Roma 13

Mènkristô mbwe ghatô ngô

1A bwô ndù mba we lo fà wut nsi mbwe ghatô ngô. Nummbe sàm netô ke bwe z'a ke' fe à Nsi là; ghatô ngô tse bo be là, Nsi bèn njab yube, 2ndùlala mèn z'a bù' wul i nsi mbwe netô là, ta tu mbwe nu ze Nsi na' njab là; tshen ghatatu là nsi soṅte nevù ntsha num tu wut tshobe. 3Nummbe bo ke' yab fenfen à ndù mèn bwôg yub num numebwô, là num nukebwô. O kô nebe ke bwôg ngatô ngô ké? Ghù numebwô, a nsi nyàmt'o! 4A b'a ngafa' Nsi num yu numebwô. Là, a be z'o ghù nukebwô là, o vètte! Nummbe a ke' ke ntshùb ṅwi à banban. Nummbe a b'a ngafa' Nsi, a be njagte mba' ngaghù nukebwô num nela'te Nsi. 5A ndùlala, a bwô nefà wut nsi, ke b'a ntùm nebwôg yantù, là mba nze ntù kô là. 6Nummbe #Mat. 22.21; Mark. 12.17; Luk. 20.25a b'a num ndùlala ze bin ke mfà ntshub là; nummbe bo b'a ghafa' Nsi tse bo be nkagtùn num sen fa' là là. 7Bin fà ju ze njoṅ benntùn fa ku'ni nekwé bin nà bo; mfà ntshub ngakwé ntshub, mfà ju fé' ngakwéfé', mbwôg mèn z'a bwô ndù bin bwôg i là, ngamte mèn z'a bwô ndù bin ghamt'é là.

Mb'a bwô ndù mènkristô ghù nkôni là

8Kà bin faṅ njo mèn bam bin, k'a ke nda' nkôni bin bin; nummbe mèn z'a num nkô mo' mèn nà, ghù ntshù' bumte. 9Nummbe #Netu. 20.13-15,17; Neb. 5.17-19,21; Lev. 19.18men ntshù' li: Kà ghù màndà, kà zwi mèn, kà yi tshô, kà ghe'te, mba memo' ntshù' tamte mb'a ntùm men ntshob li ndù: Kô mèn z'a ghebte mbaṅ o là mba tu wul o là. 10Nkôni ke' be ghù sàm nukebwô num mèn z'a ghebte là. Ndùlala, nkôni b'a mbumte ntshù'.

Mènkristô b'a mèn nka'

11Bin ghù ndùlala, mba bin lèn yen ngelaṅ ni là, ndèn ndù nyam nelo num miaglo ku'u; nummbe yôg ghebte mbaṅ ben ntshùa ngelaṅ ze bag à bin na' nto' nebam nà. 12Tèttswe' à tôge, mbwôgtshù à ghebte. Ndùlala bag à bin sô mfa' njame, ma' tshu ntsho nka' num be. 13Bag à bin zin mb'a bwô là, mba bon mbwôgtshù là, ke b'a ntùm neyôg yôg kebwô ke yôg ngùa lo, ke b'a ntùm nediag ntsha, ke ghe'te lo, 14là bin ma' Tshùaben Yésu Kristô num bin, ke fa' mbàb wut ghe'te tse.

Currently Selected:

Roma 13: BMa

Highlight

Copy