EZEKIEL 19
19
Ṭah Hla
1Israel bawi hna cu ṭah hla lawh
hna law hi bangin ti hna:
2Nan nu cu chiandeih hna lakah
chiandeih pi a rak si!
Chiandeih no hna lakah a bu kha
a rak ser i
a hrinmi a fa cu an tam.
3A fale lak i pakhat cu a cawm i
chiandeih no ah a hung cang.
Sa seh kha a hun thiam i
mi kha a ei hna.
4Cun miphun hna nih khan
an auhnawh i
an tlung chungah khan an thlak,
Cun Izipt ram ah khan sio in an hruai.
5A nu nih a umtuning kha
ruahchannak a um lo tiah a hmuh
tikah a lung a dong,
Cucaah a fale lak i a dang pakhat kha
a lak i chiandeih tum no ah
a ser ṭhan.
6Chiandeih hna lakah khan aa chawk i
Chiandeih tum no umtuning bantuk
khan a um.
Sa seh kha a hun thiam i mi kha
a ei hna;
7An inn ṭhaṭha kha a hrawh hna i
an khua kha a ṭhio dih hna.
Ram le a chung i a ummi thil vialte
kha a onh thawng an theih tikah
an khuaruah a har dih.
8Cu ram velchum i a ummi ram vialte
hna nih khan an hawhawthnawh i
an dawi ciammam i
Sur in an vorh i khor chungah
an thlak.
9Sio in bawm chungah an hruaih i
Babilon siangpahrang sinah an ratpi i
thong chungah an thlak.
Cucaah Israel ram tlang cungah a aw
cu zeitikhmanh ah theih a si ti lo.
10Nan nu cu ti kam i phunmi mitsur
ruang a rak si,
Ti tampi a um caah thei tampi a tlai i
a hnah cu hring hlerhhlurh in
an um.
11A nge hna cu an ṭhawng i
Uktu bawi ṭhiangṭhunh i ser awk
hmanh ah an i tlak.
A hung sang i a dang cungah khan
a hung fong,
A san caah khan le a nge an tam caah
khan a lang ngaingai.
12Sihmanhsehlaw thinhun in sam a si i
vawlei ah hlonh a si;
Nichuahlei thli nih a chem i a ro dih,
A thei kha a choih dih hna,
A nge ṭhawngṭhawng kha an ro dih i
mei nih a kangh hna.
13Atu cu ramlak ah, a ro a carnak
hmun ah phun a si ṭhan,
14Amah nge chung lila khan
mei a chuak i
a nge vialte cu a kangh dih hna.
Uktu bawi hna ca i ṭhiangṭhunh
i ser awkah a ṭhawngmi nge
a ngei ti lo,’ a ti,”
tiah a ti. Hihi ṭah hla cu a si i zapi hmanmi ah a cang lan.
Currently Selected:
EZEKIEL 19: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
