SALM 29
29
Thlichia Chungah Bawipa Aw
David Hla
1Nannih pathian hna, Bawipa cu
thangṭhat ko u;
a sunparnak le a lianhngannak cu
thangṭhat u. #Slm 96.7-9
2 Bawipa min sunglawi cu thangṭhat u,
A Thiangmi Bawipa cu a langh tikah
a hmaiah kun u.
3 Bawipa aw cu rili cungah a thang,
a sunglawimi Pathian cu khuari
bantukin a ri i
a aw cu rili cungah khan
a thang dih.
4 Bawipa aw cu a than khawh chung le
a ṭhawn khawh chungin a thang!
5 Bawipa aw nih cun sidar thing kha
a khiah dih hna,
Lebanon tlang sidar hmanh kha
a khiah dih hna.
6Lebanon tlang cu cawfa bantukin
a pehter hna i
Hermon Tlang cu fungtum no
bantukin a choiter.
7 Bawipa aw nih ṭek kha a tlakter.
8A aw nih thetse ram kha a hninh hna,
Kadesh thetse ram kha a hninh in
a hninh.
9“Pathian cu thangṭhat ko u,” tiin
a biakinn chungah an au lioah,
Bawipa aw nih cun sakhi kha
fa a hrinter hna i
thingkung kha an hnah vialte
a choih dih hna.
10Rili thuk pipi kha Bawipa nih a uk hna,
siangpahrang bantukin zungzal in
a uk hna.
11 Bawipa nih a mi cu thazang
a pek hna i
thluachuah daihnak a pek hna.
Currently Selected:
SALM 29: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
