Rm 9
9
Israél ntobane Zambe
(Rm 10:1; Ga 4:22-31; Met 2:1-12; 25:21-26)
1E be Krist, ma kobô benyaa mejôô. Me nji laa minsos. Mone môte wome ya *nlem a ne ngaa nalé, e Mfufube Nsisim été. 2Me bili beta ôlun, a mintaé mi ne teke amané. 3Yaa, me nga ye yene mvaé ya bi biyo'é na mamiene me bo nkandan a Krist amu bobejañ, e ba ya ayoñe dam, mbialan e minsôn été. 4Mbe be ne Israél, benyoñe ngabe ya éto *bon, a étôtok a bilat, a mveane metiñ, a bisaé bi nkañan, a mengaka'a. 5E mbe bemvamba be ne émbap. Nne Krist a nga bialé mvoñe bôt éte mfa'a minsôn, nye ate a ne mbetane yôp a dañe jôm ése. Zambe a bo'o ébotane nnôm éto. Amen.
6Ve nalé a nji bo aval ane nge ajô Zambe da selan. Yaa, e ne été na, saa ba bese be ne mvoñe bôt Israél mbe be ne Israél. 7A na, mfa'a ya bo mvô'ô Abraham, bese be nji bo bone bé momo. E mvoñe bôt Izak nje ja lobane mvoñe bôte jôé. 8Nalé a ne na, saa ba be ne mbialane minsôn, mbe be ne bone be Zambe, ve ba be ne bone be ntiñetan, mbe ba lañeban ane mvoñ. 9Amu ngaka'a é mbe avale dina na: Aval éyoñe di, ma ye beta zu e be wo, a Sara a ye biaé mon. 10A saa ve abime te étam, ve nalé fe Rebeka a nga nyoñ abume dé e be Izak émvame jangan. 11Jame ya semé na, bone bete be ngenane te bialé, nge tame bo mvaé nge *abé, ve mbôle ya na, fe'e Zambe é tabe, fe'e jé éte nje é nga taté yené, amu fili ntobane wé. A ntoban ôte, ô nji timbi amu mimboon mi mam, ve amu nyô a loon. 12E nga jôbane be nye na: Ntôle wo ye tabe éjôé mone ya mvuse si. 13Aval ane e ne ntilane na: Me nga nye'e Yakob, a me nga ben Esô.
14Nde, bia ye jô aya, ye ékotekot é ne be Zambe? Teke bebé. 15Amu a jô Môze na: Ma ye mvamame nyô ma kômbô mvamane nye. A ma ye ko éngôngo e nyô ma kombô ko éngôngo. 16Ajô te a nji bo ajô nkômban, nge mveane ngule ya môt, ve ajô mvame Zambe. 17Nalé ate nye ntilane wo jô, mfa'a Faraoñ na, me nga telé wo, fo'o ve amu na, e ngule jam é yené a na, e jôé dam da ye katebane si ése. 18Ajô te, a mvamane nyô a kômbô mvamane nye, a bo e nyô a kômbô na a bi ayete *nlem.
Eto *nti Zambe. Israél a *zôsôô a so be Zambe
(Yer 18:1-6; Sam 145:17; Rm 11:22:30-36; Rm 10:3:16-21; 3:19-29; Ga 3:8-14)
19Môt a ye jô na, nge e ne nalé, a beta ve mekua amu jé? Za a ne ngule ya kange nkômbane wé' 20O ne za, wo môt, wo fetane Zambe? Ye Jôm é nga kômbane ja ye jô nyô a nga kôme je na, ô nga kôme ma ana amu jé' 21Nge na, ye mmé meviek a nji bo *nti ya mé a éte'e jé mevie'e mevok, e mam ma sili duma, e ma mevok, zesé meviek' 22Bi ne jô jé, nge Zambe a nga kômbô liti ayaa dé, a na be yeme ngule jé a nga jô'é mevie'e me ayaa, amu abui njibane dé, mme mete me mbe bebé ya jañ: 23nalé, amu na, bôte be yem abui étôto'o dé e be mevie'e me *mvam, e mme mete a nga naan, a kôm asu étôtok. 24Bia, bete a nga loon, saa ve ézezañe Beyude étam, ve nalé fe e be bikuu.
25Jame te nde a kobô anyu be Ozé na:
ayoñe bôt e nji bo éndam,
ma ye loone de na, ayoñe dam.
A nyô a nji nye'eban,
ma ye loone nye nyô ma kôme nye'e.
26A vôm e nga jôban e mfa'a wobe na:
mi nji bo bôte bam,
ba ye lobane na bone be vevea Zambe.
27Ezayi fe a yôtane na:
ja'ane tañe bone be Israél é nga ye bo abima nselek ya mañ,
*mebuka'a mme ma ye nyiiban.
28Amu Nti a ye tôé nkobô wé ôse a avôl ese *si nyô.
29Ajô te nde Ezayi a nga taté kulu mejô vôm a jô na:
nge Nti ya *minsamba mewosan a nga ye bo te li'i bia mvoñe bôt,
bi nga ye bo ane Sodom,
bi funa'ane Gomor.
30Nde bia ye jô aya? Ve na bikul, e bi bi nji tôñe *zôsôô, ve be nga nyoñe nye, e ne na, e *zôsôô a so amu mbunan. 31Ve Israél a nga jeñ *atiñ e mbe ngule ya ve nye *zôsôô, ve a nga tyame metiñ. 32Amu jé nalé? Amu be nji jeñe nye a mbunan, ve be nga buni na, be ne bo *zôsôô amu mba'alane metiñ. Ane be nga ku ako'o yôp, 33ane e ne ntilane na:
tame yen,
ma bôôé e Sioñ été,
ako'o ya kolé ôbak.
Ako'o da kpwe'é bôt.
Ve nyô a buni,
nye a ye bo te veban ôsone nyôl.
Currently Selected:
Rm 9: BDCB
Highlight
Copy
Compare
Share
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.
