Nk 20
20
Metiñ awôm
(Dt 5:2-22; Mt 5:17-48; 22:35-40; Rm 13:8-10; Yo 1:17; Dt 5:22-31)
1Ane Nti a nga kobô mam mana mese a jô na: 2Me ne Nti e Zambe wôé, nyô a nga bo wo ô kôlô Ejipte *nda belo: 3Te bi bezambe befe ôsu viam. 4Wo ye bo te bi jôm é ne nkpwelan nge bi éve'ela'a ya jôm ése é ne yôp été nge *si nyô si, nge mendim me ne e si nyôna si; 5Te kute bie meboñe si nge kañe bie, amu me ne Nti e Zambe wôé, nyô a ne *aban, nyô a ve *bon melep amu *abé b'ésaa bap, akekui miaé lale nge miaé nyini ya ba ba vini ma, 6ma mvamane fe betoyini ya ba ba nye'e ma a ba'ale metiñe mam. 7Wo ye bo te tote jôé Nti étotetoté, amu Nti a nji yene môt te bijô, nye a tote jôé dé étotetoté. 8Simesa'ane môse *sabat a telé wô étyi. 9Wo ye saé tañe môse minsaman a bo bisaé biôé bise. 10Ve wu zamgbwale ô ne môse awo'on mfa'a Nti e Zambe wôé. Te bo avale ésaé éziñ *môs ôte, to'o womien to'o monafame wôé, to'o mona minga wôé, to'o mbo ésaé wôé a ne minga, to'o nyô a ne fam, to'o biyeme biôé, to'o beyeñe bôé be too nlame wôé. 11Amu Nti a nga té yôb a si a mañ a biôm bise bi ne été môse misaman; e môse zamgbwale a nga wo'on. Ajô te Nti, a nga botane môse *sabat a telé wô étyi. 12Semé'é ésoo ba nyua, nalé ate wo ye tabe melu abui e si Nti Zambe wôé a ve wo. 13Te wôé môt. 14Te bo *mejian. 15Te wup. 16Te bôte môt ajô. 17Te nyamete *nda môt mia nye mi too, nge nyamete minga wé, nge mbo ésaé wé a ne fam, nge nyô a ne minga, nge éjakase jé nge jôme éziñ jé éfe ése.
18Bôte bese be nga yene mindum mi mveñ, zo'oyañ, tyiñe toñ a nkô ô nga kui ôtita. Eyoñ bôt be nga yene mam mete, ane be nga fô'ôban a tebe ôyap. 19Ane be nga jô Môze na: Womien kobô'ô bia, ve te kañese na Zambe a kobô bia, bi za mane wu. 20Ane Môze a nga jô bôte na: Te koone woñ, amu Zambe a nga zu na a ve'ele mia, nalé mia ye ko nye woñ a sa'ale *abé. 21Bôt be mbe be tele ôyap, ve Môze a nga subu nkute bebé, e vôme Zambe a nga too.
Atiñ asu ata'a metuna'a
(Dt 27:5-7; Mt 18:20)
22Ane Nti a nga jô Môze na: Wo ye kobô bôte ya Israél na, mi nga yen ane me nga kobô mia me too e yôb été. 23Mia ye bo te bi bezambe be ne mboon a silba nge mvot e fefele jam, mia ye bo teke ve'ele bi be. 24Wo ye lôñe ma ata'a metuna'a a tyia e vôm wo ye ve ma mimvean mi ne ngumba, nalé fe mimvean ya ve Zambe akéva a late nye ngbwa: Beta mbam a mone mbame biyeme wôé; e vôm wo simesane jôé dam, ma ye zu e be wo a botane wo. 25Nge wo lôñe ata'a metuna'a a *mekok, wo ye bo te lôñe a *mekok me ne mbaan, amu éyoñ wo ba meko'o mete a bivôle biôé, wo ndaman étyi jap (nge na wo ve me mvin). 26Wo ye bo te bet ata'a metuna'a dam a étune *zen, be za yene soé jôé.
Currently Selected:
Nk 20: BDCB
Highlight
Share
Copy
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.
Nk 20
20
Metiñ awôm
(Dt 5:2-22; Mt 5:17-48; 22:35-40; Rm 13:8-10; Yo 1:17; Dt 5:22-31)
1Ane Nti a nga kobô mam mana mese a jô na: 2Me ne Nti e Zambe wôé, nyô a nga bo wo ô kôlô Ejipte *nda belo: 3Te bi bezambe befe ôsu viam. 4Wo ye bo te bi jôm é ne nkpwelan nge bi éve'ela'a ya jôm ése é ne yôp été nge *si nyô si, nge mendim me ne e si nyôna si; 5Te kute bie meboñe si nge kañe bie, amu me ne Nti e Zambe wôé, nyô a ne *aban, nyô a ve *bon melep amu *abé b'ésaa bap, akekui miaé lale nge miaé nyini ya ba ba vini ma, 6ma mvamane fe betoyini ya ba ba nye'e ma a ba'ale metiñe mam. 7Wo ye bo te tote jôé Nti étotetoté, amu Nti a nji yene môt te bijô, nye a tote jôé dé étotetoté. 8Simesa'ane môse *sabat a telé wô étyi. 9Wo ye saé tañe môse minsaman a bo bisaé biôé bise. 10Ve wu zamgbwale ô ne môse awo'on mfa'a Nti e Zambe wôé. Te bo avale ésaé éziñ *môs ôte, to'o womien to'o monafame wôé, to'o mona minga wôé, to'o mbo ésaé wôé a ne minga, to'o nyô a ne fam, to'o biyeme biôé, to'o beyeñe bôé be too nlame wôé. 11Amu Nti a nga té yôb a si a mañ a biôm bise bi ne été môse misaman; e môse zamgbwale a nga wo'on. Ajô te Nti, a nga botane môse *sabat a telé wô étyi. 12Semé'é ésoo ba nyua, nalé ate wo ye tabe melu abui e si Nti Zambe wôé a ve wo. 13Te wôé môt. 14Te bo *mejian. 15Te wup. 16Te bôte môt ajô. 17Te nyamete *nda môt mia nye mi too, nge nyamete minga wé, nge mbo ésaé wé a ne fam, nge nyô a ne minga, nge éjakase jé nge jôme éziñ jé éfe ése.
18Bôte bese be nga yene mindum mi mveñ, zo'oyañ, tyiñe toñ a nkô ô nga kui ôtita. Eyoñ bôt be nga yene mam mete, ane be nga fô'ôban a tebe ôyap. 19Ane be nga jô Môze na: Womien kobô'ô bia, ve te kañese na Zambe a kobô bia, bi za mane wu. 20Ane Môze a nga jô bôte na: Te koone woñ, amu Zambe a nga zu na a ve'ele mia, nalé mia ye ko nye woñ a sa'ale *abé. 21Bôt be mbe be tele ôyap, ve Môze a nga subu nkute bebé, e vôme Zambe a nga too.
Atiñ asu ata'a metuna'a
(Dt 27:5-7; Mt 18:20)
22Ane Nti a nga jô Môze na: Wo ye kobô bôte ya Israél na, mi nga yen ane me nga kobô mia me too e yôb été. 23Mia ye bo te bi bezambe be ne mboon a silba nge mvot e fefele jam, mia ye bo teke ve'ele bi be. 24Wo ye lôñe ma ata'a metuna'a a tyia e vôm wo ye ve ma mimvean mi ne ngumba, nalé fe mimvean ya ve Zambe akéva a late nye ngbwa: Beta mbam a mone mbame biyeme wôé; e vôm wo simesane jôé dam, ma ye zu e be wo a botane wo. 25Nge wo lôñe ata'a metuna'a a *mekok, wo ye bo te lôñe a *mekok me ne mbaan, amu éyoñ wo ba meko'o mete a bivôle biôé, wo ndaman étyi jap (nge na wo ve me mvin). 26Wo ye bo te bet ata'a metuna'a dam a étune *zen, be za yene soé jôé.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.