ගීතාවලිය 97
97
ගීතාවලිය 97
1 ස්වාමින්වහන්සේ රජකම් කරන සේක; පොළොව සොම්නස් වෙත්වා!
වෙරළ හා දිවයින් ප්‍රීති ප්‍රමෝද වෙත්වා!
2වලාකුළු හා අන්ධකාරය උන්වහන්සේ වටා සිටී;
දමිටුකම හා යුක්තිය, උන්වහන්සේගේ සිහසුනේ අත්තිවාරම් ය.
3ගින්න උන්වහන්සේට පෙරටුව ගමන් කර,
හැම පැත්තේ ම සිටින උන්වහන්සේගේ සතුරන් ඉන් දවා දමයි.
4උන්වහන්සේගේ විදුලිය ලෝකය ආලෝක කරයි;
පොළොව ඒ දැක වෙවුලුම් කයි.
5 ස්වාමින්වහන්සේ ඉදිරියෙහි, මුළු පොළොවේ ස්වාමියාණන් ඉදිරියෙහි
කඳු ඉටි සේ දිය ව යන්නේ ය.
6අහස උන්වහන්සේගේ ධර්මිෂ්ඨත්වය ප්‍රකාශ කරයි.
සකල ජනයා උන්වහන්සේගේ මහිමය දකිනු ඇත.
7පිළිම රූප වඳින්නෝ, පිළිම රූප ගැන පාරට්ටු කරන්නෝ,
ලජ්ජාවට පත් වන්නෝ ය.
දෙවි-දේවතා සියල්ලෝ උන්වහන්සේට නමස්කාර කරත්වා!
8අහෝ ස්වාමින්වහන්ස, ඔබගේ විනිශ්චයන් ගැන අසා,
සියොන් පුර ප්‍රීති ප්‍රමෝද වෙයි;
යූදාහි දූවරු සොම්නස් වෙති.
9ඔබවහන්සේ, අහෝ ස්වාමින්වහන්ස, මුළු පොළොවට ඉහළින් මහෝත්තමයාණන් ය;
සියලු දෙවි දේවතාවුනට වඩා ඔබ උතුම් ය.
10 ස්වාමින්වහන්සේට ප්‍රේම කරන්නෝ නපුරට වෛර කරත්වා!
මන්ද උන්වහන්සේ තම විශ්වාසිකයින්ගේ ජීවිත රක්නා සේක්,
දුෂ්ටයින්ගේ අත්වලින් ඔවුන් මුදාලන සේක.
11ධර්මිෂ්ඨයින් පිට ආලෝකය ද
හදවතින් ඍජුවූවන් පිට ප්‍රීතිය ද වගුරුවනු ලැබ ඇත.
12ධර්මිෂ්ඨයිනි, ස්වාමින්වහන්සේ තුළ ප්‍රීති වන්න,
උන්වහන්සේගේ ශුද්ධ වූ නාමයට ප්‍රශංසා කරන්න.
Currently Selected:
ගීතාවලිය 97: SCV
Highlight
Share
Copy
Want to have your highlights saved across all your devices? Sign up or sign in
Holy Bible, Sinhala Contemporary Version™ | © 1980, 1991, 1994, 2011, 2020, 2025 by Biblica, Inc. | Used with permission. All rights reserved worldwide.
