যিশাইয় 16
16
1ও মোয়াবীয়গুন, তুমি ধূল্যেচর-চাগালা ভিদিরে সেলাত্তুন্ সিয়োন মুড়োবোত্ দেজর শাজন্গুরিয়্যেগুনো ইদু বক্শিজ্ ইজেবে কয়েক্কো ভেড়া পাধেই দুয়ো। 2পেগো বাহ্ত্তুন ঠিলিনে নিগিলেই দিলে পেগে যেবাবোত্যেগুরি ইন্দি উন্দি ঘুরি বেড়ায় সেবাবোত্যেগুরি মোয়াব মানুচ্চুনে অর্ণোন গাঙান্ আঢিনে পার্ অইদ্যে জাগানত্ ঘুরি বেড়েবাক্।
3তারা কবাক্, “আমারে সল্লা দে; কি গরানা উজিত্ কঅ। তর্ দিবুজ্যেমাদান ছাবাবোরে রেদো আন্ধার ধোক্ক্যেন গর্-যিগুনে ধেই যাদন্ তারারে লুগেই রাগা, আর যিগুনে রোক্ক্যে পেবাত্তে আশ্রয় চান তারারে ধুরি ন-দিচ্। 4মোয়াবর ধেই যেইয়্যে মানুচ্চুনোরে তমা সমারে থেবাত্তে দুয়ো; ভস্ত গুরিয়্যেগুনোর মুজুঙোত্তুন্ তারারে লুগেই রাগঅ।”
যিহূদাত্ অত্যেচারীগুনে শেজ্ ওই যেবাক্; ভস্তর্ কামানি থামেব। দেজত্ আক্রমণ গুরিয়্যেগুনোরে আর দেগা ন-যেবঅ। 5অমকদ কোচ্পানালোই দায়ূদোর রাজঘরত্ এক্কান সিংহাসন থিদেবর্ গরা অবঅ; এক্কো বিশ্বেজি মানুচ্ তা উগুরে বুজিবো। তে গমেডালে বিচের গুরিবো আর যাদিমাদি ন্যায় জিনিস্ছান থিদেবর্ গুরিবো।
6আমি মোয়াবর দেমাগর্ কধা শুন্ন্যেই, তে অমকদ দেমাগ্। তার বাড়্বো কধা, নিজোরে দাঙর্ গুরিবার কধা আর বেক দেমাগর্ কধানি শুন্ন্যেই, মাত্তর্ তার বেক বাড়্বো গরানাগানি মিজে। 7সেনত্তে মোয়াবীয়গুনে তারার্ দেজত্তে একসমারে রঅ ছাড়ি ছাড়ি কানিবাক্, কীর্-হরসতর কিশমিশ পিঠেত্তে তুমি রঅ ছাড়ি ছাড়ি কানিবা আর আবিলেচ্ গুরিবা। 8হিষ্বোনর খেত্তানি আর সিব্মার আংগুর লুদিগানি শুগেই যেইয়্যে। জাদ্তুনোর শাজন্গুরিয়্যেগুনে গম্ গম্ আংগুর গাজ্ মাড়ি যেইয়োন; সিগুন একদিন যাসের সং যেইনে লুমিদাক্ আর ধূল্যেচর-চাগালান্দি ছিদি যেদাক্। সিয়েনির লুদিগানি আরঅ ছিদি পড়িনে বড়গাঙ্ পার ওই যেইয়্যে। 9সেনত্তে মুই যাসের ধোক্ক্যেন সিব্মার আংগুর লুদিগানত্তে কানঙর্। ও হিষ্বোন, ও ইলিয়ালী, মুই চোগো পানিয়ে তমারে ভিজেম্। পাগানা ফল আর খেত্-খেত্তিগানি কাবিবাত্তে তমা হুজির্ রঅ ছাড়ানা থামেই দিয়্যে ওইয়্যে। 10ফল বাগানানিত্তুন্ ফুত্তি আর হুজির ভাব্পান দূর্ গরা ওইয়্যে। আংগুর-খেদত্ আর কনজনে গান বা রঅ ন-ছাড়ে, আর আংগুর মাড়েদে জাগানত্ কনজনে মাড়িনে রস ন-নিগিলেন, কিত্তে সে রঅ ছাড়ানাগান বন্দ গুরি দিয়্যে ওইয়্যে।
11মঅ মনান মোয়াবত্তে, মঅ ভিদিরেদিগান কীর্-হরসতত্তে বীণা ধোক্ক্যেন গুরি কানের্। 12মোয়াবে যেক্কে বুঝি পারিবো, তা পূজোবোর অজল্ জাগানত্ যেইনে লাভ্ ন-অর্ সেক্কে তবনা গুরিবাত্তে তে তা মন্দিরোত্ যেবঅ, মাত্তর্ সিয়েন্দোয়ো কনঅ লাভ ন-অবঅ।
13লগেপ্রভু মোয়াব পৌইদ্যেনে এ কধাগান আগে কোইয়্যে। 14মাত্তর্ ইক্কিনে লগেপ্রভু কোইয়্যেদে, “চুক্তি গোজ্যে চাগরে যেধোক্ক্যেন্ গুরি বজর্ গুণে সেধোক্ক্যেন গুরি ঠিগ্ তিন বজর ভিদিরে মোয়াবর্ সয়সাগোজ্যে আর তার বোউত্ মান্জ্যরে ঈচ্ গরা অবঅ আর বাঁজি থেইয়্যে মানুচ্চুন্ অবাক জনেদি কম্ আহ্ বলপোজ্যে।”
Currently Selected:
যিশাইয় 16: CBT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 Bangladesh Bible Society
