Nk 22
22
1Nge ba bi ñwuwub ô tube mfin a wôé wô, awu dé te da ye bo te bijô e be môt éziñ, 2ve nge be nga wôé wô a koone na jôb e tôôya, bôt be nga wôé wô ba ye be'e mekua ya awu dé. Ñwuwup wo ye ya'ane tañ, ve nge ô nji bi jôm, ba ye kuane wô amu wube wé; 3Nge jôm ô nga wup, nnôm nyak, éjakas nge mone ntômba é ngenan é vee, e mo mé, ma'ane mé ma ye bo biyoñ bibaé.
4Nge môt a zametane mam afube éziñ été, nge ke afube mindi'i mi woon, nge lôme mbame biyeme wé ô ke di bidi éza afup, môt ate a ye ya'an a mbamba bibuma, bi ya nya afubu a bi ya afube mindi'i mi woon.
5Nge nduan ja yôñ e sas biteñ, a mimbom mi nlisi nge nyô a ngenan nge afub ebien a bia mane dik, môt a nga bo'é nduan éte a ye ya'an éjian ya biôm bite. 6Nge môt éziñ a ve nyô mbo'o moné nge biôm bife na a ba'ale nye bie, biôm bite ve wuban e *nda môt a ba'ale bie, nge ñwuwube te wo yené, wo ye ya'ane ma'an biyoñ bibaé. 7Nge be nji yene ñwuwube te, môt a ne *nda biôm bia te wuban a ye subu asu Zambe a jô tyiñe yôb na: A nji same wo wé a nyoñ éza akum.
8Nge jam éziñ ya mvô e fombô'ô nyak, éjakas, mone ntômba, ngômesan nge jôm éziñ é ne njañan, da ye yené na e ne bebela, ajô ya mengam mebaé mete da ye kui asu be Zambe; nyô Zambe a ye ve mekua a ye ya'an nyô mbok ma'an biyoñ bibaé. 9Nge môt éziñ a ve nyô mbo'o été éjakas, nnôme nyak, mone ntômba nge éyem éfe, a éyeme te ja wu nge bu'i abo, nge nyoñebane bilanda môt teke yen, 10bôte bete bebaé ba ye kalane jôé Nti: nyô a nga ba'ale éyem a ye jô tyiñe yôbe na: A nji same wo wé a nyoñ éza akum; mmiene éyem a ye kañese ngana éte a môt a te kane je a ye bo teke ya'ane tañ. 11Ve nge éyem é nga wuban e *nda jé été, a ye ya'ane mie éyeme tañ. 12Nge ñyôyo'o tit éziñ ya afan ñwô ô nga nyabe éyeme te mefus, môt a nga bili je été a ye soo mefuse ya été ane ngaa ya te bijô wôé, a a ye bo teke ya'ane tañ.
13Nge môt a kôlé môt éyem, je ve bu'i abo nge wu mie éyeme e mo, môt a nga kôlé a ye ya'ane tañ. 14Nge jame te da boban mie éyeme a too, môt a nga kôlé a ye bo te ya'ane tañeya éjian. Nge be nga yôé éyem a tañ, tañ éte ja yian.
Esemé mfa'a Zambe a môta binam
(Dt 22:28-29; Lv 20:27; Dt 18:10-14; Sam 10:14-18; Rm 13:1-7; Mink 3:9-11)
15Nge fam éziñ ja won éndune ngon é ngenan teke *atiñ aluk a jô'ôbô je, a ye ya'ane nsuba éndune ngone te é nga yiane ya'ane na a ke aluk a lu'u fe je é bo e minga wé. 16Nge ésaa ngon a bene ve nye ngo jé, a ye ya'ane moné tañe nsuba é ne ntyi'an asu bindun bengon.
17Wo ye bo te nyii ngbwengbwele minga.
18Ba ye wôé e môt ase a jô'ôbô a éyem.
19Nyô a tyi'i bezambe befe biyem, vengevenge ve Nti étam, a ye fo'o wôéban. 20Wo ye bo te diane *ntabe nge tibili wô; amu mia fe mi mbe mintabe si ya Ejipte.
21Mia ye bo te tibili nkus nge monenyui. 22Amu nge wo tibili be a be ke be yône be ma, ma yem ane ma ye wô'ô miñyône miap. 23Ayo'o dam da ye yôñ, a ma ye wôé mia a nkpwaté mekôn; binga benan ba ye li'i minkus a bone benan ke bobenyui. 24Nge wo kôlé môte ya bôte bam moné, nge éngôngole môt mia je mi too, te bo nsé memvôla wé, a wo ye bo te sili nye tañ a nseñge. 25Nge wo nyoñ e môte mbok alô'ô éban, wo ye bulane nye de jôb é ngenan te dim; 26amu nje étam ja volô nye avep, nje étam ja buti ékôbe jé; nge nalé momo a ye bômbô vé? A nge a yône be ma, ma ye wô'ô nye amu ma me ne nyô a wô'ô nye mintaé. 27Wo ye bo te yo'é Zambe nge tote bifia meta bia wosane njô bôte ya ayoñe dôé.
28Wo ye bo te tyendé éyoñe wo yiane ve ma ngabe jôé ya woon, a mbon wo yiane ve ma. Wo ye ve ma ntôle ya bobefame bôé. 29Avale te fe wo ye bo mfa'a ya mimbame biyeme miôé, ataté mi mi ne anen a kui mi mi ne tyôtyoé. Ntôl ôse wo ye tabe e fefele nyia tañe melu zamgbwa; e môse muam, wo ye ve me wô.
30Mia ye bo bôt be ne étyi mfa'a wom. Mia ye bo te di mbilize tit ya mefup: mia ye wua wô bemvu.
Currently Selected:
Nk 22: BDCB
Highlight
Share
Copy
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.
Nk 22
22
1Nge ba bi ñwuwub ô tube mfin a wôé wô, awu dé te da ye bo te bijô e be môt éziñ, 2ve nge be nga wôé wô a koone na jôb e tôôya, bôt be nga wôé wô ba ye be'e mekua ya awu dé. Ñwuwup wo ye ya'ane tañ, ve nge ô nji bi jôm, ba ye kuane wô amu wube wé; 3Nge jôm ô nga wup, nnôm nyak, éjakas nge mone ntômba é ngenan é vee, e mo mé, ma'ane mé ma ye bo biyoñ bibaé.
4Nge môt a zametane mam afube éziñ été, nge ke afube mindi'i mi woon, nge lôme mbame biyeme wé ô ke di bidi éza afup, môt ate a ye ya'an a mbamba bibuma, bi ya nya afubu a bi ya afube mindi'i mi woon.
5Nge nduan ja yôñ e sas biteñ, a mimbom mi nlisi nge nyô a ngenan nge afub ebien a bia mane dik, môt a nga bo'é nduan éte a ye ya'an éjian ya biôm bite. 6Nge môt éziñ a ve nyô mbo'o moné nge biôm bife na a ba'ale nye bie, biôm bite ve wuban e *nda môt a ba'ale bie, nge ñwuwube te wo yené, wo ye ya'ane ma'an biyoñ bibaé. 7Nge be nji yene ñwuwube te, môt a ne *nda biôm bia te wuban a ye subu asu Zambe a jô tyiñe yôb na: A nji same wo wé a nyoñ éza akum.
8Nge jam éziñ ya mvô e fombô'ô nyak, éjakas, mone ntômba, ngômesan nge jôm éziñ é ne njañan, da ye yené na e ne bebela, ajô ya mengam mebaé mete da ye kui asu be Zambe; nyô Zambe a ye ve mekua a ye ya'an nyô mbok ma'an biyoñ bibaé. 9Nge môt éziñ a ve nyô mbo'o été éjakas, nnôme nyak, mone ntômba nge éyem éfe, a éyeme te ja wu nge bu'i abo, nge nyoñebane bilanda môt teke yen, 10bôte bete bebaé ba ye kalane jôé Nti: nyô a nga ba'ale éyem a ye jô tyiñe yôbe na: A nji same wo wé a nyoñ éza akum; mmiene éyem a ye kañese ngana éte a môt a te kane je a ye bo teke ya'ane tañ. 11Ve nge éyem é nga wuban e *nda jé été, a ye ya'ane mie éyeme tañ. 12Nge ñyôyo'o tit éziñ ya afan ñwô ô nga nyabe éyeme te mefus, môt a nga bili je été a ye soo mefuse ya été ane ngaa ya te bijô wôé, a a ye bo teke ya'ane tañ.
13Nge môt a kôlé môt éyem, je ve bu'i abo nge wu mie éyeme e mo, môt a nga kôlé a ye ya'ane tañ. 14Nge jame te da boban mie éyeme a too, môt a nga kôlé a ye bo te ya'ane tañeya éjian. Nge be nga yôé éyem a tañ, tañ éte ja yian.
Esemé mfa'a Zambe a môta binam
(Dt 22:28-29; Lv 20:27; Dt 18:10-14; Sam 10:14-18; Rm 13:1-7; Mink 3:9-11)
15Nge fam éziñ ja won éndune ngon é ngenan teke *atiñ aluk a jô'ôbô je, a ye ya'ane nsuba éndune ngone te é nga yiane ya'ane na a ke aluk a lu'u fe je é bo e minga wé. 16Nge ésaa ngon a bene ve nye ngo jé, a ye ya'ane moné tañe nsuba é ne ntyi'an asu bindun bengon.
17Wo ye bo te nyii ngbwengbwele minga.
18Ba ye wôé e môt ase a jô'ôbô a éyem.
19Nyô a tyi'i bezambe befe biyem, vengevenge ve Nti étam, a ye fo'o wôéban. 20Wo ye bo te diane *ntabe nge tibili wô; amu mia fe mi mbe mintabe si ya Ejipte.
21Mia ye bo te tibili nkus nge monenyui. 22Amu nge wo tibili be a be ke be yône be ma, ma yem ane ma ye wô'ô miñyône miap. 23Ayo'o dam da ye yôñ, a ma ye wôé mia a nkpwaté mekôn; binga benan ba ye li'i minkus a bone benan ke bobenyui. 24Nge wo kôlé môte ya bôte bam moné, nge éngôngole môt mia je mi too, te bo nsé memvôla wé, a wo ye bo te sili nye tañ a nseñge. 25Nge wo nyoñ e môte mbok alô'ô éban, wo ye bulane nye de jôb é ngenan te dim; 26amu nje étam ja volô nye avep, nje étam ja buti ékôbe jé; nge nalé momo a ye bômbô vé? A nge a yône be ma, ma ye wô'ô nye amu ma me ne nyô a wô'ô nye mintaé. 27Wo ye bo te yo'é Zambe nge tote bifia meta bia wosane njô bôte ya ayoñe dôé.
28Wo ye bo te tyendé éyoñe wo yiane ve ma ngabe jôé ya woon, a mbon wo yiane ve ma. Wo ye ve ma ntôle ya bobefame bôé. 29Avale te fe wo ye bo mfa'a ya mimbame biyeme miôé, ataté mi mi ne anen a kui mi mi ne tyôtyoé. Ntôl ôse wo ye tabe e fefele nyia tañe melu zamgbwa; e môse muam, wo ye ve me wô.
30Mia ye bo bôt be ne étyi mfa'a wom. Mia ye bo te di mbilize tit ya mefup: mia ye wua wô bemvu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.