SALM 36
36
Minung Sualning
David Hla
1Sualnak nih miṭhalo cu
a lungchung thukpi ah
bia a chimh i
Pathian kha a hlawt i a ṭih lo. #Rom 3.18
2Amah le amah sang tuk i
aa ruah caah cun
Pathian nih ka sualnak kha
a hmu lai lo i
sual a ka phaw lai lo tiah a ruah.
3A kaa chuak bia cu bia ṭha lo le lih
lawng an si i
mifim si i thil ṭha tuah kha
a ngol cang.
4Ihkhun cung i a zau lio hmanh ah
thil ṭha lo lawng kha a tuak,
a tuahmi kha thil ṭha a um lo i
thil ṭha lo kha a hua hna lo.
Pathian Ṭhatnak
5 Bawipa, a fekmi na dawtnak cu
van a tawng i
zumhawktlak na sinak cu
van a phan.
6Na dinnak cu tlang nganpi bantukin
a fek i
na biakhiahnak cu rilipi bantukin
a thuk.
Bawipa, nangmah nih minung le
saram cu na zohkhenh hna.
7Maw Pathian, zeitluk in dah
na dawtnak hi a sun!
Na thla tangah mi nih dornak
an hmuh.
8Na inn in a chuakmi rawl kha
duhdim tein an ei i
na ṭhatnak tiva chung khan
ti na pek hna.
9Nang cu nunnak vialte hram na si;
nangmah ceunak thawngin
kannih nih ceunak kha kan hmuh.
10Nangmah an hngalmi kha
daw zungzal ko hna law
a dingmi cungah khan ṭhatnak
tuah zungzal ko.
11Miruamkai nih khan ka tu hna
hlah seh,
miṭhalo nih khan ka zamter hna
hlah seh.
12Miṭhalo an rilhnak kha zohhmanh!
Khika ah khin an ril,
an tho kho ti lo.
Currently Selected:
SALM 36: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
