Revelation 10
10
CHAPTIR TEN.
The wee bookie open; sweet to the taste, but ill to disgeist.
1And I saw anither, a michty Angel, comin doon oot oʼ Heeven, clad wiʼ a clud; and a rainbow on his heid; and his face as the sun, and his feet as lowin pillars.
2And he had in his haun a wee #10:2 Wasna this the Scripturs, or at least the New Testament? nevir weel‐openʼt and understude till the days oʼ prentin and the Reformation.bookie open; and he set his richt fit on the sea, and his left fit on the lanʼ;
3And cryʼt oot wiʼ a soondin voice, as a lion wad roar. And whan he cryʼt oot, seeven thunners spak wiʼ their voices.
4And when the seeven thunners spak I was gaun to write; and I heard a voice oot oʼ Heeven, sayin, “Bind ye up the things the seeven thunners spak, and write‐them‐na!”
5And the Angel I saw staunin on the sea and on the lanʼ, liftit his richt haun toward heeven,
6And swure by him wha leeves for evir‐and‐evir, wha creatit the heeven and aʼ thar‐in, and the yirth and aʼ thar‐in, and the sea and aʼ thar‐in, that “The delay was endit!”
7But iʼ the days oʼ the seeventh Angel, whaneʼer he soud begin to soond, soud be perfetit the secret oʼ God; conform to the Gude‐tidins he has declarʼt to his ain servants the prophets.
8And the voice I heard oot oʼ heeven heard I again talkin wiʼ me, and saying, “Awa! tak the wee bookie, the open ane, iʼ the haun oʼ the Angel that stauns on the sea and on the lanʼ.”
9And I gaed awa to the Angel, and says to him, “Gie the wee bookie to me!” And he says to me, “Tak it, and eat it up; and it sal be bitter within ye, but iʼ yere mouʼ it sal be sweet as hinny!”
10And I took the wee bookie oot oʼ the Angelʼs haun, and ate it up; and it was iʼ my mouʼ as hinny sweet; and whan I had eaten it, it was bitter within me.
11And quoʼ they to me, “Ye maun prophesie yet again to mony folk, and nations, and tongues, and kings!”
Currently Selected:
Revelation 10: SCO1904
Highlight
Copy
Compare
Share
Want to have your highlights saved across all your devices? Sign up or sign in
Translated by Rev William Wye Smith. Published in Paisley, Scotland in 1904.
