SALM 65
65
Lawmhnak le Thangṭhatnak
David Hla
1Maw Pathian, nang cu kan
thlacamnak a kan lettu
na si caah
2Zion ah kan in thangṭhat lai i
na sinah bia kan i kammi kha
kan in pek lai.
3Mi vialte nih an sualnak cu na hmaiah
an phuan lai:
kan sualnak cu kan caah a rit tuk
hringhran,
nangmah lawnglawng nih
na kan thianhpiak khawh.
4Nangmah nih na thimmi hna cu
an lung aa lawm,
na hmunthiang ah na umtermi hna
mi lunglawm an si!
Na inn chung i a ummi thil ṭha cu
kan khim lai i
a thiangmi na biakinn chung
thil ṭha cu kan i zaa lai.
5Maw Pathian, kan Khamhtu,
thla kan cam tikah na kan leh i
khuaruahhar thil na tuahmi in
na kan khamh.
Vawleicung mi vialte le a hla bik
rili ral i a ummi hmanh nih
an in bochan.
6Na ṭhawnnak in tlang pipi hna cu
an umnak hmun ah khan
na umter hna i
a ṭhawngmi na lianhngannak cu
na langhter.
7Rili thawng cu na daihter i
tilet thawng cu na nemter;
mi au thawng cu na daihter.
8Thil lianngan na tuahmi hna ruangah
vawlei cu a dihlak in a thin
a phang.
Vanhramdeng in vanhramdeng tiang
na tuahmi thil kha mi nih
an thangṭhat i an lawmh.
9Ram cu na dawt caah a cungah
ruah na surter;
na rumter i a vawlei na ṭhatter.
A chung i na umtermi tiva cu
an kao bal lo,
cu tiva hna nih cun rawl
a phunphun an chuahter —
cucu nangmah tuahmi a si.
10An thuanmi lo cu ruah ti na pek i
ciap tein ruah nih cun a surh;
vawlei cu na nemter i thlaikho kha
na ṭhanter hna.
11Na ṭhatnak nih kum ṭha a vuiter.
Na kalnak paoh ah rawl tampi a um.
12Saṭil tlonnak hmun cu saṭil run in
an khat i
tlangpang hna cu lawmhnak in
an khat.
13Ram hnonak hmun cu tuu in an khat i
nelrawn cu facang in an khat;
lunglawmhnak in an au i hla an sa.
Currently Selected:
SALM 65: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
