Hosea 9
9
Israelakʼ sạjại
1E Israel, eṭakʼ jạtrenko leka do alom hulạs porobokʼa. Am do amren Isor bạgikate unire bepạtiạricʼem hoyakana; ar mitʼke mitʼ khạrạire kusumbi reakʼ kuṛại ńamkate am dom kusi akana.
2Inạ tayom khạrại ar darkha rasa lelenkunḍ reakʼ jaega do jomakʼ bako emokʼa; ar onko do nãwã darkha rasa hõ bako ńama. 3Onko do Probhu Isorakʼ disạmre bako tahena; Ephrayim do Misorteye ruạṛ calakʼa ar Ạsur do besaphawakʼ jomakʼgeye joma. 4Onko do Probhu Isor ńutumte darkha rasate coḍorakʼ samaṅokʼakʼ do bako samaṅa ar onkoren janwar samaṅokʼakʼte hõ uni do bako kusi ocodaṛeaea. Onkan samaṅokʼakʼ onko ṭhen do hokʼmor halaṅetʼkoakʼ jomakʼ lekage hoyokʼa; ar okoe onako jom onko sanamgeko bhonḍokʼa. Ona jomakʼ do akoakʼ lacʼ bikʼ lạgitʼge hoyokʼa, Probhu Isorakʼ oṛakʼte ona do baṅ ạgukʼa. 5Onko do cetʼko cekaea ńiṭ akan porob dinre ar Probhu Isorakʼ porob dinre hõ onko do cetʼko cekaea? 6Onko do ḍahao maraokʼakʼ ti khon tinreko ńir pharakokʼa unre Misor do onkoe jarwakoa ar Memphis nagraha doe topakoa. Seṅgelsiń do onkoakʼ rupạ reakʼ damanakʼkoe hameṭjoṅa; ar rạṅgạiniko do onkoakʼ tạmbui jạpudtakoa. 7#Luk 21.22 Israel do jemone baḍae ńam, sạjại reakʼ din do seṭer akana ar hisạb hatao reakʼ din hõ hecʼakana. Onkoakʼ kại do lekhare ḍhergea Isorko hirkhạwaekante, nạbiko do lelha ar jiuan hoṛ do khepako hudisetʼkoa. 8Nạbi do ińren Isor sãote Ephrayimren hohorhoyicʼe hoyakanre hõ uniyakʼ sanam horrege pạsi do oḍao akana ar uniren Isorakʼ oṛakʼre uni upạrte do kurudge. 9#Bikʼ 19.1-30 Gibea reakʼ dinkore okaleka tahẽkan onkage Israelko do bedhoromreko unum akana. Isor do onkoakʼ dusṭạmi reakʼ kathae disạitakoa ar onkoakʼ kại iạteye sạjạikoa.
10 #
Num 25.1-5
Probhu Isore meneda, “Hahaṅkarre darkha nạ̃ṛĩ leka Israel doń ńamledea; pạhil dhao jo emokʼkan loa dare reakʼ pạhilakʼ jo lekage aperen hapṛamkoń ńelletʼkoa. Menkhan onko do Bakʼal-Piyạr ṭhen senkate apnartetʼko ạkhrińena ar akoren dulạṛiạ boṅga lekage onko do hirkhạwankoko hoylena. 11Ephrayimakʼ gorbo do cẽṛẽ lekage uḍạu calakʼtaea; unre gidrạwakʼ janam do baṅ hoyokʼa, celege bako bhạrti hoṛmokʼa ar onko do bạńjhiko hoyokʼa. 12Onkoren gidrạkoko ạsul haralekore hõ onko gidrạ doń gocʼkoa; onkoren mitʼṭen hõ bako tahena. Hae onko do, tinre onko ṭhen khoniń calakʼa. 13Ephrayim do Tur reakʼ rosaṛ jaegare rohoe akaniń ńel akadea. Menkhan Ephrayim do acʼren gidrạko gogocʼicʼ ṭhen idiko hoyokʼtaea.”
14E Probhu Isor, noko hoṛko lạgitʼ do cetʼ iń khoja? Am do noko cetʼem emakoa? Am do hosor giḍikʼ kukhi ar rohoṛ bạ̃sge baṛe emakom.
15Probhu Isore meneda, “Gilgolre onko do akoakʼ joto lekan dusṭạmiko ehopʼleda, ar onḍe onko do hirkhạwakoń ehopʼena. Onkoakʼ kại iạte ińren hoṛko tala khoniń laga oḍokkoa. Onko do ar bạń dulạṛkoa; onkoren mukhiyạko doko huhulko kana. 16Ephrayim doe ńẽtʼ akana, onkoakʼ rehetʼ do rohoṛ akana, onare jo do baṅ sabokʼkana. Ar onkoren hoṛko do gidrạko janamlekore hõ iń do onkoren dulạṛiạ gidrạkoń gocʼ cabakoa.”
17Ińren Isor do onkoe nihạ̃t giḍi akatʼkoa, ente onko do uniyakʼ bako bataoletʼtaea; onko do eṭakʼ eṭakʼ jạtrenko talareko ạcur baṛaea.
Currently Selected:
Hosea 9: SBT
Highlight
Share
Compare
Copy
Want to have your highlights saved across all your devices? Sign up or sign in
Santali Bible © Bangladesh Bible Society, 2021.
