Ha Banaroma 15
15
KUSASIRANA NO KWENDANA.
1Mbe itwe abakizire abandi amani, tulagirwe kwemera obunoge bw’abatali n’amani, no kuleka kwesima itwe abene. 2Buli muntu mul’imwe asemereze owezabo mu bizima, amugumye; 3kuba Kristu tiyayesimire omwene, nk’okwo chandikirwe kiti: Ebizumi by’abakuzuma bikagwera ine. 4Mbe byona ebyandikirwe bikayandikwa kutwolekerera, niho tubone kutegeza mu bweguminsiriza n’obuhumuza bw’Enandiko.
5Mbe Mungu w’obweguminsiriza n’obuhumuza abahe kwendana, ha bwa Yezu Kristu, 6niho n’omutima gumo n’omunwa gumo mukuze Mungu, Ise Omukama wetu Yezu Kristu. 7Hatyo mukolerane nk’okwo Kristu yabakolere, ha bw’ikuzo lya Mungu. 8Kuba nkubagambira okwo Kristu Yezu yakolere abasazirwe, kuber’obwekomereza bwa Mungu, ahich’ endagano hali batatenkuru; 9kandi niho abasenzi bakuze ekisa cha Mungu, nk’okwo chandikirwe kiti: Nicho, Mukama wange, nkwatulirira ikuzo lyawe mu mahanga, ninemberera izina lyawe#15, 9 Mungu akachungul’abantu b’amahanga gona: Abayahudi akabachungula kuba yaliga yalagene nabo, kai abasenzi akabasasira chonka.. 10Kandi kikayandikwa kiti: Imwe mahanga, musemererwe n’ihanga lye. 11Kai ekindi kiti: Mukuze Omukama, imwe mahanga gona; kai mumukumure, imwe embaga zona. 12Izaiya wena nagira ati: Aliboneka omutenga gwa Yese, alimuka kutwara amahanga; amahanga galitegeza muli wenene. 13Mbe Mungu w’obutegeza abezuze obusemererwa bwona n’omulebo mu kwikiriza, niho mukanisibwe obutegeza n’amani g’Omwoyo Mutakatifu.
PAULO AKWEYOGA NASABA ESALA.
14Mbe ha bwange, bana betu, nkumanya kimo okwo mwizwire obwenzi n’obumanyi, niho muhiche kuhanana. 15Hatyo nabayandikira kihigi raba, ninenda kubezukiza ebyo mumanyire, ha bw’enema eyo Mungu yampere, 16mbe ntumwa ya Kristu Yezu mu mahanga, nintambira Mungu Evanjeli#15, 16 Paulo akususanisya obwolekerezi bw’Evanjeli n’ekitambo., niho asemererwe kuherezibwa abasenzi, abatakatifuzibwe Mwoyo Mutakatifu. 17Mbe hatyo ndi n’ensonga zo kwesimira emilimo za Mungu muli Yezu Kristu. 18Kuba tinakuhikize kugamba ebyo Kristu atakolize ine, asindike abasenzi kuhulira, mu bigambo na mu bikorwa, 19n’obuhicha bw’enyamo n’amahano mu mani g’Omwoyo Mutakatifu; hatyo kuruga Yeruzalemu n’ensi za ha luguyo kuhika Iliriko ninolekerera Evanjeli ya Kristu. 20Nawe tinayolekerere Evanjeli aho Kristu yaliga yamanyisibwe, ntaba kwombeka ha luhazu lw’abandi, nk’okwo chandikirwe kiti: 21Abaliga batakamanyisibwe ebye balibona; n’abatahulize balisombokerwa.
22Echo nicho chanzibire kengi kubazaho, kai nazibirwe kuhika lero. 23Nawe hati, obwo ntakili n’emilimo mu nsi zinu, n’obwo nkwegonga kuruga myaka mingi kubazaho, 24ka ndigenda Buhispaniya, nkutegeza kuraba owanu no kubabona, kai imwe n’imwe mulansagara okwo, namazire kusemererwa kake n’emwe. 25Nawe hati nkugenda Yeruzalemu kuhwera abatakatifu. 26Kuba aba Masedoniya n’ab’Akaiya baketegeka kukwat’empilya zo kuhwera abahabi bo mu batakatifu ba Yeruzalemu. 27Nibasemererwa kukola batyo, obwo bakusana kuti bali n’ibanza hali bonene. Obwo abanamahanga bakobere nabo ebizima by’omwoyo, ni kuzima bakobere n’ebizima by’engingo. 28Mbe ka ndamara omulimo ogwo, namazile no kubaha ebintu ebyo, ndiraba owanu ningenda Buhispaniya. 29Nkumanya okwo kubazaho, ndigenda n’omugisa mwingi gw’Evanjeli ya Kristu.
30Mbe, bana betu, nkubalembereza ha bw’Omukama wetu Yezu Kristu na ha bw’obwenzi bw’Omwoyo Mutakatifu, mumpwere n’esala zanu hali Mungu, 31niho nkire mu batekiriza abali Yudeya, kai abatakatifu ba Yeruzalemu bayanankule kuzima omuherezo ogwo nkubaletera, 32hatyo mpike owanu n’obusemererwa, raba nikwo kwenda kwa Mungu, mpumure n’emwe. 33Mungu w’omulebo abe n’emwe mwena! Amina.
Currently Selected:
Ha Banaroma 15: KED1946
Highlight
Share
Copy
Want to have your highlights saved across all your devices? Sign up or sign in
First published in 1946 by the White Fathers. Published online with the permission of the White Fathers.
Ha Banaroma 15
15
KUSASIRANA NO KWENDANA.
1Mbe itwe abakizire abandi amani, tulagirwe kwemera obunoge bw’abatali n’amani, no kuleka kwesima itwe abene. 2Buli muntu mul’imwe asemereze owezabo mu bizima, amugumye; 3kuba Kristu tiyayesimire omwene, nk’okwo chandikirwe kiti: Ebizumi by’abakuzuma bikagwera ine. 4Mbe byona ebyandikirwe bikayandikwa kutwolekerera, niho tubone kutegeza mu bweguminsiriza n’obuhumuza bw’Enandiko.
5Mbe Mungu w’obweguminsiriza n’obuhumuza abahe kwendana, ha bwa Yezu Kristu, 6niho n’omutima gumo n’omunwa gumo mukuze Mungu, Ise Omukama wetu Yezu Kristu. 7Hatyo mukolerane nk’okwo Kristu yabakolere, ha bw’ikuzo lya Mungu. 8Kuba nkubagambira okwo Kristu Yezu yakolere abasazirwe, kuber’obwekomereza bwa Mungu, ahich’ endagano hali batatenkuru; 9kandi niho abasenzi bakuze ekisa cha Mungu, nk’okwo chandikirwe kiti: Nicho, Mukama wange, nkwatulirira ikuzo lyawe mu mahanga, ninemberera izina lyawe#15, 9 Mungu akachungul’abantu b’amahanga gona: Abayahudi akabachungula kuba yaliga yalagene nabo, kai abasenzi akabasasira chonka.. 10Kandi kikayandikwa kiti: Imwe mahanga, musemererwe n’ihanga lye. 11Kai ekindi kiti: Mukuze Omukama, imwe mahanga gona; kai mumukumure, imwe embaga zona. 12Izaiya wena nagira ati: Aliboneka omutenga gwa Yese, alimuka kutwara amahanga; amahanga galitegeza muli wenene. 13Mbe Mungu w’obutegeza abezuze obusemererwa bwona n’omulebo mu kwikiriza, niho mukanisibwe obutegeza n’amani g’Omwoyo Mutakatifu.
PAULO AKWEYOGA NASABA ESALA.
14Mbe ha bwange, bana betu, nkumanya kimo okwo mwizwire obwenzi n’obumanyi, niho muhiche kuhanana. 15Hatyo nabayandikira kihigi raba, ninenda kubezukiza ebyo mumanyire, ha bw’enema eyo Mungu yampere, 16mbe ntumwa ya Kristu Yezu mu mahanga, nintambira Mungu Evanjeli#15, 16 Paulo akususanisya obwolekerezi bw’Evanjeli n’ekitambo., niho asemererwe kuherezibwa abasenzi, abatakatifuzibwe Mwoyo Mutakatifu. 17Mbe hatyo ndi n’ensonga zo kwesimira emilimo za Mungu muli Yezu Kristu. 18Kuba tinakuhikize kugamba ebyo Kristu atakolize ine, asindike abasenzi kuhulira, mu bigambo na mu bikorwa, 19n’obuhicha bw’enyamo n’amahano mu mani g’Omwoyo Mutakatifu; hatyo kuruga Yeruzalemu n’ensi za ha luguyo kuhika Iliriko ninolekerera Evanjeli ya Kristu. 20Nawe tinayolekerere Evanjeli aho Kristu yaliga yamanyisibwe, ntaba kwombeka ha luhazu lw’abandi, nk’okwo chandikirwe kiti: 21Abaliga batakamanyisibwe ebye balibona; n’abatahulize balisombokerwa.
22Echo nicho chanzibire kengi kubazaho, kai nazibirwe kuhika lero. 23Nawe hati, obwo ntakili n’emilimo mu nsi zinu, n’obwo nkwegonga kuruga myaka mingi kubazaho, 24ka ndigenda Buhispaniya, nkutegeza kuraba owanu no kubabona, kai imwe n’imwe mulansagara okwo, namazire kusemererwa kake n’emwe. 25Nawe hati nkugenda Yeruzalemu kuhwera abatakatifu. 26Kuba aba Masedoniya n’ab’Akaiya baketegeka kukwat’empilya zo kuhwera abahabi bo mu batakatifu ba Yeruzalemu. 27Nibasemererwa kukola batyo, obwo bakusana kuti bali n’ibanza hali bonene. Obwo abanamahanga bakobere nabo ebizima by’omwoyo, ni kuzima bakobere n’ebizima by’engingo. 28Mbe ka ndamara omulimo ogwo, namazile no kubaha ebintu ebyo, ndiraba owanu ningenda Buhispaniya. 29Nkumanya okwo kubazaho, ndigenda n’omugisa mwingi gw’Evanjeli ya Kristu.
30Mbe, bana betu, nkubalembereza ha bw’Omukama wetu Yezu Kristu na ha bw’obwenzi bw’Omwoyo Mutakatifu, mumpwere n’esala zanu hali Mungu, 31niho nkire mu batekiriza abali Yudeya, kai abatakatifu ba Yeruzalemu bayanankule kuzima omuherezo ogwo nkubaletera, 32hatyo mpike owanu n’obusemererwa, raba nikwo kwenda kwa Mungu, mpumure n’emwe. 33Mungu w’omulebo abe n’emwe mwena! Amina.
Currently Selected:
:
Highlight
Share
Copy
Want to have your highlights saved across all your devices? Sign up or sign in
First published in 1946 by the White Fathers. Published online with the permission of the White Fathers.