Lv. Mejô y'atata'a
Mejô y'atata'a
Kalate Lévitik a ne kalate lale Môze a nga tili. A bili bekapitel mewôm mebaé a zamgbwa.
Kalate nyô a ne kalate metiñe Zambe a nga kalane Môze asu Môze émien, asu betuni a asu ayoñ Israél ese. Metiñ mete ma fombô metuna'a (kapitel 1–7), betuni ba yian ésemé, dulu dabe ki e yiane bo éjijin (8–10), miñye'elan ajô mfuban (11–16), ntabane wo yian ayoñe bôt e ne ntelan étyi asu Zambe a n'étyi (17–26), mintiñetane bôt be ne tiñeti Zambe a mimveane mevale meva (27).
Ñye'elan: Kalate Lévitik a kobô ajô nda éndelé bendôba'an a lôte biyoñ mewôm menyin; Nalé a so amu Zambe, anyu be Môze, a kômbô ye'ele bone b'Israél na ba yiane yeme belane nda éndelé éte, nalé ja ye fo'o bo e vôme Zambe ba be bôt ba tôban. Zambe émien a nji tabe valé be lôô nye minsôn a bives, ve vôm ate nye a ve môt afôla a éyoñe ya bi metôb a melat a Nye, mfula'an e zañe jé a môt.
Môt a nji nyiin e mfula'an ate été a émien. Ajô te Lévitik a liti bia bi yem tin ésaé ntuni a bili ayoñ Israél été; ntuni a ne ntebe zañ e zañe Zambe a môt, nalé fe e zañe môt a Zambe. Te na njô bôt a nkulu mejô be tebe, ntuni ny'étam a mbe ntebe zañ a ne ntindane ya bo ésaé te. Ntuni étam nye a nyiin e nda éndelé bendôba'an; ny'étam a subu ata'a metuna'a bebé mfa'a ya liti mimveane bôt ba ve Zambe; ny'étam a bo mingum mi mam miziñ, a tote bifia mengaka'a ya njaman abé; ny'étam a ne nguleya jô na bôt, betit a biôm bi ne mfuban, nge na te mfuban; ny'étam a ve miñye'elan mia tôban a metiñe ya mbamba ntaban a mboone mam me Zambe. Nge ntuni a ne momo, élate fe é ne momo e zañe Zambe a bôt.
Eyoñe ntili kalate Hébre a loone Yésus na Ntuni Nnen, a kômbô liti na mfa'a wé, Lévitik nye a nga taté kate jame di ôsusua na Yésus nye a ye bo ntebe zañ ate, Nyô a n'étam a ntindane na Zambe a belane nye asu ya jamé bôt abé a ve b'ényiñ.
Ajô te kalate Lévitik, e metiñ, miñye'elan a mebendé été, a bo bebuni ya mevôm mese a biyoñ bise be yeme na mfula'ane ya môt a bi a nya Zambe a ne fo'o jam da yian asu ényiñe jé.
Currently Selected:
Lv. Mejô y'atata'a: BDCB
Highlight
Share
Copy
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.