ගීතාවලිය 14
14
ගීතාවලිය 14
සංගීත අධ්‍යක්ෂක වෙත. දාවිත්ගෙනි.
1අඥානයා, “දෙවි කෙනකු නැතැ” යි තමන්ට ම කියා ගනී.
ඔවුහු දූෂිතයෝ ය;
ඔවුන්ගේ ක්‍රියා අධම ය.
යහපත කරන කිසි කෙනකු නැත.
2 ස්වාමින්වහන්සේ ස්වර්ගයේ සිට
මිනිස් වර්ගයා දෙස පහත බලන සේක;
එසේ බලන්නේ, බුද්ධිමත් කෙනකු වේ ද,
දෙවියන්වහන්සේ සොයන කෙනකු වේ දැයි බලන පිණිස ය.
3සියල්ලන් නොමගට හැරී ගොසිනි; සැවොම එක සේ දූෂිත ව ඇත.
යහපත කරන කෙනෙක් නැත;
එක් කෙනකුවත් නැත.
4දුෂ්ටකම් කරන්නන්ට වැටහීමක් නැති ද?
මිනිසුන් රොටි බුදින්නාක් මෙන්, මගේ ජනයා කා දමන ඔවුහු
ස්වාමින්වහන්සේට අයැදුම් නො කරති.
5අන්න, ඔවුන් භීතියෙන් මුසපත් ව.
මන්ද දෙවියන්වහන්සේ දමිටුන්ගේ සමාජයෙහි වන බැවිනි.
6දුෂ්ටකම් කරන්නෙනි, නුඹලා පීඩිතයින්ගේ සැලසුම් භංග කරතත්,
ස්වාමින්වහන්සේ ඔවුන්ගේ පිළිසරණය ය.
7අහෝ! ඉශ්‍රායෙල්වරුන්ගේ ගැලවීම, සියොන වෙතින් පැමිණුනහොත් යහපති.
ස්වාමින්වහන්සේ තම ජනයාගේ භාග්‍යය යළි ස්ථාපිත කළ කල,
යාකොබ් ප්‍රීති වෙත්වා, ඉශ්‍රායෙල් ප්‍රමෝද වෙත්වා!
Currently Selected:
ගීතාවලිය 14: SCV
Highlight
Share
Copy
Want to have your highlights saved across all your devices? Sign up or sign in
Holy Bible, Sinhala Contemporary Version™ | © 1980, 1991, 1994, 2011, 2020, 2025 by Biblica, Inc. | Used with permission. All rights reserved worldwide.
