1 සාමුවෙල් 22:1-4
1 සාමුවෙල් 22:1-4 SCV
දාවිත් ගාත් පුර අතහැර, අදුල්ලාම් ගුහාවට බේරී ගියේ ය. ඔහුගේ සහෝදරයින් හා ඔහුගේ පියාගේ සියලු ගෘහ වාසීන් ඒ වග ඇසූ කල, ඔවුහු ද ඔහු වෙත එහි ගියහ. දුකට, විපතට පත්වූවන් ද ණයට, තුරුසට පත්වූවන් ද අසහනයට පත්වූවන් ද යන සැවොම ඔහු වටා රොක් වූහ. ඔහු ඔවුන්ගේ නායකයා විය. ඔහු සමඟ මිනිසුන් හාරසියයක් පමණ දෙනෙක් වූහ. එතැනින් මෝවබ්හි මිස්පේ වෙත ගිය දාවිත්, මෝවබ් රජුට කතා කොට, “මා උදෙසා දෙවියන්වහන්සේ කුමක් කරන සේක් දැයි දැනගන්නා තුරු මගේ පියාටත්, මවටත් මෙහි පැමිණ, ඔබ හා නවතින්නට ඉඩ දෙන්නැ” යි ඉල්ලී ය. එබැවින් ඔහු මෝවබ් රජු ළඟට ඔවුන් ගෙන ගියේ ය. දාවිත් බළකොටු ගුහාවේ ගත කළ කාලය මුළුල්ලේ ඔවුන් සිටියේ ඔහු ළඟ ය.





