যিহিষ্কেল 6
6
ইস্রায়েলর মুড়ো-মুড়িগুনো বিরুদ্ধে আগাম্ কধা
1-3লগেপ্রভুর এ কধাগান মইধু ফগদাং অলঅ, ও মান্জ্যর পুয়োবো, তুই ইস্রায়েলর মুড়ো-মুড়িগুন ইন্দি মুয়োন ফিরেইনে কঅ, প্রভু লগেপ্রভু তারা বিরুদ্ধে এ আগাম্ কধানি কোইয়্যেদে, ও ইস্রায়েলর মুড়ো-মুড়িগুন, মঅ কধানি শুনো। মুই প্রভু লগেপ্রভু মুড়ো-মুড়িগুনোরে আর গাদ্ আহ্ কলগ্কানিরে কঙর্, মুই তমা বিরুদ্ধে যুদ্ধোর্ মাধ্যমে তমা পূজোর্ অজল্ জাগায়ানি ভস্ত গুরি দিম্। 4তমা ডালিপূজো বেক্কুন ভস্ত গরা অবঅ আর তমা আগর্বাট্টি ডালিপূজোগুন ভাঙি ফেলা অবঅ। তমা মূত্তিগুন মুজুঙোত্ তমা মানুচ্চুনোরে মুই মারে ফেলেম। 5মুই ইস্রায়েলীয়গুনোর মরাকিয়্যেনি তারার্ মূত্তিগুনো মুজুঙোত্ রাগেম আর তমা পূজোগুনোর্ চেরোকিত্তে তমা আড়ুন ছিদি দিম। 6তুমি যিয়েনত্ বজত্তি গুরিদা সাৎ সিদুগোর্ শঅরানি এনেবাদে পড়ি থেবঅ আর পূজোর্ অজল্ জাগায়ানি ভস্ত অবঅ; সিয়েনর কারনে তমা ডালিপূজোগুন পড়ি থেবাক্ আর বর্বাত্ ওই যেবঅ, তমা মূত্তিগুন কট্টা কট্টা আর ভস্ত অবাক্, তমা ডালিপূজোগুন ভাঙিনে পড়ি যেবঅ আর তমার বানেয়্যে বেক্কানি ভস্ত ওই যেবঅ, 7আর তমা ভিদিরে তমা মানুচ্চুনে মুরিনে পড়ি থেবাক্। ইয়েনি অনার্ পরেদি তুমি হবর্ পেবা যে, মুয়ই লগেপ্রভু।
8“‘মাত্তর্ মুই কিজু মান্জ্যরে বাঁজেই রাগেম্; তুমি যেক্কে নানান্ দেজত্ আর জাদ ভিদিরে ছিদি পড়িবা সেক্কে সেই মানুচ্চুনে মরণর্ আঢত্তুন বাঁজিবাক্। 9সেই বেক্ জাদ্তুনো ভিদিরেত্তুন্ তারা মঅ পৌইদ্যেনে এ কধাগান মনে গুরিবাক্ যে, তারার্ অবিশ্বেজি মনানি আর চোগ্কুন্দোই মরে কিবাবোত্যেগুরি দুঘ্ দুয়োন; সেই মনান্ মত্তুন্ সুরি যেইয়্যে আর সেই চোগ্কুনে তারার্ মূত্তিগুনোরে আওজ্ গুরি কামনা গত্তন্। তারার্ বেক ভান্ন্যেই আর জঘন্য কামানিত্তে তারা নিজেরে নিজে ঘিনেবাক্। 10সেক্কে তারা হবর্ পেবাক্, মুয়ই লগেপ্রভু; তারা উগুরে এ দযাগান আনিবার কধা মুই অনত্তক্ ন-কং।’ ”
11সে পরেদি প্রভু লগেপ্রভু মরে কোইয়্যেদে, তুই আঢত্ আঢ্ দিইনে আর মাদিত্ টেঙ্ দিইনে জোরে আঘাত্ গর্ আর ইস্রায়েল জাদর্ বেক ভান্ন্যেই আর জঘন্য কামানিত্তে জোরে জোরে হাহাকার গর্, কিত্যে তারা যুদ্ধোত্,ভাদরাদে আর ভানালোই মুরিবাক্। 12যে দূরোত্ আঘে তে ভানালোই মুরিবো আর যে কায়-কুরে আঘে তে যুদ্ধোত্ মুরিবো, আর যে বাঁজিবো তে ঘিজ্যে ভিদিরে পড়িনে ভাদরাদে মুরিবো। এবাবোত্যেগুরি মঅ রাগ্কান মুই তারা উগুরে পুরোপুরি গুরি ঢালি দিম্। 13ইস্রায়েলীয়গুনে তারার্ পূজোর্ চেরোকিত্তে মূত্তিগুনো ভিদিরে, বেক্ দাঙর্ দাঙর্ মুড়োগুন উগুরে, ডেলা ছিদি পোজ্যে পত্তি গাজর্ তলে আর পাদালোই ভরা পত্তি এলোন গাজর্ তলাত্, অত্তাৎ যেদক্কানি জাগাত্ তারার্ মূত্তিগুনোর নাঙে তারা তুম্বাজ্ আগর্বাট্টি উৎসর্ব গুরিদাক্ সেই বেক্ জাগানিত্ মুরিনে পড়ি থেবাক্। সেক্কে বাঁজি থেইয়্যে মানুচ্চুনে হবর্ পেবাক্ যে, মুয়ই লগেপ্রভু। 14ইস্রায়েলীয়গুনে যিয়েনত্ থেদাক্ সাৎ মুই তারা বিরুদ্ধে মঅ আঢ্তানি বাবেই দিম্ আর ধূল্যেচর-চাগালাত্তুন্ দিব্লা সং পুরো দেজ্চান মানুচ্ নেইয়্যে আর ভস্ত ওইয়্যে জাগা বানেম্। সেক্কে তারা হবর্ পেবাক্ যে, মুয়ই লগেপ্রভু।
Currently Selected:
যিহিষ্কেল 6: CBT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 Bangladesh Bible Society
