Rm Mejô y'atata'a
Mejô y'atata'a
Kalate Berômeñ a nga tiliban asu bebuni Krist ya Rôme. Nsamba bebuni ôte ô mbe fufulu, Beyude a meyoñe bikuu.
Ntili kalate nyô a ne Paul, nyô bia yem aval ane kalate Mimboone Minlôman a liti bia nye. Nyô a nga kpwe'ele keké Yésus, a su'ulane kôñelane nlem (Mm 9). Mvuse ya nkôñelane nleme wé, a nga lobane be Nti Yésus a bo nlômane ya kate Mbamba Foé e be meyoñe bikuu (Rm 1:1)
Paul nye a nga kobô mame mese me ne ntilane kalate été, ve a nga belane Tertius ane ntilimame wé (Rm 16:22). Befase kalate Zambe abui ba kañese na Paul a nga tili nye a too Koréñt e nda Gaius, bebé mimbu 56–58.
Mame Paul a nga tili kalate Berômeñ été
1. A liti aval avé nsemane mingume mi bôt ô nji bo e be Zambe aval ane zañe Beyude a meyoñe bikuu. Bebaane be ne ayaa dé e si (Rm 1:1–2:29).
2. A liti na, amu bese be ne ayaa Zambe si amu abé, bese ba ye fe lañebane zôsôô ve a zene mbunan (Rm 3:1–4:25).
3. Bôte bese be ve Krist Yésus akéva, amu mbunane ya buni nye, ba bobane belo be zôsôô, saa fe belo b? abé (Rm 5:1–6:23).
4. Amu Krist, bebuni ba wu mfa'a metiñ, ve ba boban bevevee a ngule Mfufube Nsisim baa be Krist.
5. A liti nyiane Beyude a zene mbunan, amu nkoon éngôngole Zambe, a beta mvame wé (Rm 9:1–10:21).
6. A liti ntyéndane mbuni a yiane tyendé mvuse nyiane wé, amu mvame Zambe a zene mbunan (Rm 12:1–13:14).
7. Nye'an a mfulane minlem bia yiane yené e zañe bebuni a zene nyoñan a njibane beebe.
8. Asu'ulan, a mebatane a batane bebuni a bemvôé abui, a tu'a fe lebe be, be sa'ale bedu'u bôt, a ba ba wosane ñye'elane wé.
9. Nlô Efia ya kalate Berômeñ ô ne na: Mbamba Foé Zambe, ngule ya nyii nyô ase a buni (Rm 1:16-17).
Currently Selected:
Rm Mejô y'atata'a: BDCB
Highlight
Copy
Compare
Share
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.