ගීතාවලිය 24
24
ගීතාවලිය 24
දාවිත්ගෙනි. ගීතයකි.
1පොළොවත්, එහි ඇති සියල්ලත් ස්වාමින්වහන්සේගේ ය;
ලෝකය ද එහි වෙසෙනා සියල්ලන් ද උන්වහන්සේගේ ය.
2උන්වහන්සේ එය සයුරු පිට පිහිටූ සේක්,
ජල මතුයෙහි එය ස්ථාපිත කළ සේක.
3 ස්වාමින්වහන්සේගේ කන්දට නැගෙනු ඇත්තේ කවුරු ද?
උන්වහන්සේගේ ශුද්ධස්ථානයේ නැගිට සිටිනු ඇත්තේ කවුරු ද?
4පිරිසිදු අත් ද පවිත්‍ර හදක් ද ඇත්තා ය;
පිළිම වන්දනාවට නො නැමෙන්නා ය;
බොරු පොරොන්දු නො දෙන්නා ය.
5 ස්වාමින්වහන්සේගෙන් ඔහු ආශිර්වාද ලබනු ඇත;
ඔහුගේ ගැලවුම්කරුවාණන් වන දෙවියන්වහන්සේගෙන් ඔහු ධර්මිෂ්ඨකම ලබනු ඇත.
6උන්වහන්සේ සොයා යන්නන්ගේ පරපුර එයයි;
යාකොබ්ගේ දෙවියන්වහන්ස, ඔබගේ මුහුණ දකින්නට එන්නෝ ඔවුහු ය. සෙලා
7එම්බා දොරටු, නුඹලාගේ හිස් ඔසවනු;
ඉපැරණි ද්වාරයෙනි, සපුරා විවර වනු;
මන්ද, තේජසේ රජ්ජුරුවන් පැමිණෙන බැවිනි.
8කවුරු ද මේ තේජසේ රජ්ජුරුවෝ?
බලවත්, පරාක්‍රමවත් ස්වාමින්වහන්සේ ය.
යුද්ධයෙහි පරාක්‍රමවත් ස්වාමින්වහන්සේ ය.
9එම්බා දොරටු, නුඹලාගේ හිස් ඔසවනු;
ඉපැරණි ද්වාරයෙනි, සපුරා විවර වනු;
මන්ද, තේජසේ රජ්ජුරුවන් පැමිණෙන බැවිනි.
10කවුරු ද මේ තේජසේ රජ්ජුරුවෝ?
උන්වහන්සේ, සේනාංකවල ස්වාමින්වහන්සේ ය.
තේජසේ රජ්ජුරුවෝ උන්වහන්සේ ය. සෙලා
Currently Selected:
ගීතාවලිය 24: SCV
Highlight
Share
Copy
Want to have your highlights saved across all your devices? Sign up or sign in
Holy Bible, Sinhala Contemporary Version™ | © 1980, 1991, 1994, 2011, 2020, 2025 by Biblica, Inc. | Used with permission. All rights reserved worldwide.
