Lk 6
6
Sabat: bezôzô be fôn; E môt a mbe wo nkôt
(Mt 12:1-14; Mk 2:23 a kui 3:6; Lk 14:1-6; 13:10-17)
1E nga kui môse Sabat éziñe na Yésus a lôt e mefup. Beyé'é béé be nga bu'u fôn a di je éyoñe be maneya sile je mo été. 2Befarizieñ b'éziñ be nga jô be na: Amu jé mia bo e jam e nji bo nkañesane ya boban e môse *sabat' 3Yésus a nga yalane be na: Ye mi nji lañe jame David a nga bo, éyoñ a nga wô'ô zaé, émien a e bôte béé; 4aval avé a nga nyiin e *nda Zambe a nyoñe fembé é ne étyi, ve di je a ve je bôte bé, akôsa bo na betuni étam be mbe be bili nkañesane ya di je' 5A nga jô be na: Mona môt a ne masa *sabat.
6E nga beta bobane môse *sabat ôfe na: Yésus ve nyiin *aba Zambe, a nga ye'ele. Môt éziñ a mbe valé, wo ya mbo nnôm ô too nye nkôt. 7Beyeme bekalate a Befarizieñ be mbe valé be fombô'ô Yésus, be yange'e yen nge a saé môt e môse *sabat: e mbe amu be mbe be jeñek ajô ya ve nye mekua. 8Ve a mbe a yemek asimesane dap, e nde a nga jô môt a mbe wo nkôte na: Kôlô'ô si a tebe'e valé ézezañ. Ane a nga kôlô si a tebe tetele. 9A Yésus a nga jô be na: Ma sili mia de: Ye e ne nkañesan e môse *sabat na bi bo mvaé, nge na bi bo *abé, na bi nyii môt, nge na bi dimili nye. 10Eyoñ a maneya wua mis e be be bese, a nga jô môt ate na: Same wo wôé. A nga bo nalé a wo wé ô nga bo *mvo'é.
11Njalan a ayaa, be nga sañetan e zañe jap ajô jam be ne bo Yésus.
Ntobane beyé'é awôm a bebaé
(Mt 10:1-4; Mk 3:13-19; Mm 1:13)
12Eyoñe te, Yésus a nga ke e nkôle yôbe na a ye'elan; a nga lôt ngum alu na a ye'elane Zambe. 13Eyoñe tyé é nga lendé, a nga loone beyé'é béé a top awôm a bebaé y'été, e mbe a nga yôlé na minlôman:
14Simon, a nga loone na Pierre, André monyañe wé, Yakob, Yôanes, Filip, Bartélémi, 15Metias, Tômas, Yakob e mone Alfé, Simon nyô be mbe be lo'one Zélôte, 16Yude e mone Yakob a Yudas Iskariôt, nyô a nga su'ulane bo nkoñe bôt.
Sermoñ ya nkôle yôp: Bibotan
(Mt 5:1-12)
17Baa be be be nga siliki a a nga tebe nje'ese, e vôme beta nsamba ya beyé'é bé a nga too, nalé fe bizu'u bi bôt ya Yudé, Yérusalém a nsa'a mañ ya Tir, a Sidoñ. Be nga zu vô'ôlô nye a asu ya saéban akone dap. 18E ba mimvimvine minsisim mi nga ndeñele be nga saéban. 19A nsamba ôse ô nga jeñe na ô nnambe nye, amu ngul éziñ é mbe é so'o be nye a saé bese.
20Ane a nga fombô beyé'é bé a jô na:
Ebotan a mia minzôzoé, amu éjôé ya yôp é ne énjenan!
21Ebotan a mia mia wô'ô zaé éyoñe ji,
amu mia ye jaé!
Ebotan a mia mia yôn éyoñe ji, amu mia ye vak!
22Mia ye bo ébotan, éyoñe bôt ba ye siñe mia, éyoñe ba ye titane mia, ba ye taa mia a wua jôé denan ane di ôsame, amu mona môt. 23Va'ane *môs ôte a fônan a mevak, amu ma'ane menan ma ye bo anen e yôp; amu nalé ate beésa bap be nga bo bekulu mejô. 24Ve bidim a mia minkukum, amu mi mbili mvolane nleme wônan.
25Bidim a mia mebum me ne minlem éyoñe ji, amu mia ye wô'ô zaé!
Bidim a mia mia woé éyoñe ji, amu mia ye ku ôlun a
e milik été!
26Bidim a mia, éyoñe bôte bese ba ye kobô mbamba nkobô ajô denan, amu nalé ate beésa bap be nga bo bivôle vôla bekulu mejô.
Nye'ane ya nye'e besiñ
(Mt 5:38-48; Rm 12:17-21)
27Ve ma jô e mia mia vô'ôlô ma na: Nyeka'ane besiñe benan, bo'one ba ba vini mia mvaé, 28bota'ane ba ba yo'é mia, ye'ela'an ajô ba ba kpwe'ele mia. 29Nge môt éziñ a bibi wo amañe da, ke'e fe di avok. Nge môt a nyoñe wo alô'ô dôé, te kamane nye na a nyoñe fe wo kôt. 30Môt a sili wo jôm, va'a nye je a te sé môt a nyoñe wo biôme mvôla. 31E jam mia kômbô na bôt be bo asu denan, bo'one de avale da asu dap. 32Nge mia nye'e e bôt ba nye'e mia, za akéva ba ye ve mia? Bebo *abé fe ba nye'e e bôt ba nye'e be. 33Nge mia bo mvaé e be bôt ba bo mia mvaé za akéva ba ye ve mia? Bebo *abé fe ba bo avale te. 34Nge mia ve bikôla e be bôt mia buni na mia ye nyoñe be be, za akéva ba ye ve mia? Bebo *abé fe ba ve bebo *abé bikôla, nalé ba ye nyoñe mvol. 35Ve nyeka'ane besiñe benan, bo'one mvaé a va'ane bikôla tee ndinlem ya bulane nyoñ. Ma'ane menan ma ye bo anen a mia ye bo bone be Nyô A Dañ Oyabe yôp, amu a ne mbaa *nlem e be ba be ne bikalak a ba be ne kpwala. 36Koone bôt éngôngo ane ésoo wônan a koo bôt éngôngo.
Ntyi'ane mejô
(Mt 7:1-5, 15-20; 12:33-37; Yak 4:11-12)
37Te tyi'ane bôte mejô, nalé mia ye bo te tyi'ibane mejô, te veane bôte mekua a mia ye bo te vebane mekua, jama'an a mia ye jamban. 38Va'an a ba ye ve mia; ba ye sôé jôm é ne mbamba mve'an abume denan été é too njinan, nse'esan a kui na é fuluku; amu ba ye ve'e mia a ôvek mia ve'e wô.
39A nga ku fe be *nkana na: Ye ndindim ô ne liti ndindime *zen? Ye bebaane ba ye bo te ku ébé'
40Nyé'é a nji dañe nye'ele; ve ñye'é ase a ne njalan ayé'é dé été a ye bo ane nye'ele wé.
41Amu jé wo yene évua é ne e dise monyoñ, ve teke yene mbôñ ô ne e dise dôé womien' 42Nge na ô ne nguleya jô monyoñ aya na: A mojañ, jôké'é me vaa wo évua é ne wo dis, e wo ô ne teke yen mbôñ ô ne wo dis? A *môte bebadu'u taté'é vaa e mbôñ ô ne dise dôé, mvus éte wo ye yen a vaa évua é ne e dise monyoñ.
43Teke mbamba élé a wume mbia ébuma, nge mbia élé ki a wume mbamba ébuma. 44Amu élé ése ba yeme je a ébuma é ne énjéé. Be nji kolé befig e biyo, a be nji koé bibuma bi ndi'i woon e minsinik. 45Mbamba môt a nyoñe mvaé a soo je e mbamba akume ya e nleme wé, a mbia môt a nyoñ *abé da so nye e mbia akume wé, amu anyu môt da kobô e jam e ne nye njalan e *nlem.
Mboone mejô me Zambe
(Mt 7:21-27; Yak 1:22-25; 2Pi 1:5-10)
46Amu jé mia loone me na: Nti, Nti! Ve teke bo jam ma jô' 47Môt ase a zu be ma, a wô'ô mejô mam a bo me, ma ye liti mia e môt a funane nye: 48a funane môt a nga lôñe *nda. A nga fa'a si édok a bôôé mbôka'a akôme yôp. Ndôn é nga kui, ôsôé ô nga jimbi *nda éte, ve teke kui na é kpwé *nda éte si, amu é mbe mbamba nlôñan. 49Ve nyô a wôk teke bo a funane môt a nga lôñe *nda e si teke mbôka'a. Ôsôé ô nga jimbi je; été été é nga ku, a *nda éte é nga tyamé beta njamban.
Currently Selected:
Lk 6: BDCB
Highlight
Share
Copy
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.