1 Thessalonians 4
4
CHAPTIR FOWR.
Folk soud be pure iʼ their life, wha look for the comin oʼ the Lord!
1And forby, we entreat ye, brethren, and coonsel ye iʼ the Lord Jesus, that eʼen as ye had frae us hoo ye soud be walkin and pleasin God — eʼen as ye are walkin — that ye abound yet mair and mair.
2For ye ken whatna chairges we gied ye throwe the Lord Jesus.
3For this is a thing God desires, eʼen yere holiness; that ye keep frae lecherie.
4That ye soud ken, ilk ane oʼ ye, to possess himsel oʼ his ain body in holiness and honor.
5No iʼ the passion oʼ ill‐desires; eʼen as the heathen wha ken‐na God;
6That nae man gang ayont, and defraud iʼ this maitter his brither; for an avenger is the Lord anent aʼ thir, eʼen as we tellʼt ye afore, and testifyʼt.
7For God didna caʼ ye to vileness, but to holiness.
8He, than, that disna heed, disregairds no a man, but God; wha gies his Holie Spirit to ye.
9But, anent love to the brethren, ye need‐na that I write to ye; for ye yersels are instruckit oʼ God to loʼe ane‐anither.
10And, in truth, ye do sae to aʼ the brethren that are iʼ the hail oʼ Macedonia. But we entreat ye, brethren, that ye owerflow yet the mair.
11And that ye ettle to be quate, and mind yere ain affairs, workin wiʼ yere ain hauns, eʼen as we gaʼe ye chairge;
12That ye may walk honorably toward thae that are oot‐by; and that ye may lack in nocht.
13But we desire‐na ye soud be ignorant, brethren, as to the faun asleep, least ye be sorrowin conform to the lave, wha hae nae hope.
14For gin we believe that Jesus deeʼt and raise again, eʼen sae sal God lead oot thae wha fell asleep in Jesus, wiʼ him.
15For this to you we say, by the word oʼ the Lord, that we, wha are leevin to the comin oʼ the Lord, sal in naegate win forrit afore them wha are faun asleep.
16For the Lord himsel sal come doon frae Heeven wiʼ a shout, wiʼ an Archangelʼs voice, and a trumpet oʼ God; and the deid in Christ sal rise foremaist.
17Eftir that, we, the leevin that are left, aʼ at ance, thegither wiʼ them, sal be claught awa in cluds to meet the Lord iʼ the lift: aud sae at aʼ times, thegither wiʼ the Lord sal we be!
18Sae than, comfort ye ane‐anither wiʼ thir words.
Currently Selected:
1 Thessalonians 4: SCO1904
Highlight
Share
Copy
Want to have your highlights saved across all your devices? Sign up or sign in
Translated by Rev William Wye Smith. Published in Paisley, Scotland in 1904.
