Yililu 19
19
Pawulu kuEfwesesa
1Helili Apolosi wudi kuKorinda, Pawulu hakuhita mwituŋa dakundundamu, hakushika kuEfwesesa, hakuwana atumbanji amu.
2Hakuyihula nindi, Enu chimwakuhweleleli mwatambwili Spiritu Wajila? Hiyakumwila nawu, Nehi, hitunatiyi nawu kudi Spiritu Wajilaku.
3Yena nindi, Indi ayijimikili nachijimikilu chanyi? Nawu, Nachijimikilu chaYowanu.
4Pawulu hakwila nindi, Yowanu wajimikilaŋa nachijimikilu chakubalumuka mumuchima; walejelaŋa antu nindi akuhweleli owu wukumulondela munyima, yowu Yesu.
5Chanatiyuwu mwenimu, hiyakuyijimika mwijina daMwanta Yesu.
6Pawulu chanayinaŋikiyi makasindi, Spiritu Wajila hakwinza hadi wena; hiyakuhosha madimi acheŋi nakuprofweta.
7Kuyichinda wejima wawu, adiŋi amayala neyi ikumi nayedi (12).
8Pawulu hakwiŋila mushikola, hakuhoshaŋa chakadi woma mwahita tukweji tusatu, nakudihujola nikutadika nakuyishinjila mwaya nsaŋu yawanta waNzambi.
9Chanadikaŋuwu amakwawu, kwonti kwawu kwovwahila, hiyakutena Njila chatama, iku izaza dawantu ditiyaŋa, Pawulu hakufuma kudi wena, hakufumishaku atumbanji, hakutaŋisha nakudihujola nawu mushikola yaTiranusa hefuku hefuku.
10Welilaŋa mwenomu nyaka yiyedi, chakwila aYudeya nawaGriki ejima ashakama muAsiya hiyakutiya izu daMwanta.
11Nzambi wakoŋelaŋa nyidimu yaŋovu yacheŋi chikupu kumakasa aPawulu.
12Ákata ayitwelelaŋa hela yitambala hela mahina akufuma kumujimba windi, nyisoŋu yawu hiyikuyifuma, niaspiritu atama hiyakuyifuma.
13Hakwila aYudeya amakwawu, akwakutambatamba, akwakufumisha andemoni, hiyakukwata ŋovu jakutenena antu akweti aspiritu atama ijina daMwanta Yesu, nawu, Tunayisanyikishi mwijina daYesu ashimunaŋayi Pawulu, netu fumaku.
14Mukulumpi wawatupristu wumu ijina dindi Seva, kaYudeya, wadiŋi nawanyanindi amayala atanu nayedi elilaŋa mwenomu.
15Spiritu watama hakuyakula nindi, Yesu namwiluki, Pawulu nawa namwiluki, ilaŋa enu yenu anyi?
16Owu iyala wukweti spiritu watama hakuyimotokela, hakujama nawu; ayimika nimushindu wejima wawu, hiyakutemoka mwitalodu nzekesi, ayikatisha dehi.
17Chumichi hichikutiyakana kudi aYudeya nawaGriki ashakama kuEfwesesa ejima; wejima wawu hiyakutiya woma, ijina daMwanta Yesu ditoha nikutoha.
18Chanakuhweleluwu antu amavulu, hiyakwiteja mwatamishiluwu, nikushimuna mweliluwu.
19Amakwawu amavulu élilaŋa tufuta twacheŋi natwacheŋi, hiyakupompesha nyikanda yawu nakuyochela hatooka; kweseka wuseya wanyikandoyu kumona wunashiki mumali asiliva makombakaji makumi atanu (50,000).
20Dichi #6:7; 12:24izu daMwanta hidikukula nikwimika mushindu.
21Kulondela hayumiyi, Pawulu hakutoŋojoka mudi Spiritu nindi, Neyi nahiti dehi muAkaya nimuMasidoniya, nakaya nikuYerusalema; chinakela nayi dehi kwenoku, chiŋa nimona #Rom 15:24, 28kuRoma nawa.
22Chanatemeshiyi muMasidoniya ankwashi jindi ayedi, iwu Timotewu, iwu Erasitusi, yomweni hakulabila muAsiya mafuku amakwawu.
Ipumba dandombu muEfwesesa
23Hamafuku wowenowu hikukuvulumuka ipumba dadeni hansaŋu yaNjila.
24Muloŋa iyala wumu, ijina dindi Demeterusa, muchiji wasiliva, wachililaŋa ankishi jaDiyana jasiliva, hakuheteshaŋa ankoŋi maheta amavulu.
25Hakupompesha ankoŋi owu, hamu nawakwawu akoŋelaŋa mudimu wowumu, hakuyila nindi, Enu akwetu, mweluka nenu kumudimu iwu diku kutwahetelaŋa.
26Munamoni, munatiyi, hikuEfwesesa hohuku, ilaŋa kunashali kwanti nakwila mwahita Asiya mwejima, iwu Pawulu wakanjikija dehi antu amavulu, nakuyibalumuna munyichima yawu, nindi #17:29; 1 Kor 8:4; 10:19; Kuhit 4:28; Mas 115:4-8ankishi jakutuŋa namakasa hidiwu anzambuku.
27Chuma chitukukeŋa kumona kukala, chakwila mudimu wetu iwu keŋa awudiwuli; himwenomu hohuku, tembeli yambala yamukishi wamumbanda walema Diyana, keŋa yisawuki. Kudi chuma chikwawu nawa, wanta windi waweni walemeshaŋawu muAsiya mwejima, chalala hela mumpata yamunu mwishina yejima keŋa wili chimwaŋaji.
28Chanatiyuwu mwenimu, nyichima yawu hiyikukuma mbe nakuzuwa; hiyakuvwakuka nawu, Diyana wawaEfwesesa muneni!
29Ŋanda yejima yiluwaŋana nikuluwaŋana; hiyakulotokela mwibulu dawu deneni namuchima wawu wumu, anakwati dehi aGayusi naArisitaka, amayala akuMasidoniya akwakwenda naPawulu.
30Cheliliyi Pawulu nindi eŋili mwibulu mwanapompeluwu antu, atumbanji kumwiteja nehi.
31Atulamba amakwawu akuAsiya, adiŋi amabwambu jindi, hiyakumutemeshela izu dakumulembelela nawu, Bayi weseka kwiŋila mwibuluku.
32Amakwawu hiyakubideka chuma chimu, amakwawu chuma chikwawu; muloŋa chipompelu chejima chaluwaŋana dehi, amavulu nikwiluka nsaŋu yanapompeluwu nehi.
33Hiyakufumisha Alesanderi mwizaza dawantu, aYudeya hiyakumusha kumbidi. Alesanderi hakweseka kuyimwenesha nachikasa chindi, nindi akwati kukulumbulwila antu nsaŋu oyu.
34Ilaŋa chanelukuwu nawu hikaYudeya, hiyakuvwakuka wejima wawu izu dawu dimu hohu, mwahita mpinji jiyedi, vwakuke-e, nawu, Diyana wawaEfwesesa muneni!
35Nsoneki waŋandoyu chanamweneshiyi izaza hakwila nindi, Enu akwetu amayala aEfwesesa, hadi muntu wayamba ŋanda yawaEfwesesa chiyahembaŋa tembeli yaDiyana muneni, nimukishi waholokeli kwiwulu kudi Zewusi, tahindi?
36Chineli yumiyi, kwosi muntu natweshi kutadika mwokuku, komana enu mwadi kumwena, himwadi kunyakala kwila chumaku.
37Munaleti kunu awa amayala anabuli hela kwiya yuma yamumatembeli, hela kutena chatama mukishi wetu wamumbanda.
38Dichi Demeterusa nawantu akoŋelaŋa mudimu wowumu, neyi akweti nsaŋu yakudiholokela, yota yidi kwoku, ansompeshi adi kwoku, adiholokeli kwawu.
39Ilaŋa neyi munakeŋi kuhosha nsaŋu yacheŋi, akuyisompeshela muchota chawakulumpi awantu ejima chalumbuluka.
40Muloŋa keŋa tumoni muloŋa nansaŋu yandombu yalelu; neyi twakamona mwenomu, hitwakatwesha kulumbulula chachiwahi nsaŋu yitunapompeluku.
41Chanahoshiyi mwenomu hakumwaŋa chipompelu ochu.
Currently Selected:
Yililu 19: MWW04
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
