Revelation 1
1
CHAPTIR ANE.
John to the Seeven Kirks; and the braw blinks he had oʼ Christ, on the Lordʼs Day.
1A revealin oʼ Jesus Christ, that God gied to him, to mak kent to his servants the things that bude come to pass; and he sent and schawed by signs, throwe his Angels, to his servitor John:
2Wha bure witness anent the word oʼ God, and the testifyin oʼ Jesus Christ, and as mony things as he saw.
3Happy he wha reads, happy they wha listen to the words oʼ the Revealin, and keeps the things sae putten‐doon; for the time rows on!
4John to the Seeven Kirks that are in Asia: lovin‐favor to ye, and peace, frae Wha‐Is, and Wha‐Was, and Wha‐is‐to‐Be; and frae the #1:4 Some expone it as a seeven‐fauld manifestation oʼ the attributes oʼ God; and some as seeven Archangels oʼ pooer; but we are wyss to haud wiʼ the feck oʼ the interpreters, wha tak it to mean the Holie Spirit, in aʼ his mony ways oʼ workin.seeven Spirits that are afore his thron.
5And frae Jesus Christ, the leal witness, “the first‐born oʼ the deid, the heid oʼ the kingly anes oʼ the yirth.” To him wha loʼes us, and lowsed us oot oʼ oor sins wiʼ his blude,
6And made oʼ us a kingdom! priests to his God and Faither; to him be glorie and dominion for evir and aye. Amen!
7Tak tent! he comes in cluds, and every ee sal see him, and they that pierced him; and aʼ the tribes oʼ the yirth sal maen for him.
8“I am the Alpha and the Omega,” says God, “Wha‐Is, and Wha‐Was, and Wha‐is‐to‐Be, the Almichty!”
9I John, yere brither, and yere marrow in dool, and the kingdom, and the tholin, in Jesus, was iʼ the Isle caʼd Patmos, for the sake oʼ the word oʼ God, and the witness oʼ Jesus.
10I cam to be iʼ the Spirit on the Lordʼs Day; and heard, ahint me, an awfuʼ voice as oʼ a bugle horn,
11Sayin, “What ye behauld write ye in a buik, and send to the Seeven Kirks; to Ephesus, and to Smyrna, and to Pergamum, and to Thyatira, and to Sardis, and to Philadelphia, and to Laodicea.”
12And I turned me aboot to see the voice that spak to me, and haein turned, I saw seeven gowden lamp‐bearers;
13And in the mids oʼ the seeven gowden lamp‐bearers, Ane like as to the Son oʼ Man, cleedit wiʼ a mantle doon till his fit, and rowʼt aboot the breist wiʼ a gowden girdin‐graith.
14His heid and his locks white, as the white wooʼ, as the snaw; and his een like a lowing #1:14 Here, and in mony places, John quotes or refers to Daniel. See Dan. vii. 9, and x. 6. The twa men were unco like ane anither, iʼ the revelations they had.fire.
15And his feet like tae brass made clear, as gin they war meltit in a furnace; and his voice as the sough oʼ mony watirs.
16And he had in his richt haun seeven starns, and oot oʼ his mouʼ gaed forth a keen twa‐moothed sword; and his countenance was like the sun shinin in his strength.
17And whan I saw him, I loutit doon at his feet as ane deid. And he laid his richt haun on me, and quoʼ he, “Be na fleyʼt! I am the first and the last;
18“And the Leevin‐Ane; and I was deid, and behauld! leevin am I for evir and aye, and I hae the keys oʼ death and the pit.
19“Set doon, than, the things ye saw, and the things that are, and the things that are sune to come eftir thir present things.
20“The secret oʼ the seeven starns that ye saw on my richt haun, and the seeven lamp‐bearers oʼ gowd: the seeven starns are the messengers oʼ the Seeven Kirks; and the seeven lamp‐bearers are the Seeven Kirks.”
Currently Selected:
Revelation 1: SCO1904
Highlight
Copy
Compare
Share
Want to have your highlights saved across all your devices? Sign up or sign in
Translated by Rev William Wye Smith. Published in Paisley, Scotland in 1904.
