SALM 28
28
Bawmh Halnak Thlacam
David Hla
1Maw Bawipa, nangmah cu kan auh,
ka himnak lungpi,
ka aunak cu ka theihpiak tuah.
Na ka leh lo ahcun mithi khua i
a kalmi hna bantuk ka si ve sual lai.
2Nangmah bawmhhal awkah ka au i
na biakinn thiang lei hoih in
ka kut ka hler tikah
ka aunak kha ka theihpiak tuah.
3Miṭhalo hna, thil ṭhalo a tuahtu hna
sinah khan sual ka phaw hlah —
annih cu a bia a thlum ṭung i
an lungthin vial huatnak in
a khatmi an si.
4An tuahmi thil ruangah khan
dantat hna,
thil ṭhalo an tuahmi vialte ruangah
khan, dantat hna.
An rianṭuanning in lehrul ko hna
hmuh awk an i tlakmi kha
pe ko hna. #Biat 22.12
5 Bawipa nih a tuahmi thil kha
zeihmanh ah an rel lo i
a sermi thil zong kha
zeihmanh ah an rel lo;
cucaah dan a tat hna lai i zungzal in
a hrawh hna lai.
6 Bawipa cu thangṭhat tuah u;
bawmh hal in ka aunak kha
a theih cang!
7 Bawipa nih a ka huh i a ka phenh;
amah cu kaa bochan ko.
A ka bawmh i kaa lawm,
cucaah amah thangṭhatnak hla
ka sa.
8 Bawipa nih a mi kha a huhphenh hna;
a thimmi a siangpahrang kha
a chanh i a khamh.
9Na mi cu khamh ko hna,
Maw Bawipa;
nangmah ta a simi cu thluachuah
pe ko hna.
An tuukhal si law zungzal in
veng ko hna.
Currently Selected:
SALM 28: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
