Nlb 25
25
Bengunemelan e minje'ese ya Môab
(Nli 2:14; Dt 4:3-4; 1 Ko 10:8)
1Israél a nga too e Sitim; nde bôt be nga taté na ba bo bijabô a bengone ya Môab. 2Bengone bete be nga dutu bôte ya Israél na be ve bezambe ya si jap mimvean metuna'a. Bone b'Israél be nga nyoñe fe ngap e mindian mi nga boban asu bezambe bete, a kañe fe bezambe babe bete. 3A dañe dañe na Israél a nga nyoñe ngap nkañane ya kañe *zambe Baal ya Péor, ajô te Nti a nga yaa Israél.
4Ane Nti a nga jô Môze na: Nyoñe bivete bise y'ayoñ a tyelé bie yôp asu be Nti mi lôô jôp. Nalé ayaa Nti da ye kôlô be Israél. 5Nde Môze a nga jô betyi'i mejô y'Israél na: Môt ase ya be mia a wôék ba ya bôte bé be nga fulan a Baal ya Péor.
6Bone b'Israél be yônôk anyiine *nda éndelé bendôba'ane, ateme na fam éziñe ya bone b'Israél é nga zu é bili ngone ya Madian e be bobenyañ, Môze a lôô, ékôane bôt ése ya bone b'Israél é lôô fe. 7Eyoñ a nga yene jame te, Finéas, e mone Eléazar, e mone Aron *ntuni, a nga kôlô si ézezañe bôt, a nyoñ akoñe wo, 8a tôñe môte ya Israél ate e *nda éndelé jé été, a jii de bebaane, fam y'Israél a minga abume si. Eyoñe te ébubua é nga tebe e be bone b'Israél été. 9E bôt be nga wu ébubua be mbe toyini mewôm mebaé a ényin.
10Ane Nti a nga kobô Môze a jô na: 11Finéas e mone Eléazar, e mone Aron *ntuni a te vôôn ayaa dam e lôt Israéle yôp, amu a te kamane ma ézezañe jap; ajô te me nji fe mane jiane bone b'Israél ayaa dam été. 12Ajô te wo ye jô nye na ma bo nye mvean élate jam asu *mvo'é. 13Elate te ja ye bo e mfa'a wé a e mfa'a mvoñe bôte jé, ji ya ésaé betuni nnôm éto, amu a nga suñ *aban asu e Zambe wé a bulu nsem asu bone b'Israél.
14Jôé môte y'Israél a nga wôéban ba ngone ya Madian e mbe Zimri, e mone Salu; a mbe évete ya *nda bôte jia ya bone be Siméon. 15Eyôlé minga ya madian a nga wôéban é mbe Kôzbi, ngone Sur, évete ya abui mebume ya *nda bôt éziñe ya Madian.
Israél a yiane wôé bôte ya Madian
(Nlb 31)
16Ane Nti a nga kobô Môze a jô nye na: 17Bela'ane bôte ya Madian ane besiñ a wôé be; 18Amu be nga liti na be ne besiñe benan, amu be nga joñôlô mia éyoñ ajô Kôzbi, ngon évete ya Madian, kale jap, nye a nga wôéban e *môs ébubua é nga boban amu ajô Péor.
Currently Selected:
Nlb 25: BDCB
Highlight
Copy
Compare
Share
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.
