SALM 140
140
Huhphenhnak Ca Thlacam
David Hla
1Maw Bawipa, miṭhalo hna kut
chung khan ka khamh ko;
mipuarhrang hna sin khan him tein
ka umter ko.
2Ṭhat lonak khua lawng kha
an khang zungzal ko,
siknak lawng kha an chuahter
zungzal ko.
3An lei cu rul lei bantuk a si i
an bia cu rawchok sivai bantuk a si. Selah #Rom 3.13
4Miṭhalo mi hna kut chung khan
ka huppheng law, maw Bawipa,
ka tluknak ding lawng a tuaktan
lengmangmi hna mipuarhrang
hna sin khan him tein ka umter ko.
5Miruamkai pawl nih khan
rap an ka chiahhnawh,
mihrokhrawl pawl nih khan
sur rap cu an chiah i
lam ah khan keimah foihnak
dingah cun an phah. Selah
6 Bawipa cu ka thawh i, “Nangmah cu
ka Pathian na si,” ka ti.
Bawipa, nangmah bawmhnak hal in
ka aunak cu ka theihpiak ko!
7Maw Bawipa ka Pathian, nangmah cu
ka khamhtu ṭhawng na si,
raltuknak hmun ah
na ka huhphenh.
8Maw Bawipa, miṭhalo cu an duhmi
thil kha hmuhter hna hlah;
thil ṭhalo an khanmi kha
tlinter hlah. Selah
9Ka ral kha teitu siter hna hlah,
an ka tlerhnak cu anmah cung
lila ah tlakter.
10Meiṭil sen nih tlak hna seh law,
chuak kho ti loin khor thuk
chungah tla hna seh.
11Lih in midang sual a puhmi cu,
mi sual an puhnak hna ah khan
thluachuak hna hlah seh;
mipuarhrang cu ṭhat lonak nih khan
tlak hna seh law hrawk hna seh.
12 Bawipa, nangmah nih misifak cu
na ṭanpi hna i
mirethei cu an hmuh awk hnga
a simi kha na hmuhter hna,
ti kha ka hngalh.
13Miding nih cun an in thangṭhat
taktak lai,
na hmaika ah khan khua
an sa zungzal lai.
Currently Selected:
SALM 140: HCL06
Highlight
Share
Compare
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
