiyakukakela kupompa muTembeli hefuku hefuku, namuchima wawu wumu, nakuhumuna dinkendi mumatalawu, nakutiya kuwaha, nakudyaŋana. Hiyakuhameka Nzambi namuchima wawuwahi. Hiyakuyimona kuwaha kudi antu ejima. Mwanta hakubombelaku hefuku hefuku awa adiŋi nakwamwinewa.

nindi, Nzambi nindi, Chakela hamafuku akukuminina, Nakechila yaSpiritu wami hadi antu ejima; Nianyanenu amayala nawambanda akaprofweta, Anyikwenzi enu akamona yimwenu, Mapalenu amayala akalota yilota.

Owu ejima akuhweleli, hiyakudibomba hamu; niyuma yawu yiikala niyebomba. Hiyakulandisha mahetawu niyuma yawu, hiyakwanjaŋena akwawu ejima mwabulililuwu.

Chakela, muntu wakatambika ijina daMWANTA wakamwinewa.

Itaŋwa dakabalumuka mwidima, Nikakweji kakabalumuka neyi mashi, Hamba kakeŋa kwinza ifuku daMWANTA datiyakana deneni.