ISAIAH 42
42
Bawipa Sal
1 Bawipa nih aa thawh i,
“Hi ka sal hi ka dawmhtlaihmi
ka sal a si —
ka thim i a cung i ka lung a tlingmi
a si.
Amah cu ka ṭhawnnak in ka khahter i
miphun vialte cungah dinnak
a tlunter lai. #Mat 3.17; 17.5; Mar 1.11; Luk 3.22; 9.35 #Mat 12.18-21
2A au a khuang lai lo,
zatlang lam ah thang urmar in
biachimnak a tuah lai lo.
3A derthawmmi cungah khan nem tein
a um lai i
bawmtu a ngei lomi kha a zaangfah
hna lai.
A hmunmi dinnak kha mi vialte
cungah a tlunter lai.
4A lung a dong lai lo, a tha zong
a chia lai lo,
vawlei cungah dinnak kha
a hmunhter lai.
Lamhlat pipi i a ummi ram nih
a cawnpiaknak kha
ngangngan in an hngak ko,” a ti.
5Pathian nih van khi a ser hna i
a samh hna; vawlei le a cung i
a ummi thilnung vialte kha
amah nih a ser hna;
vawlei cung i a ummi vialte kha
nunnak le thaw a pek hna.
Cu Bawipa Pathian nih cun a sal cu
a thawh i, #Lam 17.24-25
6“Vawlei cungah hin dinnak
a len nakhnga,
Bawipa nih nangmah cu kan kawh i
ṭhawnnak kan pek.
Nangmah thawng in miphun kip he
biakamnak ka ser lai i
nangmah thawngin miphun kip sinah
ceunak ka tlunter lai. #Isa 49.6; Luk 2.32; Lam 13.47; 26.23
7Mitcaw cu an mit na auter hna lai i
a muimi thonginn chungah a ṭhumi
cu na luatter hna lai.
8“Keimah lawnglawng hi Bawipa na
Pathian cu ka si.
Ka sunparnak hi pathian dang ahohmanh
hrawm ka duh hna lo i
ka thangṭhatnak hi siasal zeihmanh
hrawm ka duh hna lo.
9Ka rak chimchungmi kha atu cu
an tling cang.
Atu cu thil thar kha kan chimh lai,
um an i timh hlanah hin
kan chimh lai,” a ti.
Thangṭhatnak Hla
10 Bawipa cu hla thar in thangṭhat tuah u;
vawlei vialte hna, a thangṭhatnak
hla cu sa tuah u.
Rili cungah tilawng in a kalmi hna,
amah cu thangṭhat tuah u;
rili chung thilnung vialte hna,
amah cu thangṭhat u.
Lamhlatpi i a ummi ram hna,
hlasa tuah u,
cuka ram i a ummi vialte hna,
hla cu sa tuah u.
11Thetse ram le a chung i a ummi
khua vialte nih Pathian cu
thangṭhat hna seh,
Kedar mi nih amah cu thangṭhat
hna seh.
Sela khua i a ummi cu lunglawmhnak
in tlang cungin a au in
rung au hna seh.
12Lamhlatpi ram i a ummi nih Bawipa cu
thangṭhat hna seh law sunparnak
pe hna seh.
13Mi ralṭha kha raltuk awkah aa thawh
bantukin Bawipa cu aa thawh;
ral tuk awkah cun aa tim i
a hiar in a hiar;
ral hla kha aa thawh i raltuknak
hmun au khan a au;
a ral kha a ṭhawnnak cu
a hmuhsak hna.
Pathian Nih A Mi Kha Bawmh Awkah Bia A Kam Hna
14Pathian nih aa thawh i,
“Caan saupi dai tein ka um i ka mi
kha ka let hna lo.
Sihmanhsehlaw atu cu cawlcangh
a cu cang;
nau ngan a fakmi nu bantukin ka ai.
15Fing le tlang kha ka hrawh hna lai i
ram le thingkung kha ka carter dih
hna lai.
Tiva luannak nelrawn kha thetse
ram ah ka canter dih hna lai i tili
kha ka kaoter hna lai.
16A mit a cawmi ka mi cu, an kal bal
lonak lam khan ka kalpi hna lai.
Muihnak cu ceunak ah ka canterpiak
hna lai i
an hmai i lam bingbo cu lam mil ah
ka ser hna lai.
Hi thil hi tlolh lo tein ka tuah
hrimhrim hna lai.
17Siasal aa bochanmi vialte le
milem cu kan pathian a si tiah
a timi vialte cu
ningzak le hmaichia in an um lai,” a ti.
Israel Mi Nih An Hngal Kho Lo
18 Bawipa nih aa thawh i,
“A hna a chetmi hna, ngai tuah u!
A mit a cawmi hna, ṭha tein
zoh tuah u.
19Ka sal nakin a mit a caw deuhmi
an um ti hnga maw?
Ka thlahmi ka lamkal nakin a hna
a chet deuhmi an um ti hnga maw?
20Israel, nang cu thil tampi
na hmu i na thei,
sihmanhsehlaw na caah zeihmanh
an si lo.
Theihnak ding caah hna cu na ngei?
Asinain zeital na theihmi a um maw?
21 Bawipa cu mi khamh a duhmi Pathian
a si,
cucaah a cawnpiaknak kha
upat hna seh, ti a duh.
22Sihmanhsehlaw atu ah cun a mi
hna cu mi nih an ramh hna,
vawlei tang thonginn chungah
an khumh hna i
thonginn chungah an hrenh hna.
An ramh hna i an thil an chuh hna,
ahohmanh a chanhtu hna an um lo.
23Nannih lakah aho tal hihi
a ngaimi nan um maw?
Atu thawk in hmailei ah tah ṭha tein
a ngaimi nan um maw?
24Aho nih dah Israel cu thil chuttu hna
kut chungah khan a chanh?
Bawipa hrimhrim kha a si, a cung i
sualnak kan tuahmi Bawipa kha
a si.
Cuticun nung hna seh a kan tining in
kan nung duh lo,
a kan cawnpiakmi zong kha
ka ngai lo.
25Cucaah cun a thinhun ṭhawnnak
kha a kan inter i ral hremnak
kha a kan tuarter.
Israel mi hna lakah a thinhunnak
cu mei alh in a alh,
sihmanhsehlaw zei thil dah a um ti
kha kan hngal lo,
kan i cawn khawhmi zong
zeihmanh a um fawn lo.
Currently Selected:
ISAIAH 42: HCL06
Highlight
Share
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
