1 Tesalonikə 5
5
1Daw ba mba, cu kə sin kədan namba wây' ɗerwa hay' ri wa dan bəka ko ri məni kwa məni kuni wə də gi nə mi. 2Zə hi we kə tu ri si njeŋe: Bəka mbə Bârî də mbə kəri məni sôwâ cu ɗik dan wa rum mi, ce' ndə hura wə mbə kə dukri. 3Kəri məni sôwâ də ini: «Kwa daŋ' gay' heɓ ɓay cik cu mi», kəri rum boni də mbə wa nday, boni rum də mbə wa nday ga'ri ce' ndə boni wə mbə wa ma məti wə vra' ɓay handay cu gak siɗ du rum kpe mi. 4Ama mə hi, daw ba mba, hi cu gay' wə ri mə ura' mi, zə rum bəka rum cu gak mbə wa ri ɓok ce' ndə hura wə mbə ɓok wa sôwâ mi. 5Hi daŋ', hi daw ri mə ɓu, ɓay hi mə fəta: Namba cu daw ri mə ura', ko mə dukri məta'a. 6Zə rum, say mə nde sen ce' ndə sôwâ məsin mi, zawa mə gay' kə i ɓay mə ji tu mba hay' gal kə sum mi. 7Sôwâ wə nde sen kə dukri, ɓay sôwâ wə gal kə sum kə dukri. 8Ama mə namba, namba mə fəta, ɓay say mə tak tu mba hay' gal kə sum mi, say mə ve Ifray ɓay bə num, ɓay mum mba rigin, ce' ndə mbraw vunduk wə rigin tu sum zi, ɓay mə njay vunduk mba wa Bə Siɗ mba, ɓay mum mba rigin, ce' ndə njukwa njike wə rigin wa sum zi. 9Ifray cu da' mba kədan mum tle bak kə mba mi, ama kədan mum mba siɗ kə Bârî mba Zezu Kris, 10məni mar zə mba, kədan ko namba la' kə i, ko namba la' mar, namba də ke kə rum kəri məni mum wə də mba. 11Zə rum, i jeŋ vunduk ne kə nji mbok nji, ɓay i kawɓa nji mbok nji ce' ndə məni hi wə gi mgbaŋ ni na.
Ndo' vun dlay kə kaw jeɓe
12Daw ba mba, namba wə mi o, i mbâ sôwâ məni wə gi sin du ri, Bârî da' nday kədan handay ta' vari kə mi hara. 13I mbâ nday kə nday bə ɓayrum zə sin məni handay wə gi. I gay' heɓ mbok ri.
14Daw ba mba, namba wə mi o: I har sum ndal, i jeŋ vunduk ne kə sum wəlok, i kawɓa sum tətâ, ɓay i reɗ vunduk ri wa sôwâ daŋ'ŋ. 15I kaw wa ri kədan swə ɗaw du ri nə po' kwa mə bro' kə kwa mə bro' mi, zawa, kəri daŋ' i keɓ kədan i gi sin mə ɓay du ri ɓay hay' sôwâ daŋ'ŋ.
16I tuk kəɗam bəka daŋ'ŋ. 17I in dan kə Ifray kə ri daŋ'ŋ. 18I gi soko ne kə Ifray kə ri daŋ', Ifray wə wa' i i gi ndəna' wə du ɓa mi kə Zezu Kris.
19I tak sin məni Simbeɗ Ifray wə wa' kədan mum gi nə mi, 20i jeɗ dan Ifray məni wə ka' nə mi. 21I kənji' kwa daŋ'ŋ: I ve kwa mə ɓay, 22ɓay i ji tu ri hay' kwa mə bro' daŋ'ŋ.
23Namba wə wa' i Ifray məni wə ne heɓ ne kə sôwâ nə gi ni faŋ mə mum cet, ɓay nə ji nyî ri, kə simbeɗ ri, ɓay tu ri daŋ' dan dan mə bro' hâ day bəka məni Bârî mba Zezu Kris wə də mba. 24Swə məni ɗe ni, mum də gi kwa rum zə mum njeŋe.
25Daw ba mba, i in dan kə Ifray zə mba ta'a.
26I kaw jeɓ daw ba mba daŋ' kə ba.
27Na wə mi o kə semɗe Bârî: I in ɗerwa məni nə kor daw ba mba daŋ'ŋ.
28Na wə wa' i ɓay Bârî mba Zezu Kris nə ke kə ri.
Currently Selected:
1 Tesalonikə 5: KMN
Highlight
Share
Copy
Want to have your highlights saved across all your devices? Sign up or sign in
Le Nouveau Testament et Psaumes en Peve © Alliance Biblique du Tchad, 2014.
