SALM 38
38
Temhnak A Ingmipa Thlacamnak
David Hla
1 Bawipa, na thinhung hlah law,
ka si hlah.
Na thinhun in dan ka tat hlah.
2Dan cu na ka tat cang i
na ka hrem cang;
na ka tuk cikcek cang.
3Na thin a hun caah ṭhalo tein ka zaw;
ka sual ruangah ka pum cu
a dihlak in a zaw.
4Ka sualnak tilet chungah ka pil i
ka sualnak cu an rih caah tangah
an ka hnuh.
5Ka hruh caah ka hma cu a thu i
a man.
6Ka keng zong a kul dih i ka ril ko;
chun nitlak ngaihchia in ka um.
7Ka tak cu fak piin a lin i zual ngaiin
ka zaw.
8Ka tha a dih cikcek i ka ril ko,
lungrethei le sivang in ka hram.
9 Bawipa, ka duhmi cu na hngalh;
ka hramnak vialte cu na theih dih.
10Ka lung a tor, ka tha a dih i
ka mit a maw.
11Ka hma le ka rung ruangah,
ka hawi le ka innpa nih a naih
hmanh an ka duh lo;
ka chungkhat hmanh nih
an ka hrial.
12Thah a ka duhmi nih rap
an ka chiahhnawh i
ka cungah fahnak tlunter
a duhmi nih khan,
kan in hloh cang lai, tiah
an ka tlerh;
keimah hrawhnak ding kha
chun nitlak in an tim.
13Hnachet bantuk ka si i khua ka thei
kho lo,
holh aa bantuk ka si i ka holh
kho lo;
14khua a theih lo ca i an chawnh tikah
zeihmanh a let kho lomi hna
bantuk ka si.
15 Bawipa, nangmah kha kan bochan;
Bawipa ka Pathian, nangmah nih
na ka leh lai.
16Harnak ka in ruangah ka ral hna hi
diriam in umter hna hlah,
ka tluk hi an i porhlawtnak ah
canter hlah.
17Ka tlu dengmang i ka nganfahnak nih
hin a ka tlaih peng ko.
18Ka sualnak cu ka phuan hna.
asinain lungrethei in ka um
ṭhiamṭhiam.
19Ka ral cu ngandam le thazang ṭhawng
in an um ṭung;
sullam um loin a ka huami
an tam tuk.
20Ahmaanmi thil kha tuah kaa zuam
caah ṭhatnak cu chiatnak in
a lehrulmi pawl nih khan
an ka doh.
21 Bawipa, ka hlawt sawh hlah,
ka Pathian, ka kaltak sawh hlah.
22 Bawipa ka khamhtu, atu ah
ka bawm ko!
Currently Selected:
SALM 38: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
