SALM 144
144
Siangpahrang Nih Ral Teinak A Hmuh Caah Pathian Kha A Lawmh
David Hla
1 Bawipa, ka lungpi cu thangṭhat
si ko seh!
Amah nih raltuknak kha
a ka cawnpiak i
ka kutdong kha raldoh
a thiamter hna.
2Amah cu a ka hupphengtu lungpi
ka ralhruang a si,
a fekmi ralvenbuk le himnak hmun
a si,
kaa bochanmi phaw a si.
Miphun dang kha ka ke tangah
amah nih a chiah hna.
3Maw Bawipa, minung hi zeidah a si i
a zawn na ruah?
Minung fapa hi zeidah a si i
biapi ah na rel? #Job 7.17-18; Slm 8.4
4Minung cu thaw bantuk men a si ko,
a nun chung ni hna cu a liam zaumi
thladem bantuk men an si ko.
5Maw Bawipa,
van kha run ṭhum hna law
kan sinah rung ṭum tuah,
tlang kha run tawng hna law
meikhu chuah hna seh.
6Nimtlau kha a kenkip ah
lekter hna law
na ral kha ṭhek dih hna;
na thal in kap hna law
zam dih hna seh!
7Cunglei khan run ka banh law
a thukmi ti chung hin
ka chuah tuah;
ramdangmi hna ṭhawnnak
chung hin ka khamh tuah;
8annih cu biatak a chim bal lomi,
biatak ka chim lai tiah chiat
i serh hnu hmanh ah lih a chim
ṭhiamṭhiammi an si.
9Maw Pathian, nangmah cu hla thar in
kan thangṭhat lai,
tingtang kha kaa tum lai i
kan thangṭhat lai.
10Siangpahrang cu teinak kha
na pek hna i
na sal David cu na khamh.
11A puarmi ka ral hna kut chung khan
ka khamh ko,
ramdangmi hna ṭhawnnak chung
hin ka khamh tuah,
annih cu biatak a chim bal lomi,
biatak ka chim lai tiah chiat
i serh hnu hmanh i
lih a chim ṭhiamṭhiammi an si.
12Kan fapale hna cu an tlanval lioah,
a ṭhawngmi thingkung bantuk
si hna seh law,
kan fanule hna cu bawi inn
ṭamhnak tung bantuk si hna seh.
13Kan rawl inn hna cu rawl a phunphun
in khat hna seh,
kan lo lak i a ummi tuu hna nih fa
a thongthong in hring hna seh.
14Kan caw nih fa tampi hring hna
seh law
a lotlaumi le a rawkmi pakhat
hmanh um hna hlah seh.
Kan khuachung lam ah
lungfah ṭahnak thawng
zeihmanh leng hlah seh.
15Hi bantukin a ummi miphun cu
aa lawmmi miphun an si;
an Pathian ah Bawipa a simi hna cu,
lunglawmmi an si.
Currently Selected:
SALM 144: HCL06
Highlight
Share
Compare
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
