যিশাইয় আজল্ কধাগান
আজল্ কধাগান
যিশাইয় নাঙানর্ ভেদ্তান্ অলঅ “লগেপ্রভুই উদ্ধোর্ বা পরিত্রাণ”। এ ভেদ্তানত্তুন্ পড়িয়্যেগুনে বোইবোর আজল্ কধাগান বুঝি পারিবাক্। এ ভাববাদীবোর্ লেগাগান ভিদিরে ২৬ বার “উদ্ধোর” কধাগান্ লেগা আঘে আর অন্য ভাববাদীগুনোর বেক্ লেগানি ভিদিরে আগেদে বানা ৭ বার। মানেইয়ত্তে পাপত্তুন্ উদ্ধোরর্ যে দরকার্ সিয়েন ১-৩৯ লামা ভিদিরে কুয়ো ওইয়্যে আর উদ্ধোরত্তে গোজেনে যিয়েনি গোজ্যে সিয়েনি ৪০-৬৬ লামাত্ ভাঙি দিয়্যে ওইয়্যে সিয়েনি ভিদিরে ধর্মীয় গান বোই পত্তমে আর যিশাইয় দ্বিলম্বরত। যিশাইয় নাঙে বোইবো গমেডালে বুঝি পারিলে দেগা যেবদে, এক্কো জাদর্ সমাজর জিংকানি তার ধর্মীয় জিংকানি উগুরে নির্ভর গরে। যিশাইয় যিহূদা রেজ্যর্ মানুচ্চুনোরে উজিয়ার্ গুরিনে কোইয়্যেদে, তারার্ পাজি কাম্ গরানার সাজা তারাত্তুন্ পাহ্ পুরিবো। তে এ কধাগান কোইয়্যেদে, গোজেনে দোয়্যে গুরিনে যিহূদী আর অযিহূদীগুনোত্তে এক্কো উদ্ধোর্ গুরিয়্যে পাধেই দিবো।
মুলুক্ মুলুক্ কধানি:
(ক) যিশাইয় সময়োত্ সাজা আর বর্ পানার আগাম্ কধা (১-৩৫ লামা)
(১) যিহূদা আর যিরূশালেমর সাজা (১-৫ লামা)
(২) যিশাইয়র্ ভাত্যেনা, সিজি অনা আর কামর ভারান্ দান গরানা (৬ লামা)
(৩) ইম্মানূয়েল পৌইদ্যেনে (৭-১২ লামা)
(৪) জাদ্তুনোর সাজা পৌইদ্যেনে (১৩-২৪ লামা)
(৫) কয়েক্কো গান (২৫-২৭ লামা)
(৬) দুদ্দশা আর নুয়ো থিদেবর্ গরানা পৌইদ্যেনে (২৮-৩৫ লামা)
(খ) যিশাইয় বোইবোর্ বিজগর্ ভাগ: হিষ্কিয় পৌইদ্যেনে (৩৬-৩৯ লামা)
(গ) ভবিচ্চদর বন্দির দযাত্তুন্ সান্ত্বনাদিয়্যে-আগাম্ কধা (৪০-৬৬ লামা)
(১) ভবিচ্চদে ইস্রায়েলীয়গুনোর উদ্ধোর (৪০-৪৮ লামা)
(২) মশীহ পৌইদ্যেনে আগাম্ কধা আর ইস্রায়েলীয়গুনে তারে অস্বীগের্ গরানা (৪৯-৫৭ লামা)
(৩) ইস্রায়েলীয়গুনোর পাপ, বিচের্, অাবিলেচ্ হানা আর উদ্ধোর্ গরানা (৫৮-৬৬ লামা)
Currently Selected:
যিশাইয় আজল্ কধাগান: CBT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 Bangladesh Bible Society