ISAIAH 25

Thangṭhatnak Hla

1 Bawipa, nangmah cu ka Pathian na

na si,

Kan upat lai i na min kha

ka thangṭhat lai.

Khuaruahharmi thil kha na tuah hna;

hlan lio piin na rak i timhmi thil

kha zumh awk tlak tein

na tlinter hna.

2Khuapi cu na hrawh dih cikcek hna

i an kulhnak ralhau cu na chimh

dih hna.

Kan ral nih an sakmi inn ṭhaṭha cu

an rawk dih cang,

ahohmanh nih an sa ṭhan

ti hna lai lo.

3A ṭhawngmi miphun nih an in

thangṭhat lai i

a puarmi miphun hna khua ah

khan nangmah cu an in ṭih lai.

4Sifak rethei, bawmtu ngei lomi nih

khan an in fuh i

harnak caan ah him tein

na umter hna.

Thlichia a hran tikah an i dornak

na si i

ni a linh tikah an naidem na si.

Mipuar nih cun khuasik caan

thlichia bantuk le

5a ro a carmi hmun i ni lin bantukin

mi kha an tuk an den tawn hna.

Sihmanhsehlaw Bawipa, nang nih cun

kan ral cu na daihter hna i

khuadawm nih ni lin a daihter bangin

mi puarmi au thawng cu na daihter.

Pathian Nih Rawl Danghnak A Timh

6Hi Zion Tlang cungah hin Ralkapbu Pathian nih vawlei cung miphun vialte caah rawl danghnak a timh lai — cu rawl danghnak cu rawl thaw bik le zu thaw bik in a timh lai. 7Miphun vialte cungah minmei bangin a zammi ngaihchiatnak kha a ṭianter lai. 8Bawipa nih thihnak cu zungzal ca in a hrawh lai. Mi vialte cu an mitthli a hnawh hna lai i a miphun nih vawlei cung khuazakip ah zawmhtaihnak an inmi kha a lakpiak hna lai. Hi bia cu Bawipa hrimhrim nih a chimmi bia a si. #1Kor 15.54; Biat 7.17; 21.4

9Cu bantukin thil a hung si tikah mi kip nih an i thawh lai i, “Amah cu kan Pathian a si. Amah cu kan i bochan i a kan chuah. Amah cu Bawipa a si. Amah cu kan i bochan i a kan khamh caah atu cu lunglawm in kan um i kan tha a nuam,” an ti lai.

Pathian Nih Moab Dan A Tat Lai

10 Bawipa nih Zion Tlang cu a huhphenh lai, sihmanhsehlaw capawl kha nawncek chungah an lamhchih bantukin Moab cu vawlei ah lamhchih a si lai. #Isa 15.1—16.14; Jer 48.1-47; Eze 25.8-11; Amo 2.1-3; Zef 2.8-11 11Ti aa liomi nih ti an i lio tikah an kut an samh bantuk khin annih zong nih an kut an samh ve lai, sihmanhsehlaw an ke an chaih fate an i porhlawtnak nih khan an kut cu tanglei ah a hnuh lengmang hna lai. 12Pathian nih Moab ralhau sang pipi hna cu a chimh hna lai i leidip lakah an tlu lai.

Currently Selected:

ISAIAH 25: HCL06

Highlight

Compare

Copy