SALM 147
147
Lianngan Bik Pathian Thangṭhatnak Caah
1 Bawipa cu thangṭhat u!
Kan Pathian cu hla in thangṭhat hi
a ṭha; amah thangṭhat hi
a nuam i ahmaan.
2 Bawipa nih Jerusalem cu
a remh ṭhan lai,
saltang mi kha a kirpi ṭhan hna lai.
3Lungkuai mi kha a damter hna i
an hma kha a menpiak hna.
4Arfi kha a rel dih hna i
an dihlak in min a bunh hna.
5Kan Bawipa cu a lian a ngan i
ṭhawnnak in a tling,
thil a hngalhning hi tah khawh
a si lo.
6Mi toi i aa dormi cu a cawi hna,
sihmanhsehlaw miṭhalo cu
vawlei ah a rial hna.
7 Bawipa cu hla in thangṭhat tuah u,
kan Pathian cu tingtang aw dawh in
thangṭhat u.
8Van ah khin minmei a zamter;
vawlei kha ruah in a cawm i
tlang cungah ram a khohter hna.
9Saram kha rawl a pek hna i
lang-ak no nih an awnh tikah
rawl a pek hna.
10 Bawipa nih rangtum ṭhawngṭhawng hi
biapi ah a ruahmi an si lo,
ralkap ralṭhami hi a lawmhmi
an si fawn lo;
11asinain a lung a tongmi cu
amah a ṭihmi le a fekmi
a dawtnak aa bochanmi kha
an si.
12Jerusalem, Bawipa cu thangṭhat tuah!
Zion, na Pathian cu thangṭhat tuah!
13Amah nih na kutka kha a fehter hna,
na mi kha thluachuahnak
a pek hna.
14Na ramri kha him tein a umter hna i
changvut ṭha bikbik in na paw
an khimter.
15Vawlei ah a nawlbia kha a thlah i
khulrang in a ra phan.
16Sahmul tluk chah in hawhra kha
a tlakter i
leidip bangin dappar kha a ṭhek.
17Rial cu lung tekem bangin a tlakter;
kihnak a run thlahmi cu ahohmanh
nih an celh lo.
18Cun nawlbia kha a vun chuah i
hawhra cu a ti;
thli kha a hranter i ti cu a luang.
19Jakob cu a bia kha a chimh,
Israel cu a nawlbia le a phunglam
kha a pek.
20Miphun dang hna caah cun mah hihi
a tuah hna lo,
a phunglam kha an hngal hna lo.
Bawipa cu thangṭhat u!
Currently Selected:
SALM 147: HCL06
Highlight
Share
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
