JEREMIAH 45
45
Jeremiah Nih Baruk Bia A Cah
1Judah siangpahrang Josiah fapa Jehoiakim a bawi kum li kum ah, profet Jeremiah nih Neriah fapa Baruk sinah a chimmi bia cu hihi a si, Jeremiah nih a auh in a auhmi bia cu Baruk nih khan cauk chungah a ṭial hna. 2“Maw Baruk, Bawipa Israel Pathian nih na sinah hi bangin a ti: 3Naa thawh i, ‘Ngaihchia ka hei si hringhran dah! Ka fahnak cungah Bawipa nih ngaihchiatnak a ka chap; ka aihramnak nih hin a ka nor ko cang i dinhnak zeihmanh ka hmu lo,’ na ti. 4Baruk sinah na chim ding bia cu hihi a si, hi bangin Bawipa nih a ti: Zohhmanh, ka sakmi kha ka ṭheh ṭhan i ka phunmi kha ka phawi ṭhan. Cu bantuk cun vawlei pumpi kha a si lai. 5Na caah thil lianngan kha na kawl hna. Sihmanhsehlaw cu kawl cu ngol ko hna, zeicahtiah mi vialte cungah rawhralnak kha ka tlunter lai, tiah Bawipa nih a ti; nang cu na kalnak paoh ah kan nunter ko lai, sihmanhsehlaw na nunnak lawnglawng kha naa khamh kho lai i zeihmanh a dang na thil cu na chanh khawhmi an um lai lo,” tiah a ti.
Currently Selected:
JEREMIAH 45: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
