Hosea 11
11
Israel cetanre Isorakʼ dulạṛ
1 #
Exo 4.22; Mat 2.15 Probhu Isore meneda, “Israel do gidrạ tahẽkan khongeń dulạṛedekana ar Misor khon do ińren hopongeń hoho ạgukedea. 2Mekhan Israel tinạkʼ iń hohowade unạkʼge uni do iń ṭhen khon sạṅgińteye ocokʼ calaoena. Uniren hoṛko do Bakʼal debota ṭhen janwar dãṛẽko samaṅketʼkoa ar boṅga murhutʼko ṭhen dhup jeretʼko ehopʼena. 3Ińge Ephrayim do taṛamiń cetʼade tahẽkana, ińgeń hewekan tahẽkana; menkhan uniren hoṛko do bako bujhạuleda, ińge onko doń bogeletʼkoa mente. 4Iń do daya reakʼ baberte ar dulạṛ reakʼ tonolteń calaoetʼko tahẽkana; onkoakʼ taren khon arãṛiń ocokʼkeda ar eṅgotʼkateń jom ocoyetʼko tahẽkana.
5Israelko mon ạcur bako rebenlente Misorte do bako ruạṛ calakʼa, bickom Ạsurrenko do onko cetanreko rajokʼa. 6Onkoakʼ nagrahakore botorge lạṛhại hoyokʼa; onate onkoakʼ phaṭok duạrko reakʼ huṛkạṛko do rạpudokʼtakoa ar onkoakʼ goṭawakʼ iạte onko doko marao utạrokʼa. 7Ińren hoṛko do iń ṭhen khon ruạṛ calakʼko niṭ akada. Ona iạte onko do maraṅ Isor, metakʼme ińko hohowạńre hõ bạń goṛowakoa.
8 #
Bib 29.23
“E Ephrayim, am do cekateń bạgimea? E Israel, cekate am do eṭakʼ hoṛakʼ tireń jimạmea? Cekate iń do Adma ar Seboyim lekań marao utạrmea? Am lạgitʼ ińakʼ ontor do ahkaokʼkantińa; ińakʼ daya do amre rakabokʼkana. 9Ińakʼ botoranakʼ edre do bạń sodora, Ephrayim do ar bạń marao utạrea, ente iń doń Isor kana, manwa do baṅa; iń do amreń tahenkan uni sonoticʼ kangeạń. Edre do bạń ạguiya. 10Amren hoṛ do ińko pańjayińạ, ente iń do dhạcri kul lekań hạnḍrạukʼa. Ar ińiń hạnḍrạu tayom ińren hoponko do pạchim secʼ khon thar tharaokʼ tulucʼko hijukʼa. 11Misor khon cẽṛẽ leka, ar Ạsur khon do potam leka onko do thar tharaokʼ tulucʼ iń ṭhenko hijukʼa. Ar iń do onkoakʼ oṛakʼregeń dohokoa. Iń Probhu Isorge noa katha doń meneda.”
Israel ar Jihudạwakʼ kại
12Probhu Isore meneda, “Ephrayimakʼ eṛe katha, Israelakʼ phạsiạratetʼ do iń beṛhaete menakʼa. Jihudạ do Isorakʼ, metakʼme uni pạtiạran sonoticʼ reakʼe bebatao akada.
Currently Selected:
Hosea 11: SBT
Highlight
Share
Compare
Copy
Want to have your highlights saved across all your devices? Sign up or sign in
Santali Bible © Bangladesh Bible Society, 2021.
