Nk 21
21
Metiñ ma fombô ajô alo
(Yer 34:8-17; Dt 21:10-14)
1Mintyi'an wo ye liti be e mie mi: 2Eyoñ wo ye kuse *ôlo ô too mone Hébre, a ye saé tañe mimbu misaman, ve mbu zamgbwale, a ye kôlô fili teke ya'ane jôm. 3Nge a nga so étam, a ye fe kôlô étam. Nge a nga so a bili minga, ba nga ba ye kôlô bebaane. 4Nge masa wé nye a nga lu'u nye minga a biaé nye bobefam a bobebinga, minga a bone bé ba ye bo biôm bi masa, a *ôlo ôbien wo ye kôlô étam. 5Nge *ôlo wo yemete na: Ma nye'e masa wom, nalé fe e minga wom a bone bam, me nji kômbô kôlô, 6éyoñe te masa wé a ye zuu nye bebé e be Zambe, a kele fe nye bebé évin nge akône *mbé, éyoñe te masa a ye tube nye alo a jôm é ne nsoñ, éyoñe te a ye saane masa wé ngum nté ényiñ. 7Eyoñe fam ja ye kuane monaminga wé ane *ôlo, a ye bo te kôlô avale alo da kôlô. 8Nge masa wé a nga kuse nye, a nji yene nye mvaé, masa ate a ye bo na a kôtéban avô; ve a nji bi ngul ya kuane nye e be bikuu, amu a nji wulu nye ane e ne zôsôôô. 9Nge a lu'u nye e monafame wé, a ye belane nye ane metiñ ya nkeane bengon meluk ô né. 10Nge a nyoñe minga mfe, a ye bo te sé'é nge bidi, nge ngômesan, nge mam mese ya ma yiane alu'u minga ôsu. 11Nge a nji bo nye e mam melale ma, minga ate a ne ngul ya kôlô teke ya'ane jôm, teke ve moné.
Metiñ ma fombô bibôm a meveñ
(Dt 21:18-21; Lv 14:17-22; Met 9:5-6)
12Môt a bôm e môte mbok akekui a wu, ba ye fo'o wôé nye.
13Nge a nji bôé nye ékolé ôba'a ôsu, ve Zambe émien nye a veya nye nye, ma ye telé wo vôm a ne nguleya ke sobô.
14Ve nge môt a vañe wôé môte mbok ndimba, to'o a tele ata'a metuna'a dame yôp, wo ye vaa nye a wôé nye.
15Môt a bibi ésaa nge nyia a ye wôéban.
16Môt a wube môt a kuane nye nge ba'ale nye e mo mé, a ye wôéban.
17Môt a yo'é ésaa nge nyia, a ye wôéban.
18Eyoñ bôt bebaé ba wôman, nge wua ya été a lume nyô mbo'o akok nge bibi nye ékuta, ve nye teke wu, ve nalé a bo'o nye na a bômbô si, 19nge a ne ngul ya beta kôlô si a wulu atan a *ntum, môt a nga bibi nye a ye kôlô teke étom, ve a ye tuni nye amu ntelan a nga telé nye ésaé. Nalé fe na a ye saé nye akekui a ntoo *mvo'é. 20Nge môt a bibi *ôlo vié a *ntum, to'o *ôlo te ô ne fam nge minga a be wu nye mo, a yiane tôban akuna'a. 21Ve nge môse wua nge mibaé mia lôt *ôlo ôte teke wu, wo ye bo te kuneban amu ô ne e moné wé.
22Nge befam ba luman, be jimbi mbubume minga, wô ve biaé teke mbia jam mfe, ba ye ya'ane aleman nnôme minga ate a ye yete be; ba ye ya'ane nye aval ane bekum ba ye jô. 23Ve nge jam e ne *abé da kui, éyoñe te ényiñ ja ye tañe ényiñ, 24nalé fe dis da ye tañe dis, asôñ da ye tañe asôñ, wo wo ye tañe wo, abo da ye tañe abo, 25ndi'an wo ye tañe ndi'an, aveñ da ye tañe aveñ a nlun wo ye tañe nlun.
26Nge môt a bibi e dis *ôlo vié, to'o ô ne fam nge minga, a dise te e tui, môt ate a ye suu *ôlo te ô ke fili, nalé a ne ma'ane ya dise dé. 27Nge a koé asôñe *ôlo ô ne fam nge minga, a ye suu wô fili, nalé a ne ma'an ya asôñe dé. 28Nge nnôme nyak a jii fam nge minga nlak wôna fam nge minga ate a wu, ba ye lume nnôme nya'a ate *mekok a ba ye di minsône mié a môt a ne nye a ye bo teke étom. 29Ve nge nnôme nya'a ate a tameya zu a lume bôte minlak, be kate fe môt a ne nye nalé, ve nye teke ba'ale nye, ba ye lume nye *mekok nge a wôé fam nge minga, ba ye wôé môt a ne nye. 30Nge môt a ne nye a ne ntindane ya ya'an aleman mfa'a ya kôté ényiñe jé a ye ve tañ ése é ne nye ntindane ya ve. 31Nge nyak ja jimbi mona fam nge mona minga, avale bi yeneya mvus, nne fe ba ye wulu ajô te nalé. 32Nge nyak ja jimbi *ôlo ô too fam nge minga, ba ye ya'ane môt a ne *ôlo te tañe besikel be silba mewôm mela, éyoñe te fe ba lume nnôme nyak ate *mekok. 33Nge môt éziñ a ye li'i mfa'an anjeñ ô yoo, nge na môt a ye fa'a anjeñ te buti de, wôna nnôme nyak nge éjakas bi kpwele été, 34miene anjeñ a ye ya'an miene éyem ja te ku anjeñ moné éjiane ya éyem, a émien a ye nyoñe mbim éyeme te.
35Nge nnôme nya'a môt éziñ a jii nnôm nya'a e môte mbok minlak a wôé nye, bôte bete ba ye kuane nnôme nyak a vee a kabane moné; avale te fe ba ye kabane nnôme nyak a ne ñwuan. 36Ve nge nnôme nyak a te wôé nyô mbok a tame zu a bo nalé, môt a ne nye te ba'ale nye, môt a ne nye a ye ya'an nnôme nyak a vee éjiane nyô a nga wu.
Metiñ ma nambe ndamane biôm
(Nk 20:15; 2 Sam 12:1-6; Za 5:3-4; Lv 6:2-7)
37Nge môt éziñ a wub nnôme nyak nge mone ntômba, nge a tyi'i nye *tyiñ nge kuane nye, nnôme nya'a wua a ye ya'ane betan a bone biyem benyin señe mone ntômba.
Currently Selected:
Nk 21: BDCB
Highlight
Share
Copy
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.
Nk 21
21
Metiñ ma fombô ajô alo
(Yer 34:8-17; Dt 21:10-14)
1Mintyi'an wo ye liti be e mie mi: 2Eyoñ wo ye kuse *ôlo ô too mone Hébre, a ye saé tañe mimbu misaman, ve mbu zamgbwale, a ye kôlô fili teke ya'ane jôm. 3Nge a nga so étam, a ye fe kôlô étam. Nge a nga so a bili minga, ba nga ba ye kôlô bebaane. 4Nge masa wé nye a nga lu'u nye minga a biaé nye bobefam a bobebinga, minga a bone bé ba ye bo biôm bi masa, a *ôlo ôbien wo ye kôlô étam. 5Nge *ôlo wo yemete na: Ma nye'e masa wom, nalé fe e minga wom a bone bam, me nji kômbô kôlô, 6éyoñe te masa wé a ye zuu nye bebé e be Zambe, a kele fe nye bebé évin nge akône *mbé, éyoñe te masa a ye tube nye alo a jôm é ne nsoñ, éyoñe te a ye saane masa wé ngum nté ényiñ. 7Eyoñe fam ja ye kuane monaminga wé ane *ôlo, a ye bo te kôlô avale alo da kôlô. 8Nge masa wé a nga kuse nye, a nji yene nye mvaé, masa ate a ye bo na a kôtéban avô; ve a nji bi ngul ya kuane nye e be bikuu, amu a nji wulu nye ane e ne zôsôôô. 9Nge a lu'u nye e monafame wé, a ye belane nye ane metiñ ya nkeane bengon meluk ô né. 10Nge a nyoñe minga mfe, a ye bo te sé'é nge bidi, nge ngômesan, nge mam mese ya ma yiane alu'u minga ôsu. 11Nge a nji bo nye e mam melale ma, minga ate a ne ngul ya kôlô teke ya'ane jôm, teke ve moné.
Metiñ ma fombô bibôm a meveñ
(Dt 21:18-21; Lv 14:17-22; Met 9:5-6)
12Môt a bôm e môte mbok akekui a wu, ba ye fo'o wôé nye.
13Nge a nji bôé nye ékolé ôba'a ôsu, ve Zambe émien nye a veya nye nye, ma ye telé wo vôm a ne nguleya ke sobô.
14Ve nge môt a vañe wôé môte mbok ndimba, to'o a tele ata'a metuna'a dame yôp, wo ye vaa nye a wôé nye.
15Môt a bibi ésaa nge nyia a ye wôéban.
16Môt a wube môt a kuane nye nge ba'ale nye e mo mé, a ye wôéban.
17Môt a yo'é ésaa nge nyia, a ye wôéban.
18Eyoñ bôt bebaé ba wôman, nge wua ya été a lume nyô mbo'o akok nge bibi nye ékuta, ve nye teke wu, ve nalé a bo'o nye na a bômbô si, 19nge a ne ngul ya beta kôlô si a wulu atan a *ntum, môt a nga bibi nye a ye kôlô teke étom, ve a ye tuni nye amu ntelan a nga telé nye ésaé. Nalé fe na a ye saé nye akekui a ntoo *mvo'é. 20Nge môt a bibi *ôlo vié a *ntum, to'o *ôlo te ô ne fam nge minga a be wu nye mo, a yiane tôban akuna'a. 21Ve nge môse wua nge mibaé mia lôt *ôlo ôte teke wu, wo ye bo te kuneban amu ô ne e moné wé.
22Nge befam ba luman, be jimbi mbubume minga, wô ve biaé teke mbia jam mfe, ba ye ya'ane aleman nnôme minga ate a ye yete be; ba ye ya'ane nye aval ane bekum ba ye jô. 23Ve nge jam e ne *abé da kui, éyoñe te ényiñ ja ye tañe ényiñ, 24nalé fe dis da ye tañe dis, asôñ da ye tañe asôñ, wo wo ye tañe wo, abo da ye tañe abo, 25ndi'an wo ye tañe ndi'an, aveñ da ye tañe aveñ a nlun wo ye tañe nlun.
26Nge môt a bibi e dis *ôlo vié, to'o ô ne fam nge minga, a dise te e tui, môt ate a ye suu *ôlo te ô ke fili, nalé a ne ma'ane ya dise dé. 27Nge a koé asôñe *ôlo ô ne fam nge minga, a ye suu wô fili, nalé a ne ma'an ya asôñe dé. 28Nge nnôme nyak a jii fam nge minga nlak wôna fam nge minga ate a wu, ba ye lume nnôme nya'a ate *mekok a ba ye di minsône mié a môt a ne nye a ye bo teke étom. 29Ve nge nnôme nya'a ate a tameya zu a lume bôte minlak, be kate fe môt a ne nye nalé, ve nye teke ba'ale nye, ba ye lume nye *mekok nge a wôé fam nge minga, ba ye wôé môt a ne nye. 30Nge môt a ne nye a ne ntindane ya ya'an aleman mfa'a ya kôté ényiñe jé a ye ve tañ ése é ne nye ntindane ya ve. 31Nge nyak ja jimbi mona fam nge mona minga, avale bi yeneya mvus, nne fe ba ye wulu ajô te nalé. 32Nge nyak ja jimbi *ôlo ô too fam nge minga, ba ye ya'ane môt a ne *ôlo te tañe besikel be silba mewôm mela, éyoñe te fe ba lume nnôme nyak ate *mekok. 33Nge môt éziñ a ye li'i mfa'an anjeñ ô yoo, nge na môt a ye fa'a anjeñ te buti de, wôna nnôme nyak nge éjakas bi kpwele été, 34miene anjeñ a ye ya'an miene éyem ja te ku anjeñ moné éjiane ya éyem, a émien a ye nyoñe mbim éyeme te.
35Nge nnôme nya'a môt éziñ a jii nnôm nya'a e môte mbok minlak a wôé nye, bôte bete ba ye kuane nnôme nyak a vee a kabane moné; avale te fe ba ye kabane nnôme nyak a ne ñwuan. 36Ve nge nnôme nyak a te wôé nyô mbok a tame zu a bo nalé, môt a ne nye te ba'ale nye, môt a ne nye a ye ya'an nnôme nyak a vee éjiane nyô a nga wu.
Metiñ ma nambe ndamane biôm
(Nk 20:15; 2 Sam 12:1-6; Za 5:3-4; Lv 6:2-7)
37Nge môt éziñ a wub nnôme nyak nge mone ntômba, nge a tyi'i nye *tyiñ nge kuane nye, nnôme nya'a wua a ye ya'ane betan a bone biyem benyin señe mone ntômba.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.