SALM 43
43
Sal I A Tangmi Thlacamnak
(Slm 42 peh)
1Pathian, ka sual lo kha
ka thanhpiak law
Pathian zei i a rel lomi hna lakah hin
ka bia ka chimpi tuah;
lihchim hmangmi le miṭhalo hna kut
chung hin ka chuah tuah.
2Nangmah cu a ka hupphengtu Pathian
na si;
zeicahdah na ka kaltak?
Ka ral nih an ka hremnak hi
zeicahdah ka in zungzal ko lai?
3Na ceunak le na biatak cu
run thlah hna law,
ka hruai hna seh
na tlang thiang Zion ah cun
ka kalpi ṭhan hna seh law
na umnak na biakinn ah cun
ka hruai hna seh.
4Cun Pathian, nangmah nih
lunglawmhnak le thanuamnak
na ka pek caah,
na biakṭheng ah cun
ka hung kal lai;
ka tingtang cu kaa tum lai i
nangmah thangṭhatnak cu
hla in ka sa lai,
Maw Pathian, ka Pathian.
5Zeicahdah ka ngaih a chiat?
Zeicahdah ka lungre a theih?
Pathian cu kaa bochan ṭhan lai i
ka Khamhtu le ka Pathian cu
ka thangṭhat ṭhan lai.
Currently Selected:
SALM 43: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
