JOB 22
22
Elifaz Nih Job Cu Na Sual Ngaingai A Ti
1Cun Teman mi Elifaz nih a leh i:
2“Minung hi Pathian caah san
a tlai khomi an um hnga maw?
A fimmi hmanh hi Pathian ca i
san a tlaimi an um hnga maw? #Job 35.6-8
3Na din ah, na dinnak nih cun
Lianngan Bik cu zeital a bawm maw?
Na ziaza cu soi awk um lo a si ah tah,
cu nih cun zeital a ṭhathnem maw?
4Ka din caah a ka chimhhrin rua tiah
i ruat hlah,
Hi ruangah hin a ka hneksak rua ti
zongah i ruat hlah.
5Nangmah cu miṭhalo ngai na si i
na sualnak hi dongh a hngalh lo.
6Na unau nih an cawimi tangka
ruangah khan a puan kha
na chuh i aih awk zeihmanh
ngei loin na chiah.
7Tha baami kha din awkah ti na pe
hna lo i
rawl ṭammi kha rawl na sianh
hna lo.
8Cucaah vawlei hi miṭhawng mi hna
ta lawng maw a si?
Hmaizahmi mi tlawmte hna ram
lawng dah a si?
9Nuhmei cu kutro in na kalter hna i
Ngakṭah hna cu chanhtu ngei loin
na tuk hna.
10Cucaah na velchum in rap a um i
ṭihnak nih an tlunhnawh cu
khuaruahhar awk a si lo.
11Ceunak cu mui ah canter a si i cucaah
khua na hmu kho lo, tilian nih
an khuh.
12“Pathian cu van ah khin a sannak bik
ah a um a si lo maw?
A sang bik arfi hmanh khi chuk zoh
in a vun zoh hna.
13Sihmanhsehlaw nang nih cun
naa thawh i,
‘Pathian nih zeidah a hngalh?
Muihnak nih a tuam i
biaceih khawhnak ah khua
a hmu kho lai lo;
14A chahmi khuadawm cu a mit nih
a hlan kho hna lo i
Van kuai cungah khin a kenkip ah
aa chawk len ko,’ na ti.
15Miṭhalo hna nih an zulhmi lam kha
ruat hmanh,
16An caan a tlin hlanah lak an si i
an hram cu tilian nih a fenh hna.
17Hi hna nih hin Pathian cu an thawh i,
‘Kanmah tein um ko u sih,
Lianngan Bik nih cun kan cungah
zeidah a tuah khawh lai?’ an ti.
18Asinain, an inn hna cu thil ṭhaṭha in
a khahtertu cu amah a si
Annih i an i tinhmi le anih i aa tinhmi
cu an i dang ngaingai.
19Miṭhalo mi hna cu dantat an si tikah
Miding mi hna cu an i lawm i
a sual lomi hna cu an ni.
20An ngeihmi thil vialte cu
an rawk dih i
An chawva vialte hna cu mei nih
a kangh dih hna.
21“Atu cu, Job, Pathian he khan
remnak ser law,
na ral ah rel ti hlah law
thluachuahnak na hmuh lai.
22Cawnpiaknak kha a ka in i lak law
a bia cu na lung chungah
i khon hna.
23Lianngan Bik sinah na kir ṭhan i
na lung na ṭhumh i
Na inn chungin dinlonak kha
na dawi i
24Sui kha leidip bantuk ah na rel i
Ofir sui kha tiva lung tekem bantuk
ah na rel ahcun,
25Lianngan Bik hrimhrim cu
na sui a si lai i
Amah cu a chonh in aa chonhmi
na ngun a si lai.
26Khi tikah Lianngan Bik cu
naa bochan zungzal lai i
Amah cu naa lawmhnak a hram
a si kha na hngalh lai.
27A sinah thla na cam lai i an theih lai;
Cun na biahrennak kha na tlinter
hna lai.
28Ka tuah lai, tiah na timi paoh ah
na hlawh a tling lai i
Na lam ah ceunak a tlang lai;
29Zeicahtiah Pathian nih aa porhlawmi
kha a ṭhumh hna i
toidormi kha a khamh hna.
30Zeihmanh a sual lomi kha
a chuah hna,
Na kut a thian caah nangmah
zong an chuah lai,” tiah a ti.
Currently Selected:
JOB 22: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
